TIRANE-Shqipëria shumë shpejt do të ketë një Kod të ri Penal, me një numër më të madh veprash të parashikuara. Në kulmin e debateve për ndryshimet e fundit në Kod, për dhunën në familje dhe thyerjen e karantinës, Ministria e Drejtësisë, në bashkëpunim me specialistë të Drejtorisë së Kodifikimit dhe ekspertë të tjerë, ka nisur punën për të përgatitur terrenin, për hartimin e një Kodi të ri Penal. Nisma vjen në kushtet e ndërhyrjeve të herëpashershme në Kod. Që nga viti 1995 kur është miratuar Kodi Penal, janë bërë 22 ndryshime, duke shtuar vepre të reja penale dhe ashpërsuar dënimet për disa vepra të tjera. Gjithashtu, për Kodin Penal ka edhe 8 vendime të Gjykatës Kushtetuese, të cila janë reflektuar. Ndryshimet e fundit në Kodin Penal u miratuan nga Parlamenti ditën e djeshme.
Drejtori i Kodifikimit dhe Harmonizimit të Legjislacionit në Ministrinë e Drejtësisë, Besmir Beja, gjatë mbledhje së Komisionit të Ligjeve, për ndryshimet e fundit e fundit në Kodin Penal, për kriminalizimin e thyerjes së karantinës, infektimit me dashje dhe dhunën psikologjike në familje, dha detaje për lëvizjet për hartimin Kodit të ri Penal. “Ka ardhur koha për një Kod Penal të ri dhe në Ministrinë e Drejtësisë ka kohë që ka filluar punë për hartimin e një kodi të ri.
Në Ministrinë e Drejtësisë është ngritur një grup pune me specialistë të Drejtorisë së Kodifikimit, me pedagogë të së drejtës penale të Fakultetit të Drejtësisë dhe ekspertë të tjerë, të cilët janë duke përfunduar analizën për nevojën e një Kodi të ri Penal. Kodi i ri Penal do të harmonizojë dispozitat e përgjithshme, do të rregullojë ato të metë që janë konstatuar gjatë zbatimit të Kodi Penal, i cili për kohën kur është miratuar ka qenë i mirë, por tashmë i ka kaluar koha”, ka pohuar Beja.
Drejtori i Kodifikimit dhe Harmonizimit të Legjislacionit në Ministrinë e Drejtësisë tha gjithashtu se “ministrja shumë shpejt do të prezantojë studimin për nevojën e nismës së re. Me këtë zgjidhje do të shterohen shumë problematika që janë vënë në dukje nga raportet ndërkombëtare. Me ndërmarrjen e kësaj nisme nuk do të ketë më nevojë për ndërhyrje rastësore, por do të kemi të shteruara të gjitha veprat penale të paktën për 10 vitet e ardhshme”. Pas kësaj faze do të nisë procesi i hartimit të Kodit, ku një rol të rëndësishëm do të kenë ekspertët ndërkombëtarë.
Lajme të tjera
-
Vendimet e Qeverisë, Ismail Shehu lirohet nga detyra e anëtarit të Këshillit Drejtues të Agjencisë Shtetërore të Kadastrës, e zëvendëson Eduard Ahmeti
4 Dhjetor, 18:42 -
Kompensimi i ish-pronarëve ende larg! Duhen edhe 4 vite për mbi 5 mijë dosje në proces
4 Dhjetor, 15:49
-
Shtyhet kompensimi i pronarëve, drafti: Afati për shqyrtimin deri në 2027, për paratë deri 2028
3 Dhjetor, 07:48 -
Lufta ndaj korrupsionit e krimit/ Dumani: SPAK sekuestroi 150 mln € asete! Prokurorëve t’u jepet mundësia e rikandidimit! Rrisni pragun monetar, të hetojmë vetëm çështje të