Shkencëtari shqiptar zbulon
gjenin shkaktar të sklerozës

Kanada – Shkencëtari shqiptar nga qytetit i Durrësit, që jeton dhe punon në Kanada, Edor Kabashi ka gjetur gjenin përgjegjës për sëmundjen e sklerozës dhe avancoi kërkimet për shërimin e kësaj sëmundje.
 
Studiuesi shqiptar zbuloi tek kafshët funksionin e gjenit “C9ORF72”. Sipas shkencëtarit Kabashi, mutacionet në gjenin “C9ORF72” shkaktojnë sëmundjen e “ALS-së” ose siç njihet ndryshe Skleroza Amfiotrofike laterale/ anësore
 
Ky zbulim është me rëndësi jetike sepse sëmundja “ALS” shkaktohet nga vdekja e neuroneve që lidhin trurin me muskujt. Sipas Dr. Kabashit, ky është një hap i rëndësishëm që hap rrugën për të gjetur terapi të reja për këtë sëmundje dhe ndoshta për të gjetur edhe një kurë për shërimin e saj.
 
“Ne jemi krenar për gjetjen e dr.Kabashit dhe mbështesim punën e tij”, tha një studiues kanadez.
 
Shkencëtari Kabashi është studiues në Universitetin e Montrealit dhe drejton grupin kërkimor për sëmundjet neuro – degjenerative.

(v.gj/shqiptarja.com)