POP 5

Lajmet më të lexuara të 5 minutave të fundit

Ekonomi

Shifra rekord/ Gushti i nxehtë ‘dogji’ 27.7 mln euro për të blerë energji, KESH importoi 210 mijë megavat

Muaji gusht është mbyllur me shifra rekord importi energjie elektrike. Më shumë se 27 milionë euro është fatura e energjisë së blerë në 5 ankande të KESH për muajin gusht. Vetëm për këtë muaj u blenë 210 mijë megavat orë energji. 

Ditët e nxehta të gushtit e shtuan ndjeshëm përdorimin e kondicionerëve, dhe për pasojë e rritën edhe faturën e importit të energjisë elektrike. Në 5 ankande të zhvilluara nga Korporata Elektroenergjetike, për këtë muaj janë shpenzuar në total 27.7 milionë euro për të blerë energji elektrike, në mënyrë që të garantohet furnizim pa ndërprerje me energji, në kushtet edhe të sezonit turistik që ka shtuar kërkesën për konsum.

Sipas shifrave të ankandeve të zhvilluara nga 29 korriku deri më 1 shtator 2024, KESH ka importuar më shumë se 210 mijë megavat orë energji elektrike me çmim mesatar pre 129 euro megavati. Kurse prej mesit të muajit qershor kur nisën importet e para të energjisë për këtë vit është blerë në total 48.8 milionë euro energji elektrike ose mbi 391 mijë megavat.

Sasia e shtuar e importeve javët e fundit, është shkaktuar nga mungesa e reshjeve pasi ka rënë prodhimi në hidrocentrale. Për të ulur varësinë nga reshjet përtej parqeve diellore dhe eolike, KESH pritet të vë në punë edhe termocentralet lundruese në Vlorë në muajin shtator.

Po ashtu qeveria planifikon të ndërtojë një central për ruajtje të energjisë elektrike, me vlerë 120 milionë euro, projekt që aktualisht është në fazë ideje. Ky vendim vjen për shkak se vendi ka mbiprodhim të energjisë gjatë stinës së dimrit, dhe energjinë e eksporton me çmim të ulët, pasi nuk ka kapacitete ruajtëse, ose në rastin më të keq hapen portat e hidrocentraleve që tej mbushen me ujë.

Sipas dokumentit të politikave prioritare të qeverisë 2025-2027, pritet të vihen në jetë 25 projekte energjetike në plan, me vlerë mbi 3.1 miliardë euro.

IMPORTET E ENERGJISË ELEKTRIKE
29-4 gusht           6,912,416 Euro
5-11 gusht           4,032,000 Euro
12-18 gusht         6,081,495 Euro
19-25 gusht         5,685,120 Euro
26-1 shtator        5,045,040 Euro
TOTAL             27,756,071 Euro

K.T./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • begi: 25/08/2024 17:36

    Pse askush nuk flet per rrogat e KESH? OST ka marrur rritje, KESH jo.

    Përgjigju
  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

VIDEO-LAJM/ Uzuni përshëndet me postim fansat e ekipit të ri Austin në spanjisht: Shihemi së shpejti në stadium!

VIDEO-LAJM/ Uzuni përshëndet me postim fansat e ekipit të ri Austin në spanjisht: Shihemi së shpejti në stadium!

24 Janar, 20:34