Shkon në 100 numri i viktimave nga shpërthimi në një xhami në Pakistan, në vend flitet për ‘krizën e sigurisë kombëtare’

Shkon në 100 numri i viktimave nga shpërthimi në një xhami në Pakistan, në vend flitet për ‘krizën e sigurisë kombëtare’

Pamje nga vendngjarja

Numri i të vdekurve nga një bombë e dyshuar e hedhur nga një kamikaz që shpërtheu në një xhami në Pakistanin veriperëndimor të hënën ka shkuar në 100, duke shënuar një nga sulmet më vdekjeprurëse në vend në vite, ndërsa përballet me atë që një analist e përshkroi si "një krizë të sigurisë kombëtare".

Zëvendës komisioneri i Peshawarit, Shafiullah Khan, të martën konfirmoi viktimat dhe tha se më shumë se 80 persona po trajtoheshin ende në spital pas shpërthimit në xhaminë në një kompleks policie në qytet. Nasarullah Khan, një zyrtar policie që i mbijetoi shpërthimit, tha se i kujtohej se kishte parë "një shpërthim të madh flakë" përpara se të rrethohej nga një shtëllungë pluhuri i zi.

Khan tha se këmba e tij u thye nga shpërthimi dhe ai mbeti i ngecur në rrënoja për tre orë.

“Tavani ra në… hapësira ndërmjet tavanit dhe murit është vendi ku arrita të mbijetoj,” tha ai.

Ndërkohë, shpresa po shuhej në kërkimin e të mbijetuarve, ndërsa punonjësit e shpëtimit kaluan nëpër rrënojat e xhamisë që u shkatërrua të hënën, kur besimtarët – kryesisht zyrtarë të zbatimit të ligjit – ishin mbledhur për lutjet e mbrëmjes.

Fotografitë dhe videot tregojnë muret e xhamisë të copëtuara, me dritare xhami dhe panele të shkatërruara nga shpërthimi i fuqishëm.

“Nuk presim që të gjendet dikush i gjallë. Kryesisht trupa të pajetë janë duke u gjetur”, tha të martën Bilal Faizi, një zëdhënës i forcave të shpëtimit.

Shpërthimi i së hënës është shenja më e fundit e përkeqësimit të situatës së sigurisë në Peshaëar, kryeqyteti i provincës së trazuar Khyber-Pakhtunkhëa që kufizohet me Afganistanin dhe vendi i sulmeve të shpeshta nga talebanët pakistanezë, të njohur si Tehreek-e-Taliban (TTP).

TTP është një organizatë e huaj terroriste e përcaktuar nga SHBA që vepron si në Afganistan ashtu edhe në Pakistan.

Vitin e kaluar, prishja e një armëpushimi tashmë të lëkundur një vjeçar midis TTP dhe qeverisë së Pakistanit kërcënoi jo vetëm përshkallëzimin e dhunës në atë vend, por potencialisht një rritje të tensioneve ndërkufitare midis qeverive afgane dhe pakistaneze.

K.T./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria luan ndaj Italisë sfidën e parë në Euro 2024, kush fiton?



×

Lajmi i fundit

Kate Middleton shfaqet në publik për herë të parë pas diagnozës me kancer

Kate Middleton shfaqet në publik për herë të parë pas diagnozës me kancer