POP 5

Lajmet më të lexuara të 5 minutave të fundit

Kultura

Shfaqja ‘Kopshti i dallëndysheve” sjell pesë ‘të çmendurit shpirtëror’ në teatër

Shfaqja “Kopshti i dallëndysheve” me regji të Kiço Londos do të ngjitet në skenën e Teatrit Kombëtar Eksperimental. Shfaqja ka në qendër disa të sëmurë ‘psikik’, të cilët janë të prekur nga dashuria, xhelozia edhe intriga

Të gjithë jemi të sëmurë shpirtëror. Këtë mund të vërtetojmë në shfaqjen “Kopshti i dallëndysheve” i autorit Babis Cikliropulos me regji të Kiço Londos që ngjitet në skenën e Teatrit Kombëtar Eksperimental Kujtim Spahivogli, e zhvendosur tek Artubina.  Regjisori Londo e risjell këtë vepër nën lojën e pesë artistëve Ermira Hysaj, Erand Sojli, Arjola Demiri, Suela Bako, Mehdi Malkaj dhe Naun Shundi, të cilët vijnë si të sëmurë shpirtëror që janë izoluar në një çmendin. Aty ku gjenden edhe nën kujdesin e një psikiatre tinëzare. Ata na sjellin nëpërmjet lojës së tyre, se si në këtë botë mund të takojmë çdo ditë shpirtra të rrënuar nga masakra morale, lakmia dhe pangopësia  

 “Po risjell edhe një herë “Kopshtin e dallëndysheve” të autorit Babis Cikliropulos. Sa herë jam në pozitë të vështirë më kujtohet “Kopshti me dallëndyshe”. Personazhe të tillë si në këtë shfaqje edhe idealist izolohen në çmendinë”, shprehet Londo.

Ndërsa, artistët flasin për rolet e tyre, pesha më e madhe në këtë shfaqje i bie aktorit Erand Sojli, jo sepse jo vetëm vjen si protagonist, por sepse vesh një rol, që më herët e ka luajtur aktori i mirënjohur Agim Qirjaqi.

 “Roli im është ai që ka interpretuar i madhi Agim Qirjaqi. Është fat, por edhe përgjegjësi njëkohësisht. Nuk është pjesë filozofike, por është e thjeshtë edhe flet për disa të sëmurë mendor, por që në të vërtetë janë të sëmurë shpirtëror. Ne të gjithë si aktorë, mendoj se jemi të sëmurë shpirtëror. Mendoj se gjithë globi është në një moment të tillë, sepse të gjithë jemi të prekur nga gjëra themelore, siç janë dashuria, xhelozia edhe intriga”, thotë Sojli.

Shfaqja do të ngjitet në skenën e Artubinës në datat 23-24-25 dhjetor ora 20:00.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Dosja 'Sky ECC' në Greqi: Çfarë u zbulua për Aleksandër Sadikajn dhe si u transferuan në Spanjë 400 mijë euro nga Denis Grabocka

Dosja 'Sky ECC' në Greqi: Çfarë u zbulua për Aleksandër Sadikajn dhe si u transferuan në Spanjë 400 mijë euro nga Denis Grabocka

25 Dhjetor, 18:45