Shpërthimi në TEC s'shtyn zgjedhjet
Jahjaga: Mbahen të djelën 8 Qersho

PRISHTINE - Shpërthimi tragjik në termocentralin e  një depozite me hidrogjen në termocentralin “Kosova A” në Obiliq nuk do të shtyjë zgjedhjet e parakoshme të 8 Qershorit. Konfirmimi zyrtar vjen nga presidentja Atifete Jahjaga. Përmes një njoftimi nga zyra e Presidentes së Republikës së Kosovës sqarohet opinioni publik se “zgjedhjet e parakohshme në vend do të mbahen më 8 qershor siç është përcaktuar më parë”.

Sakaq, Presidentja po i vazhdon takimet e përcaktuara më herët për të parë përgatitjet për zgjedhjet nacionale.

“Presidentja po i vazhdon takimet e saj të përcaktuara që më herët me anëtarët e KQZ’së dhe me vëzhguesit e Demokracisë në Veprim për të parë të gjitha përgatitjet përfundimtare për mbajtjen e zgjedhjeve të parakohshme, të përgjithshme në vend më 9 qershor”, ka thënë zëdhënësi i Presidentes Jahjaga, Arbër Vllahiu.
 
KQZ konfirmon, Daka: Zgjedhjet sikurse ishin parashikuar, më 8 Qershor
Edhe pse për shkak të kësaj ngjarjeje fillimisht u përfol se do të kishte shtyrje të zgjedhjeve të së dielës, kryetarja e Komisionit Qendror të Zgjedhjeve të Kosovës, Valdete Daka ka konfirmuar se ato do të mbahen, sikurse është parashikuar, pikërisht më 8 Qershor. Një fakt të tillë e ka konfirmuar edhe kreu i LDK-së Isa Mustafa, i cili pasi ka shprehur dhimbjen e tij për viktimat në KEK ka thënë se nuk ka kërkuar që të shtyhen zgjedhjet. 
“Kam kërkuar vetëm të vlerësohet situata. Zgjedhjet mbahen ashtu siç janë planifikuar”, ka thënë Mustafa ,i cili ka kërkuar hetime për ngjarjen e ndodhur në termocentralin e Kosovës.

Thaci e Mustafa: presidentja vendos nese duhen shtyre zgjedhjet
Presidentja e Kosovës, Atifete Jahjaga vendos nëse shpallet ditë zie e edhe nëse duhet shtyrë zgjedhjet. Kështu kanë thënë kryeministri i Kosovës, Hashim Thaçi dhe kreu i LDK-së, Isa Mustafa pas vizitës që u kanë bërë punëtorëve të lënduar në QKUK.
 
Ndërsa Thaçi tha se Presidentja vendos nëse do shtyhen zgjedhjet, Mustafa tha se pajtohet nëse merret një vendim i tillë, por që nuk do mjaftonte. Ai kërkon edhe përgjegjësi për këtë që ka ndodhur.

Redaksia Online
(Gre.M/Shqiptarja.com)

TAG:
• kqz