Dhunohet polici në Shkodër! Fqinji e godet me sende të forta në kokë pranë shtëpisë! Gjatë konfliktit u shkrep arma (Emrat-Video)

Ky është efektivi i policisë Admir Okaj 49 vjeç që është dhunuar me sende të forta në afërsi të banesës së tij në Zdrale të Shkodrës nga Ormir Gucia.

Vetëdorëzohet në policinë e Shkodrës Ormir Gucia  47-vjeç pasi dhunoi efektivin Admir Okaj gjatë një konflikti të çastit.

"Në lidhje me informacionin e dhënë më parë, sipas të cilit shtetasi O. G., 47 vjeç, ka dëmtuar në kokë, me sende të forta, shtetasin A. O., 49 vjeç, (punonjës policie), ju informojmë se pas kontrollit dhe presionit të Policisë, 47-vjeçari është vetëdorëzuar në Komisariatin e Policisë Shkodër", njofton policia.

AMP dhe grupi hetimor vijojnë punën për zbardhjen e rrethanave të këtij rasti.

Policia ka reaguar në lidhje me dhunën  e ushtruar ndaj policit Admir Okaj në afërsi të banesës së tij në zonën e Zdrales në Shkodër. Gjatë konfliktit sicc thekson policia është shkrehur në mënyrë të pavullnetshme arma e policit.

“Gjatë konfliktit dyshohet se arma e shërbimit e punonjësit të Policisë është shkrepur në mënyrë të pavullnetshme, por pa shkaktuar dëmtime”, thuhet në njoftim.   

Ndërkohë, në lidhje me këtë ngjarje, po kryen veprime edhe AMP, për të zbardhur rrethanat e përdorimit ose jo të armës së zjarrit, si dhe për të përcaktuar nëse shkrepja e armës ka qenë e pavullnetshme.

Policia ka identifikuar autorin e plagosjes së efektivit të policisë në Shkodër ditën e sotme. Ormir Gucia, 47 vjeç ka dëmtuar me sende të forta në kokë Admir Okaj 49 vjeç, banues në Shkodër, i cili në momentin e sulmit ka qenë jashtë shërbimit. Ai është dërguar në spital dhe ndodhet jashtë rrezikut për jetën.

Mësohet se të dy personat janë fqinj dhe konflikti bëhet me dije se ka qenë për motive të dobëta.

Gjithashtu njoftohet nga policia ka pasur një shkrepje të pavullnetshme të armës së efektivit por pa shkaktuar dëme. Sakaq, vijon puna për kapjen e 47-vjeçarit.