Zjarret e këtij sezoni vjetor në vend po shkaktojnë dëme të konsiderueshme materiale dhe në biodiversitet, por nuk kanë munguar viktimat dhe të lënduarit.
Sistemi Europian i Informacionit për Zjarret në Pyje, EFFI, njofton se në Shqipëri, nga data 1 janar 2024 dhe deri në ditën e djeshme, (15 Gusht), janë djegur gjithsej 29143 hektarë me pyje. Një shifër e konsiderueshme kjo, që dukshëm ka edhe pasoja ekonomike.
Po sipas këtij burimi, vetëm gjatë javës së fundit, në Shqipëri janë djegur nga zjarret 2390 hektarë me pyje dhe bimësi (tabela më poshtë).
Që nga fillimi i vitit, sistemi satelitor i monitorimit i Bashkimit Europian ka vërejtur "1159 anomali termike në territorin e Shqipërisë. 410 anomali termike janë regjistruar vetëm gjatë javës së fundit, me rritje në krahasim me një javë më parë, ç’ka flet për rritje të temperaturave me ndikim në situatën e zjarreve në sipërfaqet pyjore".
Por një pjesë e konsiderueshme e tyre janë edhe zjarrvënie të qëllimshme, pasojë e konflikteve të mundshme apo edhe tentativës për të ripërtërirë kullotat kodrinore dhe malore.
Më të dëmtuara janë bjeshkët e zonës verilindore, por edhe zonat bregdetare dhe ato jugore. Vatrat më problematike të ditëve të fundit, sipas Ministrisë së Mbrojtjes, kanë qenë ato në Parkun e Malit të Tomorit, bjeshkët e Dibrës, si dhe Parkun e Prespës.
Në ndihmë të Emergjencave të Shqipërisë kanë ardhur edhe dy avionë të dërguar nga Rumania, si pjesë e operacioneve dhe masave nga Bashkimi Europian.
Gjatë 24 orëve të fundit u raportuan 29 vatra zjarri, nga të cilat 15 u shuan dhe 14 janë ende aktive. Në terren punojnë edhe 1245 forca të ndryshme për shuarjen dhe nga ajri dy avionë dhe një helikopter.
Tabela e EFFI për dëmet nga zjarret në Shqipëri
Lajme të tjera
-
Skrapar/ Zjarri në Malin e Tomorit, flakët marrin përmasa të mëdha të favorizuar nga era
15 Gusht, 20:49 -
Java e vështirë e zjarreve, Vëngu: 10 vatra janë ende aktive, gatishmëria është rritur! Flakët vijojnë të djegin Parkun Kombëtar të Prespës
15 Gusht, 15:44 -
Izolohen pas dy ditësh flakët në Parkun Kombëtar të Tomorit! Në Bulqizë zjarri rrezikoi një banesë
13 Gusht, 07:53 -
‘Luftën’ me flakët s’e ndalin milionat që shpenzohen çdo vit nga Bashkitë e Emergjencat për t’u mbrojtur! 15 mln € në dispozicion vetëm për pushtetin vendor
12 Gusht, 20:52
-
Zjarret/ 11 vatra zjarri aktive në vend! Vijojnë të jenë aktive flakët në Parkun kombëtar të Prespës në Malin e Thatë
12 Gusht, 10:44 -
Maqedoni e Veriut/ Vatër e madhe zjarri prej 3 ditësh në Malin e Thatë, flakët afër parkut të Prespës, në Korçë! Po punojnë për shuarje edhe 3 helikopter
10 Gusht, 21:45
-
Zjarret në vend, Ministria e Mbrojtjes: 5 vatra ende aktive! U bë i mundur izolimi i 19 gjatë 24 orëve
27 Korrik, 10:53 -
Situata e zjarreve në vend, Ministria e Mbrojtjes: 3 vatra aktive në Delvinë, Gjirokastër dhe në Liqenet e Lurës
12 Korrik, 10:01 -
Drafti i ri/ Rezerva materiale shtetërore do të aktivizohet edhe në kriza inflacioni, dhe jo vetëm në kohë luftë apo emergjence civile
19 Qershor, 12:45
-
Zjarret në sezonin e verës/ Kreu i Emergjencave Civile Çako mbledh strukturat e Qarkut Korçë
15 Maj, 20:13 -
Zhduket liqeni i 'Prespës së Vogël', kthehet në kënetë! Eksperti Stojani: Humbje e pakthyeshme e një pasurie natyrore të rëndësishme
9 Mars, 15:38
-
Në majën e malit të Tomorit, dimri ‘skalit’ skulpturën e Abaz Aliut
5 Janar, 09:14
