Shkodër, arrestohet përgatitësi 
i minave me telekomandë 

Policia e Shkodrës ka arrestuar në flagrancë një 45 vjeçar i cili akuzohet se përgatiste mina me telekomandë.

Në vijim të operacionit "Porosia" të datës 26 shkurt të këtij viti që çoi në zbërthimin e një grupi kriminal në Shkodër, ku Specialistët e Sektorit Kundër Trafiqeve të Paligjshme në Drejtorinë Vendore të Policisë Shkodër bënë arrestimin  në flagrancë te tre shtetasve  dhe sekuestruan Mina me telekomande, Pistoleta e Snajper, në vijim të hetimeve të kryera gjatë mbrëmjes së djeshme, Specialistët e Sektorit Kundër Trafiqeve të Paligjshme bënë kapjen dhe  ndalimin e shtetasit Nadir Shiroku, 45 vjeç, banues në fshatin Juban Shkodër.
 
Ndalimi i tij u bë pasi nga hetimet e kryera rezulton se ky shtetas është pjesë përbërëse e grupit kriminal të mësipërm dhe dyshohet të jetë përgatitësi i minave të kapura me datë 26.03.2016.
 






Këtij shtetasi gjatë kontrollit në banesë nga Policia, iu gjetën dhe sekuestruan në cilësinë e provës materiale:
 
. Dylbi Snajperi
. Telekomanda
•    Karta telefoni
•    Dylbi
•    Aparat fotografik
•    Bateri dhe bateri telefon celular
•    Ampermatës
•    Usb
•    Disa lloje kacavidash
•    Disa lloje telefon celulare.
•    Mandate arkëtimi në emër të shtetasit në fjalë.
•    Tela si dhe disa mila (llambushka te vogela)
 
Materialet i kaluan Prokurorisë së Rrethit Gjyqësor Shkodër, për veprat penale "Trafikimi i armëve dhe i municionit", "Prodhimi dhe mbajtja pa leje e armeve luftarake dhe e municionit".
 
Shiroku është i dënuar më parë në vitin 1996 me 18 vite burg për veprat penale "Vjedhje me armë" dhe "Armëmbajtje pa leje" dhe në vitin 2013, me 8 muaj burg për veprën penale "Përkrahje e autorit të krimit".

Redaksia Online
Shqiptarja.com
 

TAG:
• mina me telekomande