Besimtarët myslimanë në Shkodër kanë festuar festën e Kurban Bajramit. Në hytben e mbajtur, myftiu i Shkodrës, imam Muhamed Sytari, foli për çështjen e pronave.

Ai tha se po shohim dita-ditës një tendencë të çuditshme për të hequr kufijtë e pronave legjitime.

Duke u ndalur tek kulla që po ndërtohet në qendër të qytetit të Shkodrës, imam Sytari u shpreh se është një vakëf i grabitur dhe poshtërimi i Zotit do të jetë mbi ato që lejojnë këtë barbarizëm në zemër të Shkodrës.

Sipas myftiut të Shkodrës, nuk mund të ecë para një vend i cili nuk respekton pronën. Myftiu Sytari bëri thirrje për reflektim, kthim tek vlerat dhe respektim të pronës dhe besimit.


Lajmi kryesor:

Kurban Bajrami/ Mijëra besimtarë falin namazin në bulevardin ‘Dëshmorët e Kombit’! Kreu i KMSH: Dita e solidaritetit dhe ndihmës ndaj njëri-tjetrit! PAMJET ME DRON