POP 5

Lajmet më të lexuara të 5 minutave të fundit

Kultura

Shfaqja nga Kosova, 'Artisti i vetëm', në Teatrin Eksperimental 'Kujtim Spahivogli'

Kjo shfaqje me regji të Naim Berishës, që do të ngjitet për artdashësit e Tiranës në Teatrin Eksperimental "Kujtim Spahivogli" në datë 18 janar, ka në qendër dramën e brendshme të artistit të sotëm. 

Monodrama "Artisti i vetëm " me autor dramaturgun dhe romansierin e njohur gjerman Ralph Hammerthaler dhe me lojë dhe regji nga Naim Berisha ngjitet në skenën e Teatrit Eksperimental në datë 18 janar ora 19:00.

Shfaqja "Artisti i vetëm", e cila do ta ketë hyrjen falas, ka në qendër një temë aktuale sociale aktuale; trajton dramën e brendshme të një artisti të madh, i cili për shkak të degradimit të artit dhe shijes së publikut, përjashtohet nga shoqëria me dhunë, për t’u vënë në situatë të skajshme jetësore dhe ekzistenciale.

Personazhi i shfaqjes Hans Klip, gjatë prezantimit të fundit të zgjedhur prej tij para publikut rrëfen jetën e tij, momentet kulmore artistike në të shkuarën dhe dramën e tij në të tashmen. Në fund të tekstit Hans Klip vetlargohet dëshpërueshëm nga arti i tij dhe nga vetvetja, duke renë në humnerën e pakthyeshme të dëshpërimit.

Vepra bën thirrje përmes mesazhit të saj për kthimin e vlerave kulturore, në një shoqëri që është zvetënuar nga vlerat e mirëfillta dhe paraqet protestën më sublime kundër antivlerës.

Gjatë kësaj fundjave do të ngjiten në këtë teatër edhe tri premiera të tjera si “Princi dhe i varfëri”, “Faraoni” dhe 'Letër fëmijës që nuk u lind kurrë”.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Tragjedi në Brazil/ Shembet ura, 2 të vdekur dhe dhjetëra të tjerë të zhdukur

Tragjedi në Brazil/ Shembet ura, 2 të vdekur dhe dhjetëra të tjerë të zhdukur

25 Dhjetor, 14:35