Tension e trazira ka ngjallur protesta me pankarta brenda sallës së Senatit Italian, nga ana e grupit parlamentar te M5S (Lëvizja 5 yje e Grillos) dhe Lega Nord që akuzojnë për parregullsi Kryetarin e Senatit Pietro Grasso dhe shprehin pakënaqësi ndaj reformave të qeverisë Renzi. Situata degradoi kur personeli i sigurisë u detyrua të konfrontohej direkt me senatorët që protestonin, për tu hequr pankartat nga duart dhe për të siguruar mbarvajtjen e seancës. Por situata kishte dalë jashtë kontrollit dhe Kryetari i Senatit Grasso u detyrua të pezullojë punimet.
Dy senatorë gjatë trazirave në sallën e Senatit në mbrëmjen e djeshme përfunduan në infermieri. Senatori i Lega Nord, Nunziante Consilio, nuk u ndje mirë, doshta për shkak të një momenti dobësie dhe u nxorr jashtë sallës pak më pas nga një barelë.
Ndërsa Senatorja Laura Bianconi ka ndrydhur një shpatull, me sa dyshohet pasi u shty nga një përgjegjës i sigurisë dhe i është dhënë urgjentisht ndihma e parë në ambulatorin e Senatit për t’u rikthyer sërish në sallë ditën e sotme.
Kryetari Grasso këto incidente fizike brenda sallës i ka komentuar si të turpshme dhe që dëmtojnë kredibilitetin e Senatit Italian në sytë e opinionit publik.
Situata duket e rëndë dhe për qeverinë e Matteo Renzit, pasi në senat kaloi një Dekret Legjislativ, i propozuar nga Senatori i Lega Nord (aktualisht në opozitë) Stefano Candiani, që i jep kompetencë legjislative dhe Senatit mbi çështje etike “të ndjeshme” si të drejtat civile, familja dhe martesa. Qeveria e Partisë Demokratike ndodhet me një minorancë prej 7 votash kundrej opozitës në Senat, pasi Dekreti Legjislativ i sipër përmendur kaloi (në votim të fshehtë) me 154 vota pro, 147 kundër dhe 2 abstenim.
Kjo situatë ka vënë në krizë të brendshme Partinë Demokratike Italiane, pasi sipas numrave që posedon në Senat nga votimi i fundit rezulton se disa nga senatorët e saj kanë votuar kundër vet qëndrimit të partisë së tyre. Jo vetëm, kalimi i këtij Dekreti të propozuar nga opozita vë në dyshim mazhorancën e qeverisë Renzi dhe minon atë që është konsideruar prej vitesh në historinë parlamentare të Italisë si “bikameralizëm perfekt”, ku qeveritë e ndryshme italiane kanë pasur mazhorancën si në Parlament ashtu edhe në Senat.
Redaksia Online
(e.n/Shqiptarja.com)
Lajme të tjera
-
‘U luftua korrupsioni!’, Shqipëria përzgjidhet për partneritet me Korporatën Sfida e Mijëvjeçarit! Ambasada e SHBA e konfirmon, ndihmë për uljen e varfërisë
8 Janar, 16:39 -
Gaza/ Izraeli sulmon me avionë, 29 të vrarë, mes tyre 1 foshnje! Komandanti i IDF: Do detyrojmë Hamasin të lirojë pengje! Pritet vizita e të dërguarit special të Trump
8 Janar, 16:38 -
Altin Joka: Çfarë është sindroma e vezoreve policistike dhe si mund të kurohet me anë të ushqimeve që konsumojmë
8 Janar, 16:32 -
Kreshnik Spahiu: A duhet shpallur 8 Janari zi kombëtare?
8 Janar, 16:24
-
"Në kërkim të emigrantëve" Aleatët e PD: Opozita duhet të organizohet! Të jemi në një “front” për diasporën
8 Janar, 16:23
-
Ulet me 1 lek çmimi i energjisë për mbi 1 milion familje! SHEMBUJ se sa do kurseni nga fatura në muaj
8 Janar, 16:18
-
Report Tv sjell pamjet me dron/ Trafiku, rrethi vicioz prej të cilit Tirana nuk ka shpëtim! As Unaza e Madhe nuk ofron zgjidhje
8 Janar, 16:18 -
Përpjekje të reja për të arrestuar presidentin e shkarkuar të Koresë së Jugut
8 Janar, 16:14 -
Diaspora voton! Të shtunën hapet regjistrimi për emigrantët, në KQZ partitë ende debat të ‘ndezur’
8 Janar, 16:13
-
Lule në bankën e 12-vjeçarit që u nda nga jeta, shkolla në Maliq mesazh prekës: Leo do jesh gjithmonë me ne
8 Janar, 16:09 -
25 bashki në Shqipëri rritën çmimin e ujit në vitin 2024, mes kundërshtimesh të qytetarëve
8 Janar, 16:06
-
Ëndrra për t’u bërë futbollist iu pre në mes, 12-vjeçari që humbi jetën pjesë e KF Maliqit
8 Janar, 16:00
