Prej katër ditësh, aksi kombëtar Librazhd–Pogradec, që lidh Juglindjen me Tiranën, mbetet i paralizuar pas shembjes masive në zonën e njohur si “Arrat e Gurrës”.
Çarja e asfaltit përfundoi me fundosjen totale të trasesë së rrugës dhe urës, ndërsa rrëshqitjet vijon ende, duke e bërë të pamundur çdo ndërhyrje emergjente.
.jpeg)
.jpeg)
Ura dhe rruga Librazhd-Prrenjas e dëmtuar
Në terren, sot situata paraqitet e përkeqësuar. Rrëshqitja e dheut është aktive dhe ka dëmtuar jo vetëm trasenë ekzistuese, por edhe segmentin e ri të Korridori VIII, i cili po ndërtohet paralel me aksin aktual, nga kompania ANK.
Traseja e dëmtuar e segmentit të ri të Korridori VIII
Po kështu është shembur dhe një pjesë e hekurudhës, që ndodhet poshtë rrugës.
Hekurudha e dëmtuar nga rrëshqitjet e dheut
Aktualisht në terren gjenden vetëm ekspertet e Shërbimit Gjeologjik të cilët po kryejnë matje dhe pritet të dalin me një raport për mënyrën e ndërhyrjes. Deri atëherë, çdo veprim konsiderohet i rrezikshëm.
Një nga alternativat e diskutuara është ndërtimi i një rruge të përkohshme (bypass) paralel me hekurudhën, por vendimi do të merret nga Këshilli Teknik i ARRSH, pasi të shqyrtojë raportin e gjeologeve.
Ndërsa Autoriteti Rrugor Shqiptar e konsideron rrëshqitjen si fenomen natyror të shkaktuar nga reshjet, Prokuroria e Elbasanit ka nisur hetim kryesisht për disa vepra penale, mes tyre “Shpërdorim detyre”, “Shkelje e barazisë në tenderë”, “Shkatërrim i rrugës” dhe “Ndotje e ajrit, ujit apo tokës”.
Burime pranë organit të akuzës bëjnë me dije se është kryer këqyrja e vendit të ngjarjes dhe janë sekuestruar dokumentacione që lidhen me punimet në zonë.
Foto me dron nga çarja që pësoi fillimisht aksi Librazhd-Prrenjas
Do të jetë Prokuroria e Elbasanit ajo që do të vlerësojë nëse ka elementë që lidhin punimet e korridorit VIII me dëmtimin e aksit ekzistues; vetëm nëse evidentohen indicie për korrupsion apo shkelje të rënda, çështja mund të kalojë për kompetencë ne SPAK, thanë burimet.
Hetimi konsiderohet kompleks dhe në këtë fazë nuk përjashtohet asnjë pistë; përfshirë gërryerjen e lumit Shkumbin.
Makineritë që marrin inerte në lumin Shkumbin. Foto nga Citizens.al
Kreu i ARRSH-se ne mënyrë të vazhdueshme ka mohuar se ka pasur gërmime në vendin e rrëshqitjes, duke theksuar se projekti i Korridorit VIII parashikon masa për mbrojtjen e lumenjve.
Izolimi i aksit Librazhd–Përrenjas pas shembjes masive në zonën e njohur si “Arrat e Gurrës” po prek drejtpërdrejt jetën e banorëve. Një tjetër banor i zonës thotë se familjet janë të bllokuara dhe fëmijët nuk po shkojnë në shkollë.
“S’kemi rrugëdalje. Fëmijët janë në shtëpi. Tani nuk dimë çfarë do bëjmë. Presim. Kemi pasur furnizim për disa ditë. Masat duhet të ishin marrë. Fëmijët janë pa shkollë. Pa rrugë jemi. Shteti duhet të vërë dorë, të na hapë rrugën.”
Teksa rrëshqitja në zonën e “Arrave të Gurrës” vijon prej ditësh, një banor i kësaj zonës në Librazhd thotë për mediat se situata është e rrezikshme dhe se një pjesë e fshatit mund të përfshihet nga rrëshqitjet. Nga ana tjetër ai bën thirrje për mos politizimin e situatës.
