SHBA, shkon në 12 numri i viktimave nga përdorimi i cigareve elektronike

Qendrat për Kontrollin dhe Parandalimin e Sëmundjeve në SHBA ka azhornuar numrin e viktimave prej cigareve elektronike. Sipas saj, ende nuk është identifikuar saktë substance që shkakton sëmundjen vdekjeprurëse të mushkrive.

Sidoqoftë, është vërtetuar se shumica e viktimave kanë qënë konsumatorë të rregullt të cigareve elektronike të cilat përmbajnë Thc (tetrahidrocannabinol), një kimikat i cili mendohet të jetë shkaku kryesor i efekteve psikologjike dhe psikopatike të shkaktuara nga kanabisi. Vdekja e parë nga cigarette elektronike në SHBA u regjistrua në muajin gusht.

Administrata e Donald Trump po shqyrton mundësinë e ndalimit të përdorimit të cigareve elektronike në të gjithë vendin.

“Është diçka potencialisht e rrezikshme. Ka pasur vdekje dhe shumë probleme të tjera. Njerëzit mendojnë se cigaret elektronike nuk dëmtojnë, por nuk është e vërtetë dhe madje ato krijojnë probleme dhe te të miturit" – tha Trump para gazetarëve.

Nju Jorku dhe Michigani para pak kohe ndaluan shitjen e cigareve elektronike me aromë.

Qendra për Parandalimin dhe Kontrollin e Mjekësisë, një nga agjencitë më të rëndësishme shëndetësore në Shtetet e Bashkuara, përmes një deklarate, iu ka kërkuar konsumatorëve të mos konsumojnë blejnë produkte jozyrtare për cigaret elektronike si dhe i ka kërkuar kompanive prodhuese të modifikojnë ampulat që përmbajnë substancat tymosëse, në mënyrë që të shmangen rreziqet shëndetësore.

TAG:
• SHBA
• donald trump
• New York
• cigare elektronike
• Michigan
• substancat tymosëse
• Qendra për Parandalimin dhe Kontrollin e Mjekësisë