Shkarkimi i Fatos Lulos, Rama: Goditja e Vettingut hidhëroi liderin historik të PD

TIRANE-Kryeministri Edi Rama ka ‘thumbuar’ sërish Sali Berishën duke i kujtuar gjyqtarin e Gjykatës Kushtetuese, Fatos Lulo i cili u shkarkua nga Vettingu, pasi nuk justifikonte 480 mijë dollarë dhe një banesë në Kanada. Rama thotë se goditja nga Vettingu e ka hidhëruar liderin historik të PD dhe partinë e tij.

“Nisja e Vetingut me goditje ligjore për subjektin e parë që kaloi sitën e këtij procesi historik për drejtësinë shqiptare, e ka hidhëruar liderin historik të PD-së dhe partinë e tij, por asnjë baltosje e mëtejshme e Vetingut nuk ka shans ta frenojë pastrimin e Pallatit të Drejtësisë nga gjykatësit e prokurorët e korruptuar” shkruan Rama në Facebook.

Reagimin Rama e shoqëron në Facebook me videon e deklaratës së deputetit të PS, njëherësh Kryetar i Komisionit të Ligjeve, Ulsi Manja. Duke iu referuar po PD-së, Manja tha se gojët e liga duhet të heshtin.

LEXO EDHE:
Kryeministri spanjoll mendon dorëheqjen ndërsa bashkëshortja akuzohet për korrupsion, Rama: Mos u dorëzo, e vërteta do mbizotërojë

Fatos Lulo ishte i pari në komisionin e Vettingut dhe u shkarkua, ndërsa në vijim pritet që të kalojnë në filtër edhe shumë gjyqtarë dhe prokurorë të tjerë.

TAG:
• edi rama
• fatos lulo
• vettingu
• sali berisha

Sondazhi i ditës:

A ka politika frikë nga SPAK-u?

• Po

  68.8%

• Jo

  26.3%

• Nuk e di

  4.9%

Vota total: 4104

• Sondazhi i ditës:

  A ka politika frikë nga SPAK-u?

  Po Jo Nuk e di