Ish-presidenti Bujar Nishani ka reaguar për shoqërimin në polici të  disa prej përsonave, qe morën pjesë ditën e sotme në protestën e dhunshme të opozitës ku protestuesit u përplasën disa herë me forcat policore. Duke iu referuar shoqërimit të ish-drejtorit të policisë bashkiake Florenc Hoxha, ish-presidenti Bujar Nishani është shprehur me një gjuhë të ashpër, duke akuzuar policinë e shtetit se ka përdorur dhunë , grushta gjatë ndalimit të tij.

Përmes një reagimi në rrjetin social Nishani i quan ata gansterë, banditë që përdorin emrin dhe forcën e pushtetit për të dalë mbi qytetarët. Në mesazhin e tij u drejtohet edhe ambasadorëve të cilëve u thotë: Këta janë partnerët tuaj.

Postimi i plotë i Bujar Nishanit:

Një grup kapuçonës të zinj, ja si e përdorin emrin, forcën, pushtetin e shtetit tek godasin me grushta një person që thonë se po e shoqërojnë në polici.

Këta banditë nuk do mund të kishin këtë kurajo prej nazistësh nëse një Kryegangsterr nuk do të kishte uzurpuar zyrën e Qeverisë pikërisht me ndihmën e këtyre tipave.

Nëse opozita nuk kërkon hetimin e këtyre gangsterrëve dhe urdhërdhënësve të tyre është në bashkëfajsi.

Zotërinj ambasador të huaj, ja këta janë partnerët tuaj në Shqipëri.

Uragani popullor i shqiptarëve nuk trembet dot, Jo !