TIRANE- Është shoqëruar me debate dhe momente tensioni seanca e radhës gjyqësore mes përfaqësuesve të bashkëshortes së Gjin Gjonit, Elona Çaushi dhe përfaqësuesve të Ministrisë së Financave për licencën e kompanisë së znj. Çaushi, për të kontrolluar ambientet Duty Free në Aeroportin e Rinasit, ndonëse ka humbur tenderin si dhe i ka mbaruar kontrata për këtë ambiente që në datën 27 gusht 2019. Seanca përgatitore zhvillua paraditen e sotme nën drejtimin e gjyqtarit Avni Sejdi, i cili me një vendim të ndërmjetëm, në 8 tetor të 2019, ka pranuar kërkesën e Albania Duty Free Distribution për pezullimin e efekteve të vendimit të Ministrisë së Financave për anulimin e autorizimit për ushtrimin e aktivitetit në ambientet Duty Free në Aeroportin e Rinasit, deri në zgjidhjen me themel të çështjes.
Përfaqësuesit e Ministrisë së Financave gjatë seancës kërkuan që të merrnin pjesë në gjykim si palë të interesuara kompania amerikane International Cruise Duty Free (ICDF), e cila ka fituar tenderin dhe ka lidhur një kontratë me TIA për menaxhimin e ambienteve që mban ‘peng’ kompania e çiftit Gjoni, kompaninë koncensionare TIA që menaxhon aeroportin e Rinasit si dhe Drejtorinë e Doganave.
Foto nga seanca gjyqësore
Katër përfaqësuesit e kompanisë së Elona Çaushit Albania Duty Free Distribution e kundërshtuan këtë kërkesë, me argumentin se padia nuk prek palët në fjalë, por objekti është vetëm goditja e një akti të Ministrisë së Financave, e cila në fund të muajt shtator vendosi t’i heqë licencën ADFD, në një kohë kur në mes të muajt gusht 2019. Gjatë kundërshtimeve, seanca mori një rrjedhë tjetër, pasi palët u përshinë në debate. Avokatët e gruas së Gjin Gjonit iu drejtuan përfaqësuesve të Ministrisë së Financave dhe një përfaqësuesi të TIA-s: Pse na hoqët licencën? Nuk kemi punë me ICDF. Pse nuk ju hedh në gjyq ju ICDF?”. Ndërkaq, përgjigja e përfaqësuesve të Financave ishte: “Sepse nuk kemi kontratë. U ka mbaruar kontrata. Si mund të merrni licencë pa patur kontratë? TIA ka organizuar tenderin, të cilin e ka fituar ICDF, duke lidhur një kontratë. Bëhet fjalë për të njëjtat ambiente”. Ndërkaq, avokatët e bashkëshortes së Gjin Gjonit kanë pretenduar se kontrata mes TIA dhe ICDF për menaxhimin e ambienteve që kontrollin sot ADFD me vendime gjykatash, nuk është më vlefshme që nga data 1 nëntor 2019, për shkak të pamundësisë së zbatimit.
Gjyqtari Avni Sejdi ka pranuar kërkesën e Ministrisë së Financave për ndërhyrje dytësore në procesin gjyqësor, që do të thotë se përfaqësuesit e kompanisë amerikane International Cruise Duty Free (ICDF) do të jetë pjesë e procesit. Ndërkaq, paralelisht me gjyqin në Gjykatën Administrative të Shkallës së Parë, po zhvillohet një tjetër betejë gjyqësore mes TIA dhe Albania Duty Free Distribution të Elona Çaushit në Gjykatën e Tiranës, për çështjen e kontratës. Kompania Albania Duty Free Distribution, me pronare bashkëshorten e gjyqtarit Gjin Gjoni, pasi humbi tenderin për hapësirat Duty Free në Aeroportin e Rinasit, iu drejtua gjykatës për të vijuar kontrollin e ambienteve, pavarësisht se kontrata i mbaronte në 27 gusht 2019. Në 7 gusht, pasi ADFD i ‘dogji’ gjyqin gjyqtarit Arjan Aliaj, Mimoza Kajo-Brahimi, e cila shqyrton të njëjtën kërkesë, vendosi që kompania e Elona Çaushit të vijojë aktivitetin tregtar në Aeroportin e Rinasit, deri në zgjidhjen përfundimtare të padisë. Ky vendim është ankimuar nga TIA në Gjykatën e Apelit.
Komente
Lajme të tjera
-
VIDEO/Protesta e opozitës tek rrethrrotullimi i Milotit, i pranishëm edhe Gjin Gjoni! Protestuesit ulen këmbëkryq në mes të rrugës, njëri varet te kamioni: Fike, mos harxho naftë kot!
29 Tetor, 17:07 -
'Berisha na premtoi primare! Kanë mbaru rrenat!' Demokratët e Lezhës 'kryqëzojnë' Nokën: Nëse vjen Gjekmarkaj s'dalim në fushatë! Report Tv sjell debatin që Sekretari i Përgjithshëm i PD u përpoq ta fshihte
21 Shtator, 10:49
-
FOTOT/ Në mungesë të Berishës, Fatmira Hajdari kujton vrasjen e të shoqit krah ish-gjyqtarit sheik Gjin Gjoni
12 Shtator, 19:26 -
VIDEO/ 'Më mirë Gjini se Pjerini'! Rithemelimi, këngë për Gjin Gjonin (VIDEO)
27 Prill, 14:16 -
Hyri i pastrehë në drejtësi e doli ‘sheik’, pasuria përrallore e Gjin Gjonit, ‘fytyrës’ së re të Rithemelimit! Si i gënjeu prokurorët për vilën 700 mijë €
8 Prill, 20:48 -
Ylli Pata: Pse Gjin Gjoni u bë kryetar i Foltores në Lezhë e jo në Shkodër?
8 Prill, 19:44
-
Mero Baze: Betejë për të rikthyer 'gjyqtarin e partisë'
8 Prill, 07:00
-
Shpëtoi Berishën nga gjyqi për kryengritjen e armatosur të 1998, Gjin Gjoni zgjidhet kryetar i degës së Rithemelimit në Lezhë
6 Prill, 19:45 -
Ylli Pata: Nga Beleri, tek Gjin Gjoni
20 Mars, 18:38
-
E shpëtoi nga gjyqi për kryengritjen e armatosur të 1998! Berisha s'heq dorë nga Gjin Gjoni! Ish gjyqtari milioner kandidat i Rithemelimit në Lezhë
20 Mars, 13:01 -
Ja pse u shkarkua gjyqtari Avni Sejdi! Vendosi pro gruas së Gjin Gjonit për dyqanet “Duty Free” të Rinasit! Pezulloi gjobën 46 mln lekë Klodian Allajbeut
1 Mars, 14:26
-
Pjesë e grupit kriminal, shefi i komisariatit nr. 6 Dedan Gjoni, nipi i ish-gjyqtarit Gjin Gjoni! Doli si ‘sheik’ nga drejtësia në prag të vetingut
21 Nëntor 2023, 22:16
Spese esshte akoma me leje lindjeje
PërgjigjuPa mbeshtetje politike asnjë lloj Gjin Gjoni nuk do i rrezistonte forcës së shtetit!
PërgjigjuAKOMA se kane futur ne burg kete gjin gjonin,,...
Përgjigju