“Këtu kemi qenë dembabadem. Ky vendi këtu ka qenë përherë me rrëshqitje por jo të këtyre përmasave. Lëvizja e makinave është shtuar, punimet kanë dhënë efektin e vet, por edhe shirat kanë ndikuar. Në këtë drejtim ku ka ndodhur plasaritja nuk janë marrë inertet. Inertet janë marrë më poshtë. Puna e inerteve nuk vlen. Ajo pjesë ka qenë gjithmonë e rrëshqitshme. Siç duket punimet sipër krijuan ngarkesën e madhe. Ndihemi të rrezikuar. Një lagje e tërë është gati në rrëshqitje. Rrezik është ajo. Duhen marrë masat, a ndonjë ndryshim projekti apo ndonjë studim.Energjia është shkëputur gjatë ditës por kemi patur. Është shumë problem.Se çfarë do të bëhet nuk e di. Një pjesë e fshatit është bllokuar. Këtu s’ka pasur rrugë fare, por rrugët u bënë për të rritur mirëqenien. Patjetër që krijohen probleme. Jeta kështu e ka. Nuk mund t'i zvogëlosh, zmadhosh apo t'i politizosh. Këtu duhet të flasin specialistët. Problemi ekziston dhe duhet t’I dilet përpara.” tha ai.
Prej mëngjesit të kësaj të marte, në segmentin Boboshticë–Dardhë është evidentuar një çarje në pjesën anësore të rrugës, që kufizon lëvizjen e drejtuesve të mjeteve në një korsi.
Autoriteti Rrugor Shqiptar (ARRSH) ka shkuar në terren për të vlerësuar gjendjen dhe po shqyrtojnë masat për stabilizimin e segmentit ndërsa kanë vënë në rrugë sinjalistikë kufizuese për drejtuesit e mjeteve.
Kjo situatë vjen pas disa problematikave të tjera në rrugët e juglindjes, ku rrëshqitjet e dherave dhe çarjet e asfaltit janë bërë të zakonshme duke ngjallur shqetësim për cilësinë e punimeve dhe për sigurinë e lëvizjes.
Duhet thënë gjithashtu se ky segment është një nga nyjet më të rëndësishme që lidh Korçën me fshatin turistik të Dardhës.
Komente
Lajme të tjera
-
Mentor Kikia: Ndaloni shkatërrimin e Shkumbinit, pasojat do të jenë shumë të rënda!
24 Shkurt, 22:34
-
Spahiu ironizon qeverinë: Në verë ankohen që zjarret bien nga dielli, në dimër urat bien nga shiu
24 Shkurt, 21:57 -
Tërmet në Shqipëri, lëkundjet me magnitudë 4.2 të shkallës Rihter! Epiqendra mes Lushnjës dhe Elbasanit
24 Shkurt, 20:08 -
Shembja e aksit Librazhd-Përrenjas, banori i zonës: S’kemi rrugëdalje, fëmijët pa shkollë
24 Shkurt, 19:49 -
Shembja e aksit Librazhd-Përrenjas, flet banori i 'Arrave të Gurrës' : Ndihemi të rrezikuar, kjo zonë ka qenë gjithmonë problem!
24 Shkurt, 19:40 -
Shembja e aksit Librazhd-Prrenjas/ Kreu i ARRSH: Ndërtimi i Korridorit VIII s’ka ndikuar! Zv.ministri i Infrastrukturës i shmanget pyetjeve të gazetares së Report TV
24 Shkurt, 18:49 -
Shembja e rrugës në Librazhd-Prrenjas 'paralizon' tregtinë, drejtori i doganave: Lëvizjet e kamioneve përmes pikave të Bllatës dhe Kakavijës
24 Shkurt, 18:33 -
Shembja në aksin rrugor Librazhd-Prrenjas, Kozeli: Në zonën e bllokuar kemi erozion të vazhdueshëm
24 Shkurt, 18:29 -
Shembja dhe bllokimi i aksit Librazhd-Prrenjas, Haki Çako: Mbrojtja Civile në gatishmëri të plotë për çdo situatë!
24 Shkurt, 18:23 -
Dëmtimi dhe bllokimi i aksit Librazhd-Pogradec, Policia: Në pikat kufitare po lajmërojmë shoferët për situatën
24 Shkurt, 18:18 -
Shembja e rrugës Librazhd-Pogradec, drejtuesi i Hekurudhës Shqiptare: Shkak shirat e dendur dhe rritja e volumit të lumit Shkumbin
24 Shkurt, 18:12 -
Shembja e rrugës Librazhd-Pogradec, Shërbimi Gjeologjik: Shkak kryesor reshjet e shiut! Do të kryejmë analizat e nevojshme dhe të japim rekomandimet tona
24 Shkurt, 18:09
Nese ndodhte nje gje e tille ne kohen para '90 gjysma e ministrise se transportit do ishte ne burg. Sot askush nuk mban pergjegjesi.., ju dhjefsha ne drejtesi.
PërgjigjuPër mjetet e tonazhit të rëndë: Pika doganore Qafë Thanë – Maqedoni - Pika doganore e Bllatës – Rruga e Arbrit I ka informuar njeri keta te rrugeve qe kamionat me mall duhet te zhdoganohen ?
Përgjigju