Nga Italia, Zvicra, Franca, Belgjika e deri nga Amerika, Australia e Hon Kongu i largët dhe jo vetëm, janë turistët që zgjedhin të vizitojnë Parkun Arkeologjik të Shkodrës. Ky destinacion është vizituar nga më shumë se 85 mijë turistë përgjatë muajve janar-shkurt.
Ata kanë zgjedhur të shohin qytetin për historinë dhe vlerat arkeologjike që gjejnë në këtë pikë turistike.
“Jam nga Italia, Trieste. Është hera e parë në Shqipëri. Jam vërtet shumë e impresionuar. Është vërtet kala e bukur, në një pozicion të mirë. E shijova muzeun, me gjetjet që ka brenda”, tha një turiste.
“Jemi nga Belgjika dhe është hera jonë e parë këtu në Shqipëri! Është mrekulli nga këtu! Është vërtetë unike pamja”, tha një tjetër turiste.
“Vij nga Hong Kongu. Hera e parë këtu. Morëm disa të dhëna të detajuara të kalasë. Mësuam për legjendën e saj, është madhështore, shumë e bukur. Këtej është liqeni dhe lumi ndërsa pas nesh, më thanë që kemi alpet shqiptare të cilat janë shumë të bukura”, u shpreh një turist nga Hong Kongu.
Vlerësojnë mikpritjen e njëherazi thonë se edhe vetë shqiptarët duhet të ndihen me fat për bukuritë natyrore që kanë.
“Jemi nga Italia, Roma. Vendosëm të vinim këtu se është një vend i mirë për të shkuar në mal dhe në det. Mund të them se gjëja më e mahnitshme që pamë dje ishte perëndimi i diellit në liqen. Vërtet vend i mrekullueshëm. Nuk mund ta imagjinoni çfarë thesari keni këtu në këtë vend! Edhe njerëzit. Ju jeni të dashur”, u shpreh një turist.
“Vijmë nga Franca. Përshtypja jonë e parë: është vend i këndshëm. Në kala është pamja dhe hapësira. Ju keni mjaft hapësirë, vend i mirë”, u shpreh një turist.
“Jemi nga Zvicra. Po vizitojmë kalanë, e cila është e këndshme. Është mjaft pastër, gjë që është e rëndësishme për ne. Pamja është absolutisht mahnitëse”, tha një tjetër.
Për turistët Shkodra nuk është vetëm një qytet tranzit, por pjesë e një itinerari disa ditor për të shijuar historinë, bregdetin dhe alpet shqiptare.
Lajme të tjera
-
Ikën stuhia, Shkodra përfshihet nga dëbora, të gjitha rrugët të kalueshme (VIDEO)
23 Nëntor, 11:55 -
Shtohen të huajt në shtator, shqiptarët nuk po bëjnë më pushime! Ja shifrat e INSTAT
23 Nëntor, 07:52 -
Moti i keq në Shkodër, prurje masive ujërash në tunelin e Gjegjanit! Policia dhe nënkontraktori në terren me 2 fadroma
22 Nëntor, 19:26 -
Moti i keq/ Fshatrat e Shkodrës pa energji elektrike
22 Nëntor, 18:21 -
Vllaznia pret Teutën, Thomas Brdaric: Durrsakët me përgatitjen më të mirë fizike në kampionat, kemi mungesa
22 Nëntor, 13:44 -
Atentati në Shkodër/ Zbardhet dëshmia e policëve: S’e njohëm personin e 3 nëse ishte Ibrahim Lici! Gjykata i liron nga qelia, pezullohen nga detyra
22 Nëntor, 13:11 -
Moti i keq/ Disa fshatra në Vaun e Dejës pa energji elektrike! Rrëshqitje dherash në rrugët e Fushë-Arrëzit
22 Nëntor, 12:28 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Qyteti i Pukës mbetet pa spital, era e fortë rrëzon çatinë! Rrëshqitje dherash në Fushë-Arrëz, tre banesa rrezikojnë të shemben
21 Nëntor, 16:33 -
Studimi në Shkodër: Afro 20 për qind e nxënësve bullizohen në shkollë! Shqetësim dhe mungesa e oficerëve të sigurisë
21 Nëntor, 16:16
-
Shkodër-Mali i Zi, sekuestrohen mbi 2 mln euro cash brenda katër ditëve, dyshohet se vijnë nga aktivitetet e paligjshme! 3 persona në pranga (RASTET)
21 Nëntor, 15:17 -
Moti i keq/ Borë në Theth e Vermosh, borëpastrueset në terren! Akset të kalueshme (VIDEO)
21 Nëntor, 09:45
