"Pse më shikon?" Sherr në lavazh në Bulqizë, katër të rinj rrahin me shkopinj druri pronarin dhe një 25-vjeçar! 2 në pranga, 2 në kërkim

Foto ilustruese

Foto ilustruese

Katër të rinj kanë rrahur pronarin e një lavazhi në Bulqizë duke përdorur sende të forta. Ata shkuan në ambientet e lavazhit dhe u konfliktuan për motive të dobëta me pronarin e identifikuar me inicialet E.T., 34 vjeç, të cilin e goditën me shkopinj druri. Ngjarja ndodhi në lavazhin në lagjen "Gjeologu" ndërsa në lavazh ishte edhe një 25-vjeçar, i identifikuar si D.T., i cili pësoi dëmtime në trup nga konflikti.

Të dy u dërguan me urgjencë në spital dhe ndodhen jashtë rrezikut për jetën. Sherri nisi për arsye banale sepse njëri prej tyre pyeti "Pse më shikon?"

Policia e Bulqizës ka vënë në pranga dy të rinj, të identifikuar si Besjan Çoku, 26 vjeç dhe Mirjan Prethi, 27 vjeç dhe janë shpallur në kërkim Drilon Çoku, 29 vjeç dhe Silvester Cami, 26 vjeç. Pas mbërritjes së shërbimeve të policisë në vendin e ngjarjes kanë arritur të largohen.

Materialet procedurale i kaluan Prokurorisë pranë Gjykatës së Shkallës së Parë Dibër për veprime të mëtejshme.

A.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë mendoni se do të favorizojë votimi i emigrantëve në zgjedhjet e ardhshme?



×

Lajmi i fundit

John

Mikrofinanca, shpëtim për ata që nuk kanë?