POP 5

Lajmet më të lexuara të 5 minutave të fundit

Kronikë

Shkodër, tentoi të kalojë 235 mijë
€ në 15 banka kineze, kapet serbi

Branislav Ivanoviç, banues në Beograd, është arrestuar në flagrancë pasi ka tentuar të kryejë transaksione të dyshimta, në shumën e 235 mijë eurove, nga një bankë në qytetin e Shkodrës drejt 15 bankave kineze. Banka ka lajmëruar blutë e Shkodrës, dhe është bërë e mundur kapja në flagrancë e shtetasit serb.
SHKODER – Një shtetas serb vihet në pranga si i dyshuar për pastrim parash, pasi tentoi të kalonte 235 mijë euro nga një bankë shqiptare drejt një banke kineze. Branislav Ivanoviç, 66 vjeç është arrestuar në flagrancë pasi ka tentuar të kryejë transferta të dyshimta, nga një bankë në qytetin e Shkodrës. 

Kanë qenë vetë punonjesit e bankës, e cila e ka detyrim ligjor në raste transaksionesh të paargumentuara, e cila lajmëroi policine ku në bashkëpunim me Drejtorinë e Përgjithshme të Policisë së Tiranës, është bërë e mundur kapja në flagrancë e shtetasit serb. Ai i ka kërkuar bankës në Shkodër t'ia ndajë këtë shumë në 15 pjesë për t'i transferuar në 15 banka kineze.

Në fakt, paratë kanë mbërritur në Shqipëri me 3 transferta nga një kompani amerikane, për në bankën e nivelit të dytë në Shkodër. Kur Ivanoviç ka ardhur nga Beogradi të bëjë transfertat ai nuk ka patur asnjë dokument për motivimin e dërgimit të parave. 

Kaq ka mjaftuar që policia të nisë hetimet dhe kur Ivanoviç ka refuzuar të japë shpjegime për origjinën, destinacionin dhe motivin e këtyre transfertave e kanë arrestuar atë për akuzën e pastrimit të parave.
Sipas policisë Ivanoviç nuk ka aktivitet ekonomik në Shqipëri.

Redaksia Online
(Gre.M/Shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Rama: TikTok do ia mbyll derën qeveria, por këtij llumi duhet tia mbyllë dyert populli në zgjedhjet e pranverës

Rama: TikTok do ia mbyll derën qeveria, por këtij llumi duhet tia mbyllë dyert populli në zgjedhjet e pranverës

12 Janar, 11:33