POP 5

Lajmet më të lexuara të 5 minutave të fundit

Kronikë

'Shkak u bë kontrolli në bilardo', zbardhet dëshmia e efektivit që plagosi 3 persona gjatë sherrit në Mamurras: Agresorët më goditën, pastaj qëllova me armë

Zbardhet dëshmia e efektivit të policisë David Medani, i cili u përfshi në konflikt ditën e djeshme në Mamurras ku mbeti i plagosur ai dhe 2 persona të tjerë. Në deklarimet e tij para hetuesve, Medani mësohet të ketë thënë se i kanë zbritur 6 persona nga dy makina dhe janë drejtuar drejt tij me sende të forta në duar.

'Shkak u bë kontrolli në bilardo', zbardhet dëshmia e efektivit që plagosi 3 persona gjatë sherrit në Mamurras: Agresorët më goditën, pastaj qëllova me armë

Pamje nga ku ka ndodhur sherri në Mamurras

Zbardhet dëshmia e efektivit të policisë David Medani, i cili u përfshi në konflikt ditën e djeshme në Mamurras duke plagosur aksidentalisht 2 kolegët e tij dhe një person tjetër. Në deklarimet e tij para hetuesve, Medani mësohet të ketë thënë se i kanë zbritur 6 persona nga dy makina dhe janë drejtuar drejt tij me sende të forta në duar.

“Nxora armën e shërbimit nga brezi dhe qëllova dy herë në ajër, duke ju thënë te mos afroheshin. Por pavaresisht thirrjeve ata më goditën dhe unë qëllova sërish në mënyrë të pakontrolluar, duke plagosur njërin nga agresoret dhe kolegët e mi”, mësohet të ketë thënë Medani.00.

Gjithashtu Medani ka deklaruar se të martën ka qenë në pune turn i parë dhe gjatë paradites me shefin e policisë dhe patrullën kanë ushtruar kontroll në një lokal nga nisi dhe zanafilla e sherrit.

“Rreth orës 9.30 me thirri shefi i stacionit i cili më tha se do shkojmë për kontroll. Së bashku me policin Ilir Zeka me mjetin e policisë ne u nisëm pas mjetit privat të shefit dhe u ndalëm në një lokal. Pasi hymë në lokalin kafe bilardo kontaktuam një person  dhe i bëmë të ditur arsyet e kontrollit. Por ky shtetas debatoi me shefin dhe urdhëroi shoqërimin e këtij personi drejt postës” ka thënë polici.

Efektivi i policisë David Medani u arrestua mëngjesin e së mërkurës dhe ndaj tij janë ngritur akuza “Plagosje e rëndë në kapërcim të kufijve të mbrojtjes së nevojshme” dhe “Plagosje e rëndë nga pakujdesia”. Gjithashtu ne lidhje me ngjarjen janë arrestuar edhe tre persona të perfshirë në konflikt. Të arrestuar janë Gjon Fufi, 40 vjeç, Nikoll Fufi (e ka ndryshuar mbiemrin në Vorfi), 36 vjeç dhe Rudolf Fufi, 31 vjeç, të tre lindur e banues në Mamurras. Ngjarja ndodhi pasi efektivët e policisë u përfshinë në një sherr me disa pjesëtarë të fisit të ish deputetit Mhill Fufi. 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Aaaa: 15/04/2021 00:32

    Po agresoret po sikur t kish vdek njeri ca do behej. Hajde polic hajde

    Përgjigju
  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Meta 'në sulm', Kulluri: Ka paranoja! I vetmi që e ka shitur është Berisha, kur ta kuptoj do jetë vonë

Meta 'në sulm', Kulluri: Ka paranoja! I vetmi që e ka shitur është Berisha, kur ta kuptoj do jetë vonë

25 Prill, 17:54