Një 45 vjeçar është plagosur me armë zjarri në qytetin e Shkodrës.

Ngjarja ka ndodhur mesnatwn e së enjtes  rreth orë 24:00 në lagjen “Ndoc Mazi” pranë stacionit hekurudhor.

Policia e Shkodrës informon se i plagosur është Nikolin Palushi, banues në Shkodër.

Sipas dëshmitarëve në vendngjarje 45-vjeçari është qëlluar me 2 plumba në këmbë ndërsa kanë qënë banorët e zonës të cilët i kanë ardhur në ndihme Palushit duke e dërguar në urgjencën e spitalit rajonal.

I plagosuri ka marrë dy plagë në këmbë në pjesën e pulpave dhe ndodhet në spitalin rajonal të Shkodrës, jashtë rrezikut për jetën. Ndërkohë në vendngjarje kanë mbërritur forca të shumta policie të cilët kanë nisur punën për zbardhjen e plotë të kësaj ngjarje, ndërsa kanë gjetur në vendngjarje 2 gëzhoja pistoleta si prova materiale.

Ende nuk dihen arsyeja dhe autori i plagosjes.

Ndërkohë grupi hetimor ka marrë edhe dëshminë e të plagosurit ndërsa ka nisur puna për identifikimin e autorit dhe kapjen e tij, ky i fundit i favorizuar edhe nga errësira është larguar menjëherë nga vendi i ngjarjes.

Dyshohet që ngjarja të ketë patur si shkak motive banale. 


Redaksia Online
(d.a/Shqiptarja.com)