POP 5

Lajmet më të lexuara të 5 minutave të fundit

Shëndeti

Lajme nga emisionet

Shëndeti mendor, mjeket e Klinikës ‘Vera Virhov’ japin këshillat në ‘Klinika 24’: Çfarë duhet të kemi kujdes

Të ftuara në studion në emisionin “Klinika 24” në Report TV, me moderatore Doreada Mio, ishin disa mjeke të “Klinikës Vera Virhov”. Mjeket ishin në emision, jo vetëm si profesioniste në disiplinat që përfaqësojnë, por dhe si gra në karriera të shkëlqyera.

Të ftuara në studion në emisionin “Klinika 24” në Report TV, me moderatore Doreada Mio, ishin disa mjeke të “Klinikës Vera Virhov”. Mjeket ishin në emision, jo vetëm si profesioniste në disiplinat që përfaqësojnë, por dhe si gra në karriera të shkëlqyera.

Emisioni nisi në një mënyrë shumë të veçantë, pasi u shoqërua nga tingujt e violinës, që sipas mjekeve prezente në studio, muzika është terapia më e mirë për trupin dhe shpirtin. Në studio ishte mjekja psikiatre Fatbardha Xhani Mislimi, psikologia Rezarta Smegaj, logopeden Alketa Buba dhe një artiste si Antuanet Kaci.

“Kohët e fundit të gjithë flasin për rëndësinë e shëndetit mendor dhe përsëritja nuk është asnjëherë e tepërt dhe shëndeti mendor është ekuivalent më shëndetin fizik, për këtë motiv sensibilizimi dhe kapja në kohë e problemeve të shëndetit mendor është shumë e rëndësishme” tha mjekja psikiatre Fatbardha Xhani Mislimi në fillim të bisedës, duke shtuar se theksi vihet veçanërisht tek gratë, pasi janë pjesa më e ndjeshme e shoqërisë dhe pjesa që mban peshën më të madhe, qoftë të familjes apo shoqërisë. Por a kërkojnë gratë ndihmë më shpejtë në shoqërinë tonë?

“E vërteta është që sot kërkohet ndihmë më shpesh se më parë, sidomos pas COVID-it, pasi gjendja psikike e popullatës është rënduar, gjë që ka çuar në shtimin e rasteve që kërkojnë ndihmë” shtoi mjekja psikiatre.

Më pas moderatorja foli për rëndësinë stimulimit sensorial, ose siç njihet ndryshe, ndikimi i formave të artit për t’u shëruar pacientët, veçanërisht fëmijët.

”Stimulimi sensorial njihet prej kohës si formë kurimi për fëmijët me diagnoza të ndryshme dhe ajo që kemi parë ishte një reagim i jashtëzakonshëm i fëmijëve” u shpreh Logopedia Alketa Buba, duke shtuar se muzika ka fuqi tek fëmijët, duke kujtuar se njëherë Antuaneta kishte bërë një fëmijë që të prekte telat e violinës.”

Kjo terapi nuk duhet zhvilluar vetëm tek fëmijët, por dhe tek nënat e tyre” tha violinistja Antuaneta Kaci, duke shtuar se për të patur fëmijë të shëndetshëm, duhet të kemi nëna të shëndetshme.”

“Është shumë e rëndësishme që terapia tek fëmijët të bëhet sa më individuale pasi ka një rëndësi specifike” tha psikologia Rezarta Hasmegaj.

Ndërsa logopedja shtoi se duhet një bashkëpunim i prindit me terapistin për të patur një pasqyrë të qartë të situatës, por për shkak të elementin njerëzor, edhe logopedët mbartin një peshë emocionale dhe psikologjike. Balanca mes punës dhe jetës personale është gjithashtu shumë e rëndësishme dhe për psikologen Rezarta Smegaj.

Më pas mjekja psikiatre Fatbardha Xhani Mislimi foli për hobet e saj, si poezia dhe piktura që gërshetohen me profesionin.

”Është shumë e rëndësishme empatia në marrëdhënien mjek-pacient” tha Fatbardha.

Më pas recitoi një poezi të shkruajtur nga vet ajo.Në pjesën e dytë, panelit ju shtuan dy mjeke të tjera si Genta Dedej, Drejtuesja e Klinikës Vera Virhov” njëkohësisht dhe mjeke laboratori dhe Doktoresha e estetikës Manuela Drita Kaci.

”Jemi në muajin mars, muajin e gruas dhe femrat kanë prirje të kujdesen më shumë për veten e tyre” u shpeh Manuela, duke shtuar se koncepti i bukurisë ka evoluar me njeriun dhe njeriu sot duhet të ndihet i bukur si nga brenda dhe nga jashtë ku futet roli i mjekut.”

Shëndeti mendor është i lidhur shumë dhe me shëndetin fizik, ndaj trajtimi jo vetëm i trupit por dhe i mendjes, merr një rëndësi të veçantë” tha Genta Dedej.

Më pas ajo u ndal në rëndësinë e bërjes së analizave për të kapur në kohë dhe parandaluar problemet e ndryshme, si dhe në dëshirën e njerëzve për të patur informacion në kohë.

”Punën time e shoh si një sfidë të përditshme që më fal shumë kënaqësi dhe sidomos kur kam afër kolege profesioniste” shtoi Drejtuesja e klinikës.

Në fund në studio u dha dhe mesazhi për zonjat që të përpiqen të kenë respekt për vetën dhe të duan veten e tyre. Ndërsa Genta Dedej përshëndeti të gjitha zonjat që janë pjesë e sistemin shëndetësor dhe që bëjnë një punë fantastike çdo ditë.

SI.E./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56