SHKODËR - Kryeministri Edi Rama inspektoi kantierin e punimeve në lagjen 300-vjeçare të Zdrales, një zonë historike e Shkodrës që po transformohet në një hapësirë pedonale.
Projekti synon ta kthejë këtë lagje në një destinacion të ri tregtar, social dhe turistik, duke i shtuar vlerë ofertës turistike të qytetit. Faza e parë e projektit, e cila është në proces, pritet të përfundojë në qershor të këtij viti.
Së bashku me Ramën, ishte prefektja e qarkut Majlina Angoni dhe kryebashkiaku i Shkodrës, Benet Beci i cili së bashku me arkitektët shpjeguan projektin që po zbatohet në lagjen e Zdrales. Rama thotë se ky projekt do e transformojë dhe vlerën ekonomike të zonës, duke përfshirë banesat dhe bizneset aty që do përfitojnë nga zhvillimi dhe tërheqja atraktive.
Nuk munguan as batutat me qytetarët në zonë, një prej të cilëve i kërkoi Ramës të vinte për kafe, por kryeministri u shpreh se duhet bërë puna më parë.
'A ta bëjmë punën një herë pastaj kafen, a të keqen vëllai?'
Kryeministri Edi Rama inspektoi fushën e re sportive në shkollën e mesme të bashkuar “Adem Haxhija” në Postribë, pjesë e Programit “Ekipet Sportive në Shkolla”. Investimi synon krijimin e infrastrukturave moderne për të gjallëruar jetën sportive të të rinjve në zonë.
Ministrja e Arsimit dhe Sportit, Ogerta Manastirliu, shpjegoi gjatë vizitës se investimi përfshin fusha për basketboll, volejboll dhe futboll, ndërsa theksoi se 6 milionë euro janë vënë në dispozicion për investimet në Shkodër.
“Sapo kanë mbaruar terrenet sportive, fushë basketbolli, volejbolli edhe kalçeto. Praktikisht kështu merr jetë edhe shkolla - qendër komunitare sepse gjatë pasdites do të vijojnë të jenë të hapura dhe do të organizohemi me Komitetin Olimpik , pra edhe me trajnerët. Në Shkodër po investojmë për tre shkolla, terrene sportive dhe investimet për palestra. Është shkolla “Adem Haxhija”, shkolla “Dëshmorët e Prishtinës’’ dhe “Preng Jakova” dhe ndërkohë jemi duke investuar edhe për rehabilitimin e dy shkollave dhe palestrave të tyre, “Ndre Mjeda’’ dhe “Kolë Idromeno’’ – informoi Ministrja e Arsimit dhe Sportit Ogerta Manastirliu, e cila shtoi se për herë të parë pas kaq vitesh bashkia Shkodër po aplikon për projekte të reja. “Janë 6 milionë euro të vëna në dispozicion për investimet në Shkodër. Janë 3 miliardë lekë të vëna në dispozicion për gjithë investimet në sistemin arsimor në të gjithë vendin. Ne po punojmë që të hapim dhe kantiere të reja për shkolla për vitin 2025. ” – u shpreh ajo.
Ndërsa drejtuesja e institucionit, njëkohësisht ish nxënëse në këtë shkollë falënderoi në emër të stafit, ndërsa pohoi se shkolla nuk ka patur kurrë një infrastrukturë të tillë.
“S’kemi pasur fushë asnjëherë. Është fat dhe ju falënderoj në emër të stafit, të nxënësve të shkollës që u bë i mundur realizimi i këtyre terreneve sportive, pasi ne kemi potenciale sportive. Është një zonë arsimdashëse dhe sportdashëse dhe ne ju falënderojmë përzemërsisht, edhe Ministrinë e Arsimit, kryetarin e bashkisë që bënë të pamundurën për të realizuar këto terrene.”
Kryeministri Edi Rama inspektoi sot Tregun e Rusit në Shkodër, një hapësirë që dikur përballej me kushte të vështira higjeno-sanitare, ndërsa sot është transformuar në një treg modern dhe funksional. Tregu i rinovuar, i cili është bashkëfinancim i Bashkisë Shkodër dhe Agjencisë për Zhvillimin Rural dhe Bujqësor (AZHBR), përfundoi në muajin dhjetor dhe tashmë ofron kushte optimale për tregtarët dhe konsumatorët.
Kryeministri Edi Rama, u rikthye këtu vetëm disa muaj pas vizitës së tij në mars të vitit të shkuar, ku premtoi për banorët dhe tregtarët infrastrukturën e re, që tashmë është realitet.
Në inspektimin e tij, Rama u shoqërua nga kryetari i Bashkisë Shkodër, Benet Beci, i cili shpjegoi detaje mbi investimin dhe projektet e ardhshme për zonën.
“Ky është bërë komplet nga e para. Janë rreth 115 vende shitjeje të reja komplet. E kemi mbaruar relativisht në kohë rekord. Arritëm ta mbarojmë përpara Vitit të Ri që të përdorej si markatë. Për 5 muaj është ndërtuar. Kjo ka përfunduar, është në kushte të mira. Kemi aplikuar për pjesën e dytë siç e kemi diskutuar. Kemi fituar tek Ministria një projekt prej 300 mijë eurosh. Po përfundojmë projektin dhe shumë shpejt fillojmë me pjesën e thertores që do të jetë për mishin dhe peshkun. Do të bëjmë dhe ndonjë rregullim të vogël që mund të duhet.” – u shpreh kryetari i Bashkisë Beci, i cili shpjegoi edhe lidhur me projektet e tjera rreth zonës së tregut.
“Në këtë zonë, përveç tregut që po bëhet dhe pjesës së pallateve, kemi disa ndërhyrje. Përveç pjesës së fasadave, kapotave, këtu mbrapa kemi dhe dy projekte të tjera që është fusha e lojërave dhe konviktet.
Ky është projekti i fushës dhe kemi filluar punën për konviktin me Fondin Shqiptar të Zhvillimit.
Projekti që kemi bërë për mobilitetin, kemi nxjerrë tre parkime kryesore të qytetit; një është në Rus që është këtu dhe do të jetë nëntokësor, është një në Perash dhe tjetri që kemi poshtë Zdralës. Praktikisht, e gjithë zona këtu ka ndryshuar edhe me pjesën e fasadave, kapotave dhe infrastrukturës. Pra, i gjithë aksi nga hyrja deri në dalje të Shkodrës është komplet i rinovuar.” – shpjegoi Kryetari i Bashkisë Beci.
Kryeministri Edi Rama ishte sot në Shkodër për të parë nga afër Poliklinikën e Specialiteteve, e cila është rikonstruktuar me kushte dhe aparate të reja diagnostikuese. Rama ishte i shoqëruar nga ministrja e Shëndetësisë dhe Çështjeve Sociale, Albana Koçiu dhe kryebashkiaku i Shkodrës, Benet Beci.
Poliklinika e Specialiteteve do jetë e pajisur me aparatura të reja diagnostikuese për rreth 200,000 banorë, bën me dije kryeministri. Poliklinka mbulon 1300 m2, me vlerë 120 milioë lekë të reja. Ndërkohë shërbimet janë zgjeruar nga 14 në 22.
Risi në këtë investim janë specialitete si kirurgjia, ortopedia, infektiv, toksikologjia, obstetrik-gjinekologjia dhe pediatria, fizioterapia, si dhe kabinetet moderne për imazheri, radioogragi, ekografi, mamografia dhe ORL.
Komente
Lajme të tjera
-
E reja alarmoi RENEA-n në Astir, sociologu: Edukata e rrugës po shkatërron personalitetin e fëmijëve tanë
10 Janar, 15:54 -
Shkodër/ Rama viziton Poliklinikën e Specialiteteve, do ofrojë 22 shërbime! Risi në specialitete si kirurgjia, ortopedia apo infektivi
10 Janar, 13:44 -
Vrasja e Ramazan Matajt, Gjykata e Shkodrës jep 'arrest në burg' për Arjon dhe Klisman Hasaj! Vëllezërit mbyllin gojën në gjykatë! Mungojnë familjarët
10 Janar, 11:08
-
Rama i përgjigjet 'Sy më sy' komentuesit: Së shpejti paketa e dytë mbështetëse për panelet diellore për familjarët
10 Janar, 10:59 -
Vijon puna në kantierin e rrugës Shirokë–Zogaj, Rama: Investim me rëndësi për zhvillimin e turizmit në zonë
10 Janar, 09:10 -
Spahiu: Votuesit e PD dhe PS nuk ndikohen nga akuzat që SPAK bën për liderët e tyre politikë
9 Janar, 22:21 -
Mbrëmja Gala/ Rama: Mbështetja e qeverisë për sportin do rritet! Batuta me kreun e KOKSH: Në rini Fideli ishte kampion sporti dhe i femrave
9 Janar, 19:21 -
Debati në ‘Studio Live’/ Haklaj: Rama mban peng Berishën, PD do i kalojë Argitës! Saliu shiti Salianjin te amnistia, sepse i doli me hu te selia më 2021
9 Janar, 18:10 -
Për 3 ditë nis regjistrimi i emigrantëve për zgjedhje, Rama rikthen turin me diasporën! Dërgon drejtuesit politikë në Greqi dhe Itali
9 Janar, 17:10
-
Zgjedhjet e 11 majit, Rama mbledh drejtuesit politikë në PS! Fokusi te vota e diasporës
9 Janar, 16:53 -
21-Vjetori i tragjedisë së 9 Janarit, familjarët kërkojnë Drejtësi: Krim shtetëror, ta hetojë SPAK
9 Janar, 16:50
-
8 janari, Denis Dyrnjaja: Demokratët lëpinë atë që kanë pështyrë! Janë produkte të Berishës, çojnë kallëzime në SPAK, pastaj i thonë 'organizatë kriminale'
9 Janar, 14:26
