Shkodra përfshihet nga një stuhi e pazakontë, flet drejtori i Ujësjellësit: Janë hapura të gjitha akset rrugore

Shkodra është përfshirë nga një rebesh breshëri nga ora 2 deri në orën 5 të mëngjesit. Drejtori i Ujësjellësit në Shkodër Mark Molla, në një prononcim për mediat është shprehur se jemi përballur me një situatë të pazakontë dhe në mëngjes ka qenë i vështirë qarkullimi në rrugë. Sipas drejtorit Molla, është bërë e mundur hapja e akseve ku ka pasur probleme ndërkohë që aktualisht situata është përmirësuar. Probleme ka pasur në orët e mëngjesit kur punonjesit i janë drejtuar vendeve të punës kryesisht pranë fasonerive.

‘Ishte një situatë e pazakontë ka bërë dëmtime, në frutikulture, janë bllokuar disa rrugë. Shkodra është përfshirë nga një valë shtrëngatash. Po punojmë për të bërë pastrimin e rrugëve me mjete dhe pastrimin sidomos zonave kryesore të qytetit. Lëvizja ka qenë e vështirë dhe vështirësi ka pasur edhe për fëmijët që shkojnë në shkolla, nuk ka asnjë aks të bllokuar. Po punohet për pastrimin e hyrjeve të banesave ku ka pasur sasi të madhe breshëri.’- tha Molla.

Lajmi kryesor:

Moti i pazakontë në Shkodër, breshëri zbardh rrugët e qytetit, drejtori Ujësjellësit: Janë hapur të gjitha akset rrugore (VIDEO+FOTO)

M.Q./r.k./Shqiptarja.com

TAG:
• Shkoder
• moti i keq