Shpërthimi në Ibër-Lepenc, në veri të Kosovës/ Policia: Mund të jenë përdorur 15 - 20 kg eksploziv! 8 të arrestuar, dyshohet se kanë lidhje me 'Brigadën e Veriut' e 'Mbrojtja Civile'! Sveçla: Serbia financoi

Prishtinë - Tetë persona të arrestuar një arsenal i tërë armësh, përfshirë eksploziv dhe uniforma ushtarake, është bilanci i operacionit të bastisjes që policia e Kosovës ndërmori mëngjesin e sotëm ( 30 nëntor) në veri të Kosovës, pak orë pasi u hodh në erë kanali i ujit Ibër- Lepenci. 

Pasditen e sotme, në një konferencë të jashtëzakonshme ministri i Brendshëm i Kosovës, Xhelal Sveçla krah drejtorit të Policisë, Gazmend Hoxha tha se bastisjet janë kryer në 10 lokacione të ndryshme në veri, i banuar me shumicë serbe. Të arrestuarit dyshohen për lidhje dhe nxitje të sulmeve të fundit në veri, mes tyre dhe hedhja e granatave të dorës në Zveçan dhe shpërthimin në kanalin e Ibër-Lepencit.

Ministri përsëriti se Kosova e mban përgjegjëse Serbinë për sulmin terrorist në kanalin e Ibër-Lepencit por dhe ato të ndodhura brenda 72 orësh

“Sulmet e vazhdueshme të grupeve kriminale terroriste siç janë sulmet e fundit me granata në Zveçan dhe tani edhe sulmi i fundit terrorist i ndodhur mbrëmë ndaj infrastrukturës kritike janë sulme që dirigjohen nga Serbia dhe për këtë e mbajmë përgjegjës Beogradin zyrtar.

Sveçla e ka cilësuar shpërthimin në Zubin-Potok si aktin më të rëndë të pasluftës.

Ky sulm terrorist është i organizuar mirë dhe planifikuar mirë nga organizata profesioniste në kryerjen e sulmeve të tilla terroriste të cilat shkaktojnë dëme të mëdha ndaj infrastrukturës kritike. Synimi i tyre ka qenë të maksimalizohet dëmtimi në dëm të shtetit të Kosovës e qytetarëve të saj' tha ai. 

Drejtori i Policisë së Kosovës, Gazmend Hoxha tha se janë përdorur eksploziv deri në 20 kilogramë në sulmin ndaj kanalit të Ibër-Lepencit.

“Në bazë të hetimeve në vendin e ngjarjes, për ta kryer këtë sulm terrorist dyshohet se janë përdorur një sasi e madhe e eksplozivit prej 15 deri në 20 kilogramë. Eksplozivi ishte vendosur në një çantë të zezë dhe është aktivizuar me detonator mekanik, përmes fitilit ndezës me djegie të ngadalshme. Si pasojë e këtij sulmi janë shkaktuar dëme të mëdha materiale në kanalin e Ibër-Lepencit, ku si pasojë e të cilave është ndërprerë furnizimi me ujë të pijshëm për shumë zona dhe lokalitete, duke rrezikuar tej mase edhe furnizimin me energji elektrike apo edhe rrezikun me pasoja më të rënda për avari në sistemin energjetik të Kosovës ”, tha Hoxha.

10 sulme në veri prej qershorit, 3 sulme terroriste brenda nëntorit

Drejtori i policisë tha se nga qershori i këtij viti janë evidentuar 10 sulme me mjete shpërthyese nga të cilat ndër rastet që kërcënuan seriozisht rendin dhe janë kualifikuar si sulme terroriste që kanë pasur synim ta cenojnë sigurinë e Kosovës janë këto tre ditëve të fundit.

- Date 26 11 2024 – sulmi terrorist me dy granata dore tek stacioni policer në Zvecan. Rrezikoi jetën e policëve.
- Date 28 11 2024 sulmi terrorist me granatë dore në objektin e komunës së Zvecanit. Si pasojë u shkaktuan dëme në komun e makina e të parkuara
- Date 29.11.2024 sulmi terrorist që kishte për shënjestër kanalin e Ibër Lepencit"

Mund të kenë lidhje me 'Brigadën e Veriut' e "Mbrojtjen Civile'

Ministri i Punëve të Brendshme, Xhelal Sveçla, bashkë me drejtorin e Policisë së Kosovës, Gazmend Hoxhën, kanë thënë se personat që janë arrestuar si të dyshuar dhe janë intervistuar në stacione policore mund të jenë strukturave tashmë të njohura si “Brigada e Veriut” dhe “Mbrojtja Civile”.

“Pa asnjë dyshim këto akte janë terroriste. Realisht kemi të bëjmë me një luftë të sofistikuar hibride, e cila përfshin të gjitha mënyrat tashmë të njohura të atakimit të Republikës së Kosovës. Patjetër që një pjesë e tyre janë pjesë e strukturave tashmë të njohura si 'Mbrojtja Civile' dhe 'Brigada e Veriut" por gjithsesi në cilindo lloj organizimi ata janë të trajnuar, të nxitur, shtyrë, mbështetur dhe financuar nga Serbia me qëllim destabilizimin e Republikës së Kosovës e terrorizimin e qytetarëve të saj." tha Xhelal Sveçla

Edhe drejtori i policisë e konfirmoi se mund të kenë lidhje me Radoiçiç

“Shumica e personave ndaj të cilëve sot është kryer kontrolla në pronat e tyre, janë persona të dyshimtë të ndërlidhur me ‘Mbrojtjen Civile’. Andaj, mund të ketë edhe implikime me terroristin Milan Radoiçiç. I takon organeve të zbulojnë rolin e secilit.

 Në bazë të hetimeve intensive dhe posaqërisht rasti I fundi I sulmit terrorist ndaj infrastrukturës kritike për nga mënyra e organizimit dhe ekzekutimit të tyre është e qartë që kemi të bëjmë me një grup të mirorganizuar dhe kanë njohuri e shkathtsi në ëprdorimin e mjeteve shpërthyese

 Në bazë të hetimeve nga policia në bashkëpunim me agjencinë e inteligjencës janë identifikuar disa persona të dyshuar të mundshëm përkatësisht organizatorët, apo ekzekutues të sulmeve terroriste, posaqërisht për sulmin e kanalit të Ibër Lipencit" tha Hoxha 

Gjatë bastisjeve nga autoritetet e sigurisë së Kosovës, përfshirë Agjencinë e Kosovës për Inteligjencë (AKI) janë konfiskuar një arsenali armesh dhe municioni, eksplozivi pajisjeje të ndryshme, përfshirë emblema e qindra uniforma e pajisje ushtarake.

Këto do të shërbejnë si dëshmi për këto akte kriminale”, tha Sveçla.

Drejtori i Policisë tregoi se gjatë bastisjeve të sotme kanë konfiskuar mbi 200 uniforma ushtarake, 6 zolla, 3 granata dore, 2 armë AK47, 1 revole, municion të kalibrave të ndryshëm, fitila ndezës për inicim të lëndëve plasëse, helmeta ushtarake, maska, thika, para dhe pajisje të tjera. Ndërsa në një bastisje të ndarë në Zveçan, Policia ka konfiskuar sasi të konsiderueshme armatimi, 2 AK47, 3 revole, 1 armë gjuetie, 2 armë rekreative, 6 karikator të AK47, municion e uniforma ushtarake.

Organizatat terroriste

"Mbrojtja Civile" dhe "Brigada e Veriut",  u shpallën organizata terroriste nga Qeveria e Kosovës qershorin e vitit të kaluar, ndërsa Radoiçiç, politikan dhe biznesmen nga veriu i Kosovës, e mori përgjegjësinë për sulmin e vitit të kaluar kundër Policisë së Kosovës në Banjskë të Zveçanit, ku mbeti i vrarë një efektiv policie. Autoritetet në Kosovë kanë ngritur aktakuzë ndaj tij dhe 44 personave të tjerë për atë sulm, ku u vra një rreshter policor dhe tre sulmues. 

Në komunikatën e këshillit të sigurisë Qeveria e ndërlidhi sulmin ndaj kanalit të Ibër-Lepencit edhe me sulmet që ushtria ruse është duke i kryer pareshtur ndaj infrastrukturës energjetike të Ukrainës. “U vu në pah edhe ndërlidhja e gjasshme me sulmet e Rusisë agresore në Ukrainë mbi kapacitetet energjetike gjatë kësaj jave duke lënë mbi një milion amvisëri ukrainase pa energji elektrike pikërisht në prag të dimrit”, tha ajo.

Rendit zhvillimet sipas orarit:

Të Fundit Të Parat

K.M/S.B/Shqiptarja.com

TAG:
• xhelal zvecla
• iber lepenc
• kosove
• shperthimi ne Zubin-Potok