TIRANE - Ka qëndruar vetëm për tre muaj në krye të Tatimeve. Qeveria shkarkon nga detyra, Enton Duron, Drejtorin e Përgjithshëm të Tatimeve. Vendimi u mor në mbledhjen e sotme të Këshillit të Ministrave. Aktualisht nuk ka ende një emër për postin e mbetur bosh të drejtorit të Përgjithshëm të Tatimeve. Emërimi i tij më 27 Mars të këtij viti erdhi me propozim të Ministrisë së Financave dhe Ekonomisë, kur u dorëhoq për arsye personale drejtoresha e Tatimeve në atë kohë, Vasilika Vjero. Vetëm pak ditë pasi erdhi në detyrë, më 3 prill, kryeministri Edi Rama dhe zv.kryeministri Erjon Braçe patën një mbledhje me Duron dhe drejtuesin e ri të Doganave, Arlind Gjokutaj i emëruar në të njëjtën kohë me drejtuesin e Tatimeve.
Nga sa u mësua në atë kohë, mbledhja ishte me tone të ashpra dhe me piketa të qarta nga kreu i qeverisë për të ndryshuar situatën në Tatime, përmes një reformimi të thellë të të gjithë administratës. Në atë kohë, drejtuesve të rinj ju la një muaj kohë për të treguar rezultatet, që mesa u pa është shtyrë në tre muaj derisa sot Enton Duro shkarkohet. Ky vendim përkthehet në mungesë rezultatesh nga ana e drejtorit të Përgjithshëm të Tatimeve, në një drejtori që nga viti 2013, kur qeveria e majtë erdhi në pushtet, ka ndërruar tre drejtorë. E para Briseida Shehaj, më tej ardhja e Vasilika Vjeros, pasuar nga Enton Duro, dhe që me drejtuesin e ri që pritet të emërohet, shkojnë në 4.
Në periudhën 2015- 2016 ka punuar si këshilltar në Ministrinë e Financave për çështjet makro-fiskale, statistikave dhe zhvillimit, përmes programit “Lead Albania”. Në periudhën maj 2018- mars 2019 ka mbajtur postin e Drejtorit të Përgjithshëm të Drejtorisë së Përgjithshme të Taksës së Pasurisë në Ministrinë e Financave dhe Ekonomisë, ku roli dhe sfida kryesore ka qenë krijimi i Kadastrës Fiskale. Nga data 27 mars 2019 deri më sot Enton Duro mbaji detyrën e Drejtorit të Përgjithshëm në Drejtorinë e Përgjithshme të Tatimeve, institucion në varësi të Ministrisë së Financave dhe Ekonomisë në Republikën e Shqipërisë.
VENDIMI PER SHKARKIMIN NGA DETYRA TË DREJTORIT TË PËRGJITHSHËM TË TATIMEVE
Në mbështetje të nenit 100 të Kushtetutës dhe pikës 2, të nenit 17, të ligjit nr.9920, datë 19.5.2009, “Për procedurat tatimore në Republikën e Shqipërisë”, të ndryshuar, me propozimin e ministrit të Financave dhe Ekonomisë, Këshilli i Ministrave
V E N D O S I:
1. Zoti Enton Duro, drejtor i Përgjithshëm i Tatimeve, shkarkohet nga kjo detyrë.
2. Ngarkohen Ministria e Financave dhe Ekonomisë dhe Drejtoria e Përgjithshme e Tatimeve për zbatimin e këtij vendimi.
Ky vendim hyn në fuqi menjëherë.
Komente
Lajme të tjera
-
Mblidhet Këshilli i Ministrave, miraton ndryshimet në buxhet! Miratohet fondi për voton e diasporës e bonusi i pranverës për pensionistët
19 Dhjetor, 21:42 -
VENDIMI/ Qeveria ngre Zyrën e Administrimit të Parkut Kombëtar të ‘Lumit të Vjosës’! Drejtor, administratë, logo dhe stemë! Selia në Tepelenë
13 Dhjetor, 22:17 -
Rama: 164 mijë persona me aftësi të kufizuara do të mbështeten nga buxheti 2025, program dhe mbështetje sociale
6 Dhjetor, 12:20 -
Qeveria cakton shpërblimet për gardistët: Deri në tre paga plus për ata që shpëtojnë jetën e zyrtarëve të lartë! Deri në 1 mln lekë kompensim në raste dëmtimi të pronës së tyre për shkak të detyrës
4 Dhjetor, 19:07 -
Vendimet e Qeverisë, Ismail Shehu lirohet nga detyra e anëtarit të Këshillit Drejtues të Agjencisë Shtetërore të Kadastrës, e zëvendëson Eduard Ahmeti
4 Dhjetor, 18:42 -
Mbledhja e Qeverisë, Vasilika Vjero largohet nga posti i zv/ministres së Financave pas katër vitesh
27 Nëntor, 18:05 -
Vendimi i Qeverisë/ Zgjatet afati për shqyrtimin e kërkesave të Startup-eve, nga 10 bëhet 30 ditë!
20 Nëntor, 22:40 -
Vendimi i Këshillit të Ministrave/ Rikonstruksioni i linjës 110 kV Ballsh-Marinëz dhe Ballsh–Drenovë, miratohet fondi për shpronësimin e pronarëve
20 Nëntor, 22:14 -
Do krijohet Forca Rezerviste! Zbulohet vendimi i Qeverisë: Shërbim ushtarak deri në 45 ditë në vit! Pranohen dhe ato me dy shtetësi
30 Tetor, 19:43 -
Qeveria miraton rregulloren e re për plazhet private, subjektet që përfitojnë dhe kriteret! Aplikimi në e-Albania, çadrat 3 metra nga njëra-tjetra dhe vend për invalidët (E PLOTË)
24 Tetor, 18:12 -
Qeveria miraton Rregulloren e garës për 12 drejtorët e Policive në Qarqe! I njëjti proces për Zv/drejtorin e Përgjithshëm, drejtorët e Departamenteve dhe shefat e Komisariateve
16 Tetor, 13:36 -
‘Turizmi 2025’ me rregulla të reja për të goditur evazionin, hotelet kapacitet minimal të detyruar! Tatimet ‘në sitë’ deklarimet në booking dhe Airbnb
8 Tetor, 17:08
Dmth, sa me mjekerr e gjate, nuk eshte ekuivalent me I mencuar I madh?
PërgjigjuRiktheni ate laperen e pare, se ajo eshte figure qe ploteson puzzlen
PërgjigjuEdhe nje futbollist i sapoblere do 6 muaj te mesohet te luaje me 10te there, Jo per ta justifikuar, por edhe at a qe emerojne keshtu Kane ca pergjegjesi per kriteret Ku bazohen.
Përgjigjuky nuk u ndje fare, absolutisht fare..cdo drejtues ben nje shkundje te mire ne fillim qe ta marin vesh kush eshte bosi...keto nuk jane poste sa per te mare rrogen, jane si te trajnereve te futbollit