Historia e 25-vjeçarit nga Veriu i Shqipërisë tronditi mesditën e kësaj të premte në emisionin ‘Pa Gjurme’ në Report Tv. I rritur mes skenave të dhunës dhe se nuk ishte fëmija i tij, A.G merr guximin të flasi për herë të parë publikisht për babanë. Fillimisht ai ju drejtua me një letër programit, stafi i të cilit i bëri ftesë në studio. Me zërin që i dridhej, i ndrojtur por më shumë se kurrë i vendosur, 25-vjeçari rrëfen detaje rrëqethëse. Ai tregon sesi babai gjakoste nënën, teksa e akuzonte se e kishte tradhëtuar me vëllanë e tij.
“Drama e jetës time nis kur isha fëmijë. Kur luaja mbaj mend që në shtëpi dëgjoja zërin e ngritur të babait tim që zihej me nënën dhe i thoshte: ’’Ky nuk është djali im, ti më ke tradhtuar me tim vëlla.’’ Isha i vogël atëherë dhe nuk e kuptoja fjalën tradhti, po ama e ndjeja që im atë nuk më donte dhe nuk mora asnjëherë dashurinë e tij. Sytë e mi kanë parë nënën dhe dy vëllezërit të larë me gjak, veshët e mi kanë dëgjuar fjalët më të pista më të cilat im atë i drejtohej të shtrenjtës time.” Edhe me e rëndë bëhej situata kur babai akuzonte rëndë nënën për tradhti. Babai na pengoi të shkonim tek xhaxhai, por unë nuk i kam ndërprerë kurrë kontaktet me të. Më dukej akuzë e rëndë e bërë nga babai ndaj të vëllait. Unë nuk e kam besuar kurrë një gjë të tillë’’-përlotet i riu
Babai asnjëherë nuk i qëndroi pranë, nuk kishte kujdesje për familjen. Sipas djalit, ditët e tij ishin në kafenetë e fshatit duke konsumuar alkool, ndërsa nëna mundohej të siguronte ushqim për fëmijët.
![](https://shqiptarja.com/template/img/NO_ALFA_Kuadrate shqiptarja.png)
“Unë me vëllezërit jemi rritur me ushqimet që na ofronte kisha dhe çdo gjë tjetër që na falnin të afërmit tanë. Babai i kalonte ditët nëpër kafene dhe në darkë vinte i dehur. Një fëmijëri për të cilën s’kam nostalgji ta kujtoj, një fëmijëri që s'më bëri të ndihesha kurrë djalë dhe pse linda i tillë. Kjo gjë më bëri të bie pre e bullizmit nga bashkëmoshatarët e mi.”
Me kalimin e viteve për të riun situata ndryshoi. Sot, ai nuk është më fëmija i frikësuar para agresionit të babait dhunues, por djali në mbrojtje të nënës. Edhe pse i rritur mes dhunës ai nuk e ka parë kurrë figurën e babait si modeli, që do të donte të ndiqte. Endrra e të riut sot është në ngjisi shkallët e jetës pak e nga pak.
’Unë nuk kam dashur dhe as nuk dua që të ndjek gjurmët e babait tim. Mësoja shumë, me shpresën që të shkoja në Universitet dhe të shkëputesha nga ferri ku u rrita. Por kjo mbeti vetëm një ëndërr e bukur në sirtar, pasi unë nuk munda dot të shkelja kurrë në auditoret ku kisha thurur plane në netët pafund. U përpoqa të ndiqja ndonjë kurs dhe ia arrita…Munda të bëj një kurs kuzhine me para borxh dhe punën time të parë e nisa si pjatalarës në një restorant. Rrogën e parë e dorëzova në familje. Më kujtohet mirë kur ende pa mbushr 19 vjeç, babait i dorëzova 120 mijë lekë të vjetra. M’i mori me nxitim dhe iku…Nuk bleu ushqime as për vëllezërit dhe nënën, por i prishi në kafenetë që frekuentonte.Nëna dhe babai jetojnë bashkë sërish sot, por është më ndryshe sepse jemi rritur dhe e mbrojmë nënën. Tashmë dëshira ime është që të kem një familje te bashkuar’, përfundon rrëfimin e tij 25-vjeçari
Emisioni i plotë (04.03.2022)
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
Me vjen mire qe nuk ke ndjekur shembullin e babait,sa per atesine,mjafton te besh ADN dhe sqarohet cdo gje,se dhe vellezerit kane pak ndryshim gjenetik mes tyre,sado afer ose te ngjashem te jene me njeri-tjetrin.Babai juaj ka nevoje per /tough love/.Ju dhe nena punoni dhe lodheni,kurse ai nuk ben asgje,ju merr parate,qe i harxhon ne klub dhe ju keqtrajton.Mjaft ia financuat vesin!!Ato para mblidhini dhe ruajini per vete dhe nenen se jeta eshte e veshtire.
Përgjigju