Ish shefi i sigurisë në burgun e Peqinit, aktualisht drejtori i sigurisë në Burgun e Drenovës Marenglen Kadiu është arrestuar nga shërbimi i kontrollit të Brendshëm të Burgjeve dhe më pas ndaj tij është caktuar masa 'arrest në shtëpi'. Ish drejtori i qelive të Peqinit të kthyera ndër muaj dhe vite si dhoma të një hoteli me 5 yje, akuzohet se ka shpërdoruar detyrën në Peqin duke lejuar të futen sende të paligjshme, ndër të cilat mund të jenë edhe ato që transformuan qelitë në dhoma luksi me elektroshtëpiake të palejuara, apo dhomat e këshillimit në palestra për bosët e burgut si edhe dhomat speciale në ambiente relaksi për takimet e të fortëve të burgut.
Prokuroria e Elbasani kërkoi arrest me burg për ish shefin e Peqinit, por gjykata e Elbasani e la në arrest shtëpie për shkak se Kadiu ka një fëmijë me autizëm. Marenglen Kadiu ishte transferuar si shef sigurie prej 8 muajsh në një tjetër burg, atë të sigurisë së lartë në Drenovë.
Një letër e ish drejtorit të Peqinit, Kamber Hoxha për eprorët e tij zbuloi skandalin e ndodhur brenda burgut të sigurisë së lartë. Letra u bë publike kur në qelitë e sigurisë së lartë ishte kryer një vrasje. Sokol Mjacaj me një armë të futur në burg me kutinë e qumështit vrau në qelinë e tij Arben Lleshaj dhe plagosi shokun e qelisë Indrit Shaqja. Vrasja ishte porositur nga jashtë për 200 mijë euro sipas dëshmive të autorit Mjacaj. Ngjarja e paprecedentë pasoi me arrestimin dhe vënien nën hetim të ish drejtorit Kamber Hoxha dhe zinxhirit komandues.
Së bashku me arrestimin e ish drejtorit të sigurisë Marenglen Kadiu numri i të hetuarve për thyerjen e sigurisë së Burgut, për transformimin e qelive shkon në 13 zyrtarë. Përveç shefit të Drenovës, masë është marrë edhe për një të burgosur në burgun e Drenovës, me iniciale P.G i cili akuzohet për futjen e drogës dhe sendeve të ndaluar në burg.
Detaje të reja janë zbardhur nga arrestimi i Marenglen Kadiut, shef i policisë së burgut të Drenovës i cili akuzohet për thyerje të masave të sigurisë dhe shpërdorim detyre.
Mësohet se masa e kërkuar nga prokuroria e Elbasanit është ekzekutuar edhe ndaj një personi të arrestuar që po vuan dënimin në burgun e Drenovës, i identifikuar si P.G, i cili akuzohet se ka futur drogë dhe sende të ndaluara në burg.
“Ndaj personit nen hetim shtetasit P.G, i cili aktualisht po vuan denimin ne IEVP Drenove, i dyshuar si autor i vepres penale “prodhim dhe shitje te narkotikeve” dhe “futja dhe mbajtja e sendeve te ndaluara ne IEVP” masen e sigurimit personal “arrest me burg”- thuhet në njoftimin e Shërbimit të Kontrollit të Brendshëm të Burgjeve.
Marenglen Kadiu, shef i policisë së burgut të Drenovës është lënë në arrest shtëpie me vendim të gjykatës së Elbasanit. Prokuroria e Elbasanit, kërkoi arrest me burg për Kadiun i cili më herët ka mbajtur postin e drejtorit të burgut të Peqinit, ku së fundmi ndodhi edhe vrasja që tronditi opinionin publik.
Pavarësisht kërkesës së prokurorisë së Elbasanit, gjykata caktoi arrest shtëpie për Kadiun i cili ka një djalë autik në shtëpi për të cilin duhet të kujdeset.
Komente
Lajme të tjera
-
‘Veri jug’ në Peqin, qyteti i gjelave të detit, fermeri: Si këta nuk gjen askund në Shqipëri
15 Dhjetor, 15:40
-
Aksident në aksin Elbasan-Peqin/ Makinat përplasen me njëra tjetrën, dyshohet për dy të plagosur
11 Dhjetor, 15:37 -
Peqin, gjelat e detit me 1200 lek/kg, fermerët: I shesim nën kosto, na dëmton importi
7 Dhjetor, 10:30
-
Kufizimi i përdorimit të TikTok, kryeministri Rama: 394 takime, mbi 14 mijë prindër pjesëmarrës! Po kontribuojnë me ide dhe sugjerime (FOTO)
6 Dhjetor, 17:14 -
Elbasan/ Tre aksidente me pasojë 6 të plagosur, në pranga shoferi 71-vjeçar, 2 nën procedim! Një nga të dëmtuarit fëmijë
27 Nëntor, 15:23 -
Peqin/ Bie zjarr në kodrat me ullinj të fshatit Bishqem, terreni i vështirë pengon zjarrfikësit për shuarjen (VIDEO)
10 Nëntor, 16:56 -
‘Reagim nga kabina telefonike e Burgut të Fierit!’, Ervin Salianji për aksidentimin e 8-vjeçarit në Peqin dhe protestën e banorëve: Jeta në këtë vend është zhvlerësuar!
8 Nëntor, 16:43 -
'Drejtësi për Enion! Na siguroni jetën!', burra gra e fëmijë bllokojnë rrugën e Pajovës: Të vendoset sinjalistikë për kufizimin e shpejtësisë
8 Nëntor, 11:05
-
Aksident në aksin Elbasan- Peqin, mjeti humb kontrollin dhe del nga rruga (VIDEO)
7 Nëntor, 07:31 -
I dënuar me mbi 17 vite bug për grabitjen e parave të bankave më 2017, ish-komando Neim Avdulaj izolohet për 1 vit në regjimin '41 Bis" të Peqinit! Zbulohet shkaku
6 Nëntor, 17:38 -
Po shkonte në festë, 8-vjeçari u vra nga shpejtësia ‘e çmendur’! Familjarë e banorë të Pajovës: Drejtësi për Enion! Faji i ARRSH-së, s'ka siguri në aksin Elbasan-Peqin
5 Nëntor, 13:46
-
Elbasan/ E rëndë në fshatin Pajovë, përplasen dy makina! Njëra humb kontrollin dhe përplas për vdekje fëmijën 8 vjeçar që po rrinte në trotuar! Arrestohen dy drejtuesit
31 Tetor, 15:08
Po Admir Abrija drejtori pergjithshem apo edhe ktij ja kane marre dardhat dhe ky sdinte gje
PërgjigjuPrandaj sduan ta fusin ne burg Saline keta se i kane per vete hotelet e burgut.
Përgjigju