Është përcjellë për në banesën e fundit ish-ministri i Qeverisë së Pajtimit Kombëtar dhe ish-deputeti i Kuvendit të Shqipërisë, Ali Kazazi i cili u nda nga jeta në moshën 72- vjeçare.

Në homazhet e organizuara në bashkinë e qytetit të Shkodres morën pjesë familjarë, miq si dhe drejtues të lartë të Partisë Demokratike të cilët i shprehën ngushëllimet familjes Kazazi për këtë humbje e cila është e madhe jo vetëm për familjen, por edhe për spektrin politik në vend.

homazhet shkoder

Ali Kazazi ishte një përfaqësues dhe trashëgimtar i denjë i familjes patriotike të Kazazëve të Shkodrës e cila ka dhënë një kontribut të spikatur në lëvizjet për Pavarsinë Kombëtare, mbrojtjen e Shkodrës si dhe në përpjekjet për të ruajtur demokracinë në Shqipëri, për shkak të të cilave ajo pësoi një përsekutim të gjatë.

homazhet shkoder

Ali Kazazi ka lindur në Shkodër me 7 shkurt 1943, në vitin 1992 u zgjodh Kryetar i Këshillit të Rrethit të Shkodrës, ne vitin 1996 zgjidhet deputet i Kuvendit të Shqipërisë, ku dha një kontribut me vlerë në sistemin legjislativ. Në vitin 1997 ai shërbeu për pak kohë si Minister i Punëve të Brëndshme.

homazhet shkoder

Redaksia Online
(shqiptarja.com)