SHBA: Media në Shqipëri
nën presionin e politikës
Në Shqipëri pak përparime janë bërë në krijimin e një lirie të plotë për shtypin. Mbi gazetarët ushtrohen presione politikë të drejtperdrejta dhe te tërthorta, ndërsa liriae medias u kufizua edhe si pasojë ë mungesës së fondeve. Kjo është panorama e shtypit që vjen sot përmes një artikulli të publikuar nga Ambasadori Amerikan në Tiranë Aleksandër Arvizu në Ditën Botërore të Lirisë së Shtypit
TIRANE- Në Shqipëri pak përparime janë bërë në krijimin e një lirie të plotë për shtypin. Mbi gazetarët ushtrohen presione politikë të drejtperdrejta dhe te tërthorta, ndërsa liria e medias u kufizua edhe si pasojë ë mungesës së fondeve. Kjo është panorama e shtypit që vjen sot përmes një artikulli të publikuar nga Ambasadori Amerikan në Tiranë Aleksandër Arvizu në Ditën Botërore të Lirisë së Shtypit. Arvizu vlëreson si përparim dhe hap të rëndësishëm miratimin e ligjit kundër shpifjes gjatë muajit shkurt, por sipas tij mbetet ende për të bërë. “Në Shqipëri panorama e medias është e përzier. Megjithësë u pa përparim në fushën e legjilsacionit të rëndësishëm për shpifjen në muajin Shkurt ende mbetet shumë për të bërë” thekson Arvizu në analizën e tij.
Duke përmendur Raportin Vjetor të Departamentit Amerikan të Shtetit për të Drejtat e Njeriut diplomati amerikan në Tiranë konstaton faktin shqetësues të presioneve politike mbi median e lirë. “…Media ishte aktive dhe në masë të gjerë e pakufizuar; megjithatë, pati raste presioni politik të drejtpërdrejtë ose të tërthortë mbi median, përfshirë kërcënime ndaj gazetarëve. Në disa raste presioni politik dhe mungesa e fondeve kufizuan median e shkruar të pavarur, dhe gazetarët raportuan se kishin ushtruar gjerësisht vetëcensurë…” –thuhet në shkrimin e ambasadorit amerikan.
Duke cituar Raportin e DASH, ambasadori amerikan thekson mes të tjerash edhe faktin se presionet mbi gazetarët erdhën jo vetëm nga politika, por dhe nga botuesit dhe redaktorët.
“Vazhduan forma të ndryshme të kanosjes ndaj medias. Gazetarët vazhduan të ankoheshin se botuesit dhe redaktorët censuronin punën e tyre, drejtpërdrejt ose tërthorazi në përgjigje të presioneve politike apo të biznesit. Shumë gazetarë u ankuan se mungesa e kontratave të punës për ta shpesh pengonte mundësinë e tyre për të raportuar në mënyrë objektive.”
Ambasada e SHBA në Tiranë shpreson që të gjithë aktorët, parlamenti shqiptar, organizatat e medias, si dhe vetë gazetarët do të ecin përpara me një përpjekje të përbashkët për të kryer ndryshimet e duhura që do të çojnë përpara larine e medias në Shqipëri. E ardhmja e drejtë e Shqipërisë në Bashkimin Europian varet nga një media e fortë dhe e pavarur-thuhet në mesazhin e Ambasadës SHBA.
Nevoja e Shqipërisë për të luftuar për një shtyp të fortë dhe të pavarur nuk është e izoluar. Anembanë botës, liritë e medias janë gërryer. Në disa raste, nuk janë vetëm qeveritë që sulmojnë, kanosin, dhe kërcënojnë gazetarët. Janë edhe kriminelët kartelet e drogës terroristët apo fraksionet politike.
Kur gazetarët kërcënohen, sulmohen, burgosen, apo zhduken, gazetarët e tjerë vetëcensurohen. Nuk raportojnë më lajmet. Ulin tonet e lajmeve. Lënë hollësi pa përmendur. Burimet nuk i ndihmojnë më. Redaktorët hezitojnë të botojnë artikuj. Vendin e së vërtetës e zë frika. Të gjitha shoqëritë tona vuajnë-mbyll analizën e tij për Shqipërinë Ambasadori I SHBA për të vijuar më pas analizën e tij mbi shtypin në botë (ns/shqiptarja.com)
Sondazhi i ditës:
'Rasti Qefalia', a fshihen gjobat pas akuzave të Këlliçit, Nokës, opozitës?
-
Po
70.6%
-
Jo
18.7%
-
Ndoshta
10.6%
Vota total: 913
Votat totale janë unike
Lajme të tjera
-
Miratohet draft-marrëveshja për ndërtimin e sheshit fundor të Bulevardit të Ri në Tiranë
22 Korrik, 23:01
-
Vuçiç: Perëndimi po përgatitet për konflikt direkt me Federatën Ruse
22 Korrik, 22:58
-
Kushtoi 10 milionë euro, Kylian Mbappe blen shtëpinë e Gareth Bale në Madrid! Pishina, fusha futbolli dhe golfi
22 Korrik, 22:54
-
FOTO e re/ Momenti kur Blushi e Valteri përplasen fizikisht në Këshillin Bashkiak
22 Korrik, 22:50
-
VIDEO/ Digjet banesa në Lazarat
22 Korrik, 22:34
-
'Çadra 30 euro më privon të ha drekën', ekspertja: Duhet turizëm i qëndrueshëm që gjeneron të ardhura për komunitetin
22 Korrik, 22:30
-
'Tipologji e re e turizmit në Shqipëri', eksperti: Vijnë shumë të rinj! Jo për plazhe por për ture, Gjirokastra nga më të preferuarit
22 Korrik, 22:13
-
Rusia dënon gazetaren e dytë amerikane në një proces gjyqësor sekret
22 Korrik, 22:08
-
UEFA dënon Egnatian dhe Vllazninë
22 Korrik, 22:04
-
Blushi qëlloi Valterin me grusht, Meta: E provokoi, qen bir qeni! Një horr që priste 3 orë të bënte foto me mua
22 Korrik, 22:00
-
PD dhe shoqëria civile protestë kundër ‘Rozafa Tower’ në Shkodër: Kulla s'asht Cool
22 Korrik, 21:50
-
'Pazari, zemra e turizmit në Gjirokastër', kryebashkiaku Flamur Golemi: Çmimet janë stabilizuar
22 Korrik, 21:47