Partia Socialiste me në krye Edi Ramën vijon të shtojë mbështetjen popullore edhe pas 9 vitesh në pushtet, e ndihmuar edhe nga tkurrja e votuesve të Sali Berishës, Ilir Metës dhe Lulzim Bashës. Ky është mesazhi i qartë i zgjedhjeve të pjesshme lokale të 6 mars 2022.
Partia Socialiste ka shënuar rritje në të gjashtë bashkitë me 5 deri në 20 %, krahasuar me rezultatin në këto bashki në zgjedhjet parlamentare të 25 prillit 2021.
Nëse i referohemi numrit të votave, rritja më e theksuar dhe reale rezulton në bashkitë e Shkodrës dhe të Dibrës, ndërsa në 4 bashkitë e tjera, për rritjen e PS-së, ka ndikuar rënia e opozitës, ku përfshihet PD-ja zyrtare dhe Shtëpia e Lirisë së Sali Berishës dhe Ilir Metës.
Në Bashkinë e Dibrës, rritja e PS-ja ka shënuar kulmin me 20% krahasuar me zgjedhjet parlamentare të 25 prillit 2021.
Në Bashkinë e Dibrës, në zgjedhjet lokale të 6 marsit 2022, kandidati i PS-së Rrahim Spahiu ka fituar me 13 995 vota ose 60.8 %, kandidati i PD-së Luan Haka ka marrë 4437 vota ose 19.2 % dhe kandidati i Shtëpisë së Lirisë Përparim Kryemadhi 4478 vota ose 19.4 %.
Në zgjedhjet e 2021, PS-ja, në Bashkinë Dibër, ka marrë 11459 vota ose 40.8 % të votave, PD-ja 13747 vota ose 49 % dhe LSI-ja 2333 vota ose 8.3 %. Pra rritja e PS në Dibër është edhe me numër votash, por edhe për shkak të braktisjes së opozitës nga votuesit.
Në Bashkinë e Shkodrës, Partia Socialiste është rritur në raport me zgjedhjet parlamentare të 25 prillit 2021, ndonëse zgjedhjet i fitoi kandidati i aleancës Berisha-Meta.
Në Bashkinë e Shkodrës, kandidati i koalicionit Shtëpia e Lirisë, Bardh Spahia, po fiton me 20 125 vota ose me 43.6 %. Kandidatja e PS-së Majlinda Angoni ka marrë 18 205 vota ose 39.5 %, ndërsa kandidati i PD-së Xhemal Bushati ka marrë 7749 vota ose 16.8 %. Në zgjedhjet e parlamentare të 25 prillit 2021, në Bashkinë e Shkodrës, PS-ja mori 1548 vota ose 28 %, PD-ja 29893 vota 43 % dhe LSI-ja 7880 vota ose 9.3 %.
Në Vorë PS-ja është rritur me 16 % për shkak rrudhjes së opozitës, ndonëse ka marrë më pak vota se sa në 2021.
Në zgjedhjet lokale të 6 marsit 2022, kandidati i PS-së për Bashkinë Vorë Blerim Shera ka marrë 8431 vota ose 69 % të votave. Kandidati i PD-së Ymer Marku ka marrë 764 vota ose 6 %, ndërsa kandidati i Shtëpisë së Lirisë Lulzim Vrana ka marrë 2956 vota ose 24 %. Në zgjedhjet e 25 prillit 2021, në Bashkinë e Vorës, PS-ja ka marrë 8458 vota ose 53 % të votave, PD-ja 5705 vota ose 36 % dhe LSI-ja 900 vota ose 5.7 %.
E njëjta gjë ka ndodhur edhe në Bashkinë e Rrogozhinës, ku Partia Socialiste është rritur me 10 % krahasuar me zgjedhjet parlamentare të 25 prillit 2021, edhe me numër votash, por më shumë për shkak të rrudhjes së opozitës në këto zgjedhje.
Në zgjedhjet lokale të 6 marsit 2022, kandidati i Partisë Socialiste, Edison Memolla fitoi zgjedhjet me 5438 vota ose rreth 61 %. Kandidati i Partisë Demokratike, Ferdinad Saraçi ka marrë 1966 vota ose rreth 22 %. Kandidati i aleancës Berisha-Meta (Shtëpia e Lirisë), Hekuran Xhani ka marrë 1550 vota ose 17 %. Në zgjedhjet parlamentare 2021, në Bashkinë e Rrogozhinës, PS-ja ka marrë 5337 vota ose 50 %, koalicioni i PD-së 3949 vota ose 37 % dhe LSI-ja 618 vota ose 5.8 %.
Në Bashkinë e Durrësit, në zgjedhjet lokale të 6 marsit 2022, kandidatja e PS-së Emiriana Sako është shpallur fituese me 39 157 vota ose 58 %, kandidati i PD-së Luan Hoti ka marrë 7937 vota ose 11.8 % dhe kandidati i i Shtëpisë së Lirisë Ardian Muka 19 876 vota ose 29.6 %. Por, në zgjedhjet parlamentare 2021, në Bashkinë e Durrësit, PS-ja ka marrë 52293 vota ose 50 %. PD-ja ka marrë 43478 vota ose 41.6 % dhe LSI-ja 6255 vota ose 6 %. Pra, PS ka marrë 13 vota më pak se në 2021, nga ana tjetër por 8 % më shumë për shkak të rënies së opozitës.
Në Baskinë e Lushnjes, Partia Socialiste është rritur me 5 % të votave, krahasuar me zgjedhjet parlamentare të 25 prillit 2021, për shkak të rënies së opozitës. Në Bashkinë e Lushnjës, në zgjedhjet lokale të 6 marsit 2022, kandidatja e PS-së Eriselda Sefa është shpallur fituese me 21 477 vota ose me 58.8 %. Kandidati i PD-së Indrit Sefa ka marrë 3809 vota ose 10 %, ndërsa kandidati i Shtëpisë së Lirisë Elton Bano ka marrë 11 238 vota ose 30.7 %.
Në zgjedhjet e fundit parlamentare, në Bashkinë e Lushnjes, PS-ja ka marrë 24 794 vota ose 53.7 %, PD-ja 17069 vota ose 36.9 % dhe LSI-ja 2911 vota ose 6.3 %.
Komente
Lajme të tjera
-
PS i shtrin dorën e bashkëpunimit opozitës, Etjen Xhafaj: Gati të ulemi në tryezë me PD! Gazetarja: Jo për sy e faqe, duhet të ofroni diçka
1 Nëntor, 15:03 -
Tabaku për Progres-Raportin: Parlamenti si kalim me pengesa, ka përkeqësime! PS të marrë parasysh shqetësimet tona, ja pse s’e votuam deklaratën e përbashkët
1 Nëntor, 10:45 -
Eduard Zaloshnja: Më pak votues për PS-në në Qarkun Tiranë, por edhe më pak për PD-në…
31 Tetor, 16:07
-
PS rrëzon dekretin e Begajt, ktheu ligjin 'Për inspektimet', merr edhe 5 vota nga opozita! Zgjatet afati i Komisionit hetimor për 'Sterilizimin e Check Up'! Miratohet 'Kërkimi Shkencor'
31 Tetor, 12:35 -
Zbardhen Amendamentet që PS-ja i pranoi Fredi Belerit! Të parat u aprovuan, 3 të fundit u riformuluan me bashkëdakordësi, por PD refuzoi
30 Tetor, 15:48 -
Shpërthimi me 2 të vdekur në magazinën në Lushnjë, deputeti i PS, Bujar Çela pyetet 2 orë në SPAK: Isha si person në hetim (VIDEO)
30 Tetor, 12:19
-
Ktheu ligjin ‘Për inspektimet’, PS kundër dekretit të Begajt: I rrezikshëm, prek edhe 69 ligje të tjera
29 Tetor, 16:59
-
SPAK merr të pandehur deputetin e PS, Plarent Ndreca! Shkeli barazinë në tenderë si sekretar në Ministrinë e Brendshme! Nga 4 komisariate, u rikonstruktuan 2
25 Tetor, 11:54
-
Balla vizitë në shkollën e Gjuhës Shqipe në Philadelphia: Jeni shembull
25 Tetor, 10:42 -
Turi me diasporën, Rama nesër takim me shqiptarët në Nju Jork: Me fuqinë e bashkimit, do ngremë flamurin në oborrin e BE-së (VIDEO)
25 Tetor, 09:57 -
Edi Rama aplikantëve për deputet: Politika sot në moment degradimi! Është një rrugë e vështirë, guximtarët ia dalin! Po përgatisim gjeneratën PS 2030
21 Tetor, 17:39 -
Eduard Zaloshnja: Kur vagonat shtyjnë lokomotivën
21 Tetor, 15:17
Te tre ishit fatkeqesia politike,kombetare e njerezore e shqiptarve dhe Shqiperise.Dje sh qiptaret hoqen qfet kete "morr" te vjete,hoqen varferine dhe krimin nga vetja.Hoqen tmerrin dhe kaosin politik,kombetar e njerezor.Per habi Shkodra gjithmonë marret per menquri e trimeri,dje mbeti ne balten kunderrmuesi te Salihut dhe Ilirit,dy personave me te sh emtuar tash tridhjet vjet te politikes"demokratike" shqiptare.
Përgjigju5 mije leke ta coje naften dhe prape rritje te frikshme do kete qeveria ne votime. E kuptoni qe nuk ka votim per veten, per hallet e tyre por vetem militantizem? Iku kjo, po shkodra qe voton Kandidatin e Non Grata dhe te Like Floririt? Cfare do fitoje? Apo lesht e currit njelloj si me Voltanen. Ashtu qendroni te palekundur bastione te partive dhe jo halleve tuaja.
PërgjigjuNuk funksionuan grupet guerile per mbrojtjen e votes?Prandaj deshtuat.Ah mor Gaz Kavaja c'na bere.
Përgjigju