Duke marrë shkas nga disa spekulime që janë bërë ditët e fundit lidhur me largimin nga puna të 4 minatorëve, kompania AlbChrome shpk sqaron se ky vendim ka ardhur pasi ata nuk kanë respektuar kontratën dhe rregulloren e Brendshme. Në reagimin e tyre, AlbChrome shpk bën me dije se punonjësit janë paralajmëruar, por pavarësisht kësaj nuk e kanë marrë parasysh një gjë të tillë, çka ka çuar në shkarkimin e tyre.
"Nga ana e kompanisë AlbChrome shpk, dëshirojmë të sqarojmë mediat dhe opinionin publik si më poshtë:
Më 16 Dhjetor 2019, kompania AlbChrome është njohur zyrtarisht për krijimin e një sindikate të re, atë të Minatorëve të Bashkuar të Bulqizës. 21 minatorë nga 652 minatorët e AlbChriome na rezulton se janë pjesë e kësaj sindikate. 4 prej tyre pasi janë paralajmëruar disa herë për shekljet e vazhdueshme të kontratës së punës dhe rregullores së brendshme të kompanisë, janë shkarkuar nga puna për vazhdimin e përsëritur të shkeljeve në fjalë, si mungesa të pajustifikuara në vendin e punës.
AlbChrome dëshiron të sqarojë se respekton të drejtën ligjore të çdo punonjësi për t'u grupuar në sindikata të tilla. Nëse kompania nuk do ta respektonte një të drejtë të tillë, reagimi i saj nuk do të kishte prekur vetëm 4 nga anëtarët e sindikatës së mësipërme, por edhe minatorë të tjerë të AlbChrome, të cilët sindikata në fjalë pretendon se janë anëtarë të saj. Nga ana tjetër, vërtet janë larguar 4 minatorë nga puna për shkeljet e përmendura, por janë punësuar menjëhere 4 minatorë të tjerë në vendet e tyre.
Dëshirojmë të sqarojmë gjithashtu se AlbChrome ka në fuqi një kontratë kolektive me Federatën e Sindikatave të Industrisë, anëtare e Konfederatës të Sindikatave të Shqipërisë.
AlbChrome i trajton punëtorët e saj me normë dhe u jep pagën e 13-të çdo vit. Ky trajtim, është më dinjitozi i mundshëm në krahasim me secilën prej 36 kompanive të tjera të shfrytëzimit të kromit në vend dhe ftojmë këdo që ta verifikojë nga pranë këtë.
Gjithashtu, nëse do të kishte patur ndonjë tendencë ndaj minatorëve apo sindikatave, AlbChrome nuk do të kishte punësuar 100 punonjës të rinj vetëm gjatë vitit të fundit dhe nuk do të hapte perspektivën për 200 punësime të reja në vijim falë investimeve të kryera vitin e fundit, të cilat kanë rritur ndjeshëm sigurinë për minatorët.
Sakaq, vërejmë me keqardhje se prapa 4 minatorëve të larguar nga puna dhe krijimit të sindikatës së tyre qëndron një lëvizje politike, e cila ka qenë amplifikatori që një ngjarje të zakonshme dhe të brendshme të një kompanie private, ta paraqesë si një çështje të rëndë dhe me pasoja edhe për minatorë të tjerë.
Sipas Kodit të Punës, kur punonjësi braktis vendin e punës dhe nuk njofton brenda 7 ditëve arsyen e mungesës, konsiderohet si zgjidhje e njëanshme e kontratës nga punonjësi (madje sipas kesaj dispozite, nenit 156, punëdhënësi gëzon të drejtën e dëmshperblimit). Gjithashtu në kontratën individuale të punës, palët kanë parashikuar që kur punonjësi bën më shumë se 7 mungesa pa arsye në një vit, punedhënësi gëzon të drejtën e zgjidhjes se njëanshme të kontratës së punës. Kjo ka ndodhur edhe në rastet tona, megjithatë duam të theksojmë se largimi i tyre është bërë për shkelje të ndodhura përpara se ata ta vinin në dijeni kompaninë për krijimin e sindikatës.
Ftojmë të gjitha mediat që të vijnë të investigojnë nga prane ngjarjen, për të parë se si qëndron e vërteta", njofton kompania AlbChrome.
Lajme të tjera
-
Edi Paloka tenton t’u afrohet minatorëve por e përzënë: Largohu, hajdut! Shikoni videon
31 Tetor, 12:34 -
Indeksimi i pensioneve, minatorë dhe pensionistë protestojnë te Ministria e Ekonomisë: Rritje vetëm 11-24 Lekë në ditë, as sa për autobus!
20 Shtator, 18:37 -
VIDEO/ Minatorët protestojnë para Parlamentit, kërkojnë miratimin e Statusit
12 Shtator, 10:18 -
Minatorët 30 vjet në kërkim të statusit, protestë para Ministrisë së Infrastrukturës! Ndezin qirinj në nder të kolegëve që vdiqën në miniera
22 Shkurt, 13:32
-
Në 76-vjetorin e hapjes së minierës së Bulqizës, minatorët në protestë për ‘statusin e minatorit’: Premtim i pambajtur
18 Shkurt, 20:10
-
Ishte duke punuar, plagoset minatori në një minierë në Martanesh
16 Shkurt, 14:12 -
Plagoset minatori në Bulqizë, 53-vjeçari niset për mjekim drejt spitalit të Traumës
10 Shkurt, 11:39 -
Po gërmonin në minierë ari, humbin jetën mbi 40 minatorë në Afrikën Perëndimore
26 Janar, 10:57 -
Humbi shikimin nga shpërthimi i minave, sot apel për ndihmë! Ish-minatori nga Kukësi: Nuk më zë gjumi, dua bukë e shtëpi për fëmijët
20 Janar, 17:57
-
Minatorët e Trepçës ndërpresin grevën
3 Nëntor 2023, 09:01 -
Prej ditësh në grevë urie, përkeqësohet gjendja shëndetësore e minatorëve të Trepçës
29 Tetor 2023, 13:44 -
Ish-minatorët protestë para Kryeministrisë, kërkojnë miratimin e statusit dhe rishikimin e pensioneve
27 Tetor 2023, 11:40
