'Shkopinjtë' që mbanin në këmbë vilën 4 katëshe...Si ishte ndërtuar godina nën rrënojat e së cilës u shuan 8 familjarë!

'Shkopinjtë' që mbanin në këmbë vilën 4 katëshe...Si ishte ndërtuar godina nën rrënojat e së cilës u shuan 8 familjarë!

Vila në ish-këneta e Durrësit

Katër kate të ngritura mbi themele të holla që vetëm duke i parë me sy kupton se nuk mund t'i rezistojnë një goditjeje, ashtu siç fatkeqësisht u faktua nga tërmeti i fortë i së martës në 03:54 kur  u shemb totalisht duke zënë nën rrënoja 8 anëtarë të familjes Lala. 

Siç shihet në këto foto nga Google Earth të majit 2016, cilësia e ndërtimit është e dobët dhe mjaft e rrezikshme. Siç shihet katet janë shtuar një nga një, ndoshta ndër vite,, siç duket edhe në foton e 3 viteve më parë ku kati i fundit ishte ende në ndërtim. Në këtë vilë jetonin tre vëllezër me familjet e tyre dhe nëna e moshuar. Nga tërmeti shpëtoi vetëm një i ri 17-vjeçar Ramë Lala.

Kolonat e godinës tepër të holla duken krejt të pafuqishme për të mbajtur mbi to tre kate ndërtesë. Në goditjen e parë të tërmetit në orën 03:54 ndërtesa u rrëzua, ndërsa ekipet e shpëtimit arritën të komunikonin me disa prej anëtarëve nën rrënoja, siç ishte Ramë Lala të cilin e ka shpëtuar një lavatriçe. Struktura metalike e kësaj orendie shtëpiake ka krijuar mjaftë hapësirë sa për t'i mbrojtur trupin dhe kokën 17-vjeçarit, pas shembjes së banesës. Ndërkohë me lëkundjet e tjera sizmike që vijuan në formë pasgoditjesh u rrëzua duke i zhytur edhe një herë nën rrënoja 8 anëtarët e familjes Lala, të cilët nuk mundën të dalin dot gjallë. Trupi i fundit i Ilir Lalës u nxor nga ekipet e shpëtimit në orët e para të mëngjesit të së premtes.

Vila ku jetonin bashkë familjet e tre vëllezërve u kthye në mort...

Sahadete Lala 79 vjeç ndërroi jetë me djalin e saj të paralizuar Ilir Lala 52 vjeç, me nusen e djalit tjetër Marjeta Lala, 4 fëmijët e saj, dhe mbesën nga djali tjetër.  Bashkëshorti i Marjeta Lalës që humbi të katërt fëmijët ishte në Itali, ashtu edhe vëllai tjetër i cili në këtë tragjedi humbi vajzën, Griselda Lalën, 22-vjeç. I vetmi që doli gjallë nga rrënojat ishte Ramë Lala 17 vjeç. Nëna e tij nuk ndodhej në banesë pasi natën e tërmetit ishte tek motra e saj në Tiranë. Video e shpëtimit të Ramë Lalës përcolli mjaft emocion teksa ai u duartrokit nga ekipet e shpëtimit, teksa nëna mallëngjehej nga mrekullia që djali i saj doli i gjallë. Nga familja e 17-vjeçarit nën rrënoja u gjetën të pajetë Marjeta Lala së bashku me tre fëmijët, Emilio Lalën, 6 vjeç dhe dy binjakët Enis dhe Dionisa Lala, më pak se 3 vjeç. E ndjera u gjet e përqafuar me të tre fëmijët e saj nën rrënoja të banesës. E pajetë u nxor edhe Amelia Lala 9 vjeçe, e cila është gjetur së bashku me gjyshen, Sahdete Lala.

VIKTIMAT

Sahadete Lala 79 vjeç - (Gjyshja)
Djali i saj  Ilir Lala, (i paralizuar)  52 vjeç i fundit qe u nxor nga vila 4 kateshe në Kënete

Nëna Marjeta Lala, 31 vjeç me 4 fëmijët:
Emilio Lala
Enis Lala 2 vjeç
Dionisa Lala 2 vjeç - binjakë
Amelia Lala 8 vjeç - Vila në Kënetë

Griselda Lala- 19-vjeç (Motra e Ramë Lalës që shpëtoi)

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Vlora: 30/11/2019 21:29

    Zot i madh shpirti u ndrihte te shkretve

    Përgjigju
  • roma: 30/11/2019 19:13

    Ngushullime njerzve qe humben njerzit me te dashur .

    Përgjigju
  • Liku: 30/11/2019 18:50

    Ne plazhin ne durres tek hekurudha dhe iliria kishte vetem ndertes me derrasa per pushuesit

    Përgjigju
  • adr: 30/11/2019 09:36

    katet e para qe jane bere dyqane dhe lokale jane bomba me sahat, nese termeti do binte ne tirane dhe jo ne durres situata do kishte qene qindra here me e rende

    Përgjigju
  • Blerta: 30/11/2019 03:32

    PLAZHI,,KENETA,,DHE DISA BANESA ME DURRES DUHEN SHEMBUR,,,,NDRYSHE DO I VDISNI NJEREZIT NNEPER GERMADHA MOR qeveri e poshter....

    Përgjigju
    • bajrami: 30/11/2019 09:54

      Bravo Ferdi. Ja mblodhe Blertes. Qeveria duhete te filloje te mendoje si ti administroje mire leket qe domblidhen. PSh te vendosi Lali Fikun qe te nxjerri koston 5 here me shume per cdo banese. Paguan ky milet ska problem

    • ferdi: 30/11/2019 08:59

      Bravo Blerta, kerko nje pergjegjesi nga Qeveria qe vet personi per familjen e tij nuk mban ;)

  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

Mero Baze: Marrëveshja e normalizimit” është shans për të normalizuar Lulizm Bashën dhe PD

Mero Baze: Marrëveshja e normalizimit” është shans për të normalizuar Lulizm Bashën dhe PD