LIBOHOVE - Në shkollën 9-vjeçare "Avni Rustemi" në Libohovë, gjithçka mund të ishte kthyer në tragjedi, por fatmirësisht të gjithë fëmijët janë mirë. Sistemi ngrohës në shkollë, kaldaja me gaz, ka pësuar një defekt, ku për pasojë gazi është përhapur në të gjithë shkollën. Fëmijët kanë dalë jashtë, dhe janë vendosur në palestrën që ndodhet përbri shkollës, dhe vetëm pas dy orëve i janë rikthyer sërish mësimit. Ajo që është e çuditshme në këtë situatë, është fakti se asnjë nga institucionet nuk kanë reaguar, ndërkohë që nuk dihet se me çfarë garancie janë rikthyer në mësim fëmijët, kur mund të kishte rrezik për shëndetin e tyre nga përhapja e gazit.
Drejtoresha e shkollës, Vjollca Idrizi thotë për Report Tv, se nuk pati pati rrezik shpërthimi.
"Nuk ishte në situatë shpërthimi, era e gazit që u hap ditën e hënë ishte pasojë e një manovre që bëhet tek depozita e kaldajës që u fut në ambientin e shkollës, por nuk kishte rrezik shpërthimi nxënësit ishin jashtë se nuk kishte filluar mësimi. Qëndruan në palestrën e shkollës jashtë duke luajtur, ndërkohë orën e dytë filloi mësimi normalisht", - tha drejtoresha.
Drejtoresha tha se kaldajat "kanë funksionuar qëkur janë ndezur. Të hënën që filloi shkolla, pati defekt u raportua në bashki, u morën masat dhe ditën e djeshme janë rregulluar dhe janë në funksionim normal".
Por një tjetër situatë japin fëmijët. Edhe sot, ditën e mërkurë, ata nuk kanë se me çfarë të ngrohen. Ata i zhvillojnë orët mësimore të veshur me xhup.
"Kishte erë gazi dhe ne dolëm përjashta, u trembëm pak. Nuk ngrohemi tani, ngroheshim me kaldaja po ato u prishën. Është pak e vështirë të bësh mësim"
"Ditën e djeshme kur erdhën në shkollë mbante pak era gaz, dolëm jashtë dhe më vonë u futëm prapë në shkollë për të bërë mësim. Tani nuk ngrohemi me asgjë momentalisht. Kaldajat kanë funksionuar këtë vit".
"Mbante shumë erë gaz dhe dolëm jashtë deri nga ora 10:00. U trembëm pak. Tani në shkollë nuk ngrohemi me asgjë. Është ftohtë, nuk i kemi hequr xhupat".
Ngrohja me kaldajë ishte pjesë e investimit të Bashkisë së Libohovës për rikonstruksionin e shkollës në vlerën 600 miilionë lekë. Ndërkohë të interesuar për të marrë edhe një reagim të kryetares së bashkisë, Luiza Mandi, Report Tv nuk e gjeti atë në zyrë.
Lajme të tjera
-
Sherr mes shoferëve në Gjirokastër, shkak konkurrenca: Linjat e Libohovës na marrin pasagjerët
6 Maj, 10:08
-
'Big Brother' Balla: Shumë shpejt 200 km e parë do monitorohen me kamera e radarë, në rrugë s'do ketë patrulla policie
11 Prill, 10:33 -
Zbehet simbolika e luleve e kartolinave për 7 Mars, dhurata e zarfe me lekë për mësuesit
6 Mars, 15:26
-
Qeveria miraton ndërtimin e centralit fotovoltaik në Libohovë
14 Shkurt, 15:43 -
Punimet për gjimnazin 'Isa Boletini' në Vorë, Rama: Një ndër 30 shkollat që përfundojnë brenda vitit
27 Janar, 13:55 -
Paketa e Sigurisë në Shkolla, Balla thirrje nxënësve nga Kruja: Bashkëpunoni sa më shumë me Policinë e Shtetit
17 Janar, 15:59 -
Mbi 107 mijë fëmijë përfituan nga programi i depistimit të shikimit në shkolla, rreth 13 mijë u referuan për vizitë te mjeku
16 Janar, 13:26 -
Ashpërsim i veprave penale që cënojnë të miturit dhe të rinjtë, Balla për sigurinë në shkolla: Do instalohen kamera nëpër rrugët pranë institucionit
18 Dhjetor 2023, 18:22 -
Libohovë, mbahet edicioni i 15-të i Festivalit Tipologjik të Polifonisë
7 Dhjetor 2023, 21:31
-
Sistemi i ngrohjes bllokon godinën e re të gjimnazit në Kukës, nxënësit mësim me turne, dalin në protestë! Edhe në Lezhë s’punon kaldaja
5 Dhjetor 2023, 16:30
-
Paketa e sigurisë/ Dyfishohet dënimi për armët e ftohta në ambiente shkolle! Prindërit optimistë: Ndryshimet në Kod i shërbejnë sigurisë së fëmijëve
29 Tetor 2023, 16:41
-
PD për taksën e arsimin: Nga 17 ndërtuan 9 institucione arsimore! Skema PPP për shkollat e reja në Tiranë ka dështuar
11 Tetor 2023, 13:18
