Shkodër, i vunë tritol makinës
së policit, 2 të arrestua

SHKODER- Arrestohen autorët e vendosjes së eksplozivit makinës së efektivit të policisë kriminale Pavlo Vuksani. Arta janë Nikolin dhe Marjan Thanin. Ngjarja ndodhi më 19 shkurt para shtëpisë së Vuksanit në lagjen “Skenderbeg” në qytetin e Shkodrës.

Arrestimi i dy 23- vjeçarja është bërë sot njofton policia e Shkodrës.

Shpërthimi ndodhi rreth orës 04:30 të 19 shkurtit,  pranë automjetit tip fuoristradë Hyndai me targa italjane CJ 771 EM e cila ishte e parkuar përpara shtëpisë së Vuksanit në lagjen “Skenderbeg” në qytetin e Shkodrës. Nga shpërthimi nuk ka pasur të lënduar por vetëm dëme materiale.  Sipas grupit hetimor lënda shpërthyese dyshohej se kishte qënë një sasie e vogël tritoli, e cila ishte vendosur në pjesën e poshtme të automjetit, poshtë parakolpit. Nga shpërthimi u dëmtua pjesa e përparme e automjetit.

Nga hetimet paraprake dyshohej se vendosja e eksplozivit kishte lidhje me profesionin e Vuksanit i cili punonte si efektiv i policisë kriminale prej disa ditësh në komisariatin e policisë së Shkodrës. Pavlo Vuksani ishte rikthyer në dëtyrë pas largimit nga puna përpara një viti ku punonte në seksionit e kërkimit pranë policisë kriminale për shkak të reformës policore. Jashtë kameras familjarët e Vuksanit treguan se nuk ka pasur ndonjë konflikt apo problem kohët e fundit me ndonjë person.

(sg/shqiptarja.com)

TAG:
• Pavlo Vuksani