Aktori Erion Isai është shprehur i revoltuar me “politizimin” e protestës së artistëve që kundërshtojnë prishjen e Teatrit Kombëtar. I ftuar në emisionin “Rreze Dielli” në Report TV ai tha se aktorët nuk duhej të ishin takuar me kreun e opozitës Lulzim Basha, pasi kur ishte pjesë e qeverisë demokrate ai nuk u kujdes për Teatrin por përkundrazi e shfrytëzoi pushtetin për të punësuar aktorë.
“Arsyeja pse unë kam hequr dorë nga protesta e Teatrit Kombëtar është sepse tashmë është kthyer në çështje politike. Dalin dhe flasin për një politikë të përgjithshme , marrin përsipër të flasin edhe për arkitekturë, janë bërë edhe arkitektë. Pastaj shkojnë dhe futen në zyrë të kryetarit të opozitës, gjë që mua nuk më duket normale. Unë nuk di që ndonjë nga 2 sindikatat të ketë kërkuar takim me kryeministrin dhe ai të ketë thënë jo. Nuk ka ndonjë gjë të shkosh te lideri i opozitës, por ai nuk ka fuqi vendimmarrëse dhe ndaj nuk mund të jesh selektiv, të shkosh te njëri dhe jo tek tjetri. Unë e përmenda kreun e opozitës sepse edhe kur ishte në pushtet e vetmja gjë për të cilën ndërhynte ishte për të punësuar aktorë brenda Teatrit Kombëtar , dhe nuk është interesuar ndonjëherë për kushtet e Teatrit.
Regjisori Erion Isai
Sipas aktorit arti shqiptar dhe veçanërisht aktorët sot kanë probleme shumë më të mëdha që duhet të zgjidhen me politikën, siç është moskthimi i të ardhurave që merren nga shitja e biletave tek teatri.
Negociatat me qeverinë duhet të jenë për statusin e artistit, për një ligj, për heqjen e tatimit mbi artin, për ligjin e sponsorizimeve. Ne nuk kemi një ligj për sponsorizimet. Nëse një kompani mua më jep lekë, e bën sepse ka qejf, sepse do artin dhe nuk merr asnjë benefit mbrapsht. Jo më larg se Greqia ka ligj sponsorizmi të zbritjes së sponsorizmit mbi artin dhe sportin nga tatimi i përgjithshëm vjetor apo nga një taksë. Këtu nuk diskutohen këto, por diskutojmë a është arkitektura e mirë, a duhen ndërtuar pallate mbrapa teatrit. Paratë që jepen nga biletat dhe nga qeraja e sallave të teatri shkojnë në buxhetin e shtetit dhe nuk i kthehen teatrit, ky është problem i madh. Vetëm Teatri i Metropolit është ai që paratë i çon për teatrin, pse të mos bëjnë të tjerët të njëjtën gjë?
Regjisori Erion Isai
Debatit të madh nëse duhet apo jo të prishet Teatri Kombëtar, aktori i përgjigjet se mënyra e ndërtimit i takon arkitektëve e urbanistëve. Ajo për të cilën ai është i sigurt është se aktorët kanë nevojë për një teatër të ri.
Godina do prishet patjetër . Ne kemi nevojë për një teatër të ri , të tjerat janë marrëzira. Nëse rikonstruktohet kjo godinë, apo bëhet e re, apo bëhet një sallë mes të dyjave, i takon arkitektëve , urbanistëve, historianëve , nuk i takon as regjisorëve as aktorëve. Është njësoj si të vijë Erion Veliaj dhe të më thotë kjo fryma mizanskenale që ke bërë këtu nuk funksionon.
Regjisori Erion Isai
Erion Isain që prej vitesh e kemi parë si aktor humori në dhjetra role tashmë vjen nën petkun e regjisorit me shfaqjen “Nderi i Kombit. Brekët e shekullit të ri” që po shfaqet aktualisht në Teatrin Kombëtar Eksperimental Kujtim Spahivogli në Tiranë, pas një turneu në disa qytete të vendit. Vepra e shkruar nga Vangjel Kozma do të vazhdojë të vihet në skenë në datat 18, 19, 20 dhe 21 prill në sallën Moliere të këtij teatri.
Lajme të tjera
-
‘Propagandë me TikTok-un, por janë kokë e këmbë në EncroChat’, Basha: Më 11 maj të pastrojmë politikën nga të korruptuarit
24 Dhjetor, 12:35 -
Paralajmërimi i Bashës për opozitën: Koha na dha të drejtë, pazari Rama-Berisha për të mbrojtur pandëshkueshmërinë, ishte mesazh kundër SPAK
21 Dhjetor, 16:57 -
Basha publikon videon e Berishës: Dikur na akuzonte ne, por sot pranoi pazarin me Ramën
20 Dhjetor, 18:11 -
Basha: Siguria e Kosovës, pjesë e pandarë e sigurisë sonë kombëtare
20 Dhjetor, 13:38 -
Ylli Pata: Opozita rikthehet vetëm nëse bën 'Kongresin e 10' për të dënuar Sali Berishën!
19 Dhjetor, 17:59
-
Shqipëria e Kosova nesër mbledhje të përbashkët të dy Kuvendeve, ‘përjashtohen’ Berisha e Basha! Lista e deputetëve pjesëmarrës
19 Dhjetor, 14:16 -
Namir Lapardhaja: Unë jam Zoti juaj më i lartë!
19 Dhjetor, 09:16
-
Dita Ndërkombëtare e Emigrantëve/ Basha: Të lëmë pas korrupsionin dhe keqqeverisjen, në 11 maj bëhuni pjesë e ndryshimit
18 Dhjetor, 16:22 -
Basha: T’i japim fund tangos personale, kush voton Berishën merr dhe Ramën në paketë dhe anasjelltas! Jo interesave të Trekëndëshit të Bermudës
18 Dhjetor, 12:53 -
Ikën Abigeila Voshtina, kompozitori Aulon Naçi drejtori i komanduar i Teatrit Kombëtar të Operas
18 Dhjetor, 09:53 -
SHBA mesazh të prerë për Berishën/ Basha në 'Studio Live' tregon 2 grupet që i shkojnë pas kryetarit PD! Përpiqet të mashtrojë militantët, ndërkohë ka aleancë me Ramën
17 Dhjetor, 18:37 -
Lirimi i Berishës shkon në Apel, Elezi: Non-grata nuk ishte inat personal! Minimin e demokracisë po e shohim! Gaba: Pas arrestimit të Metës, po intensifikohen përpjekjet anti-SPAK
16 Dhjetor, 18:41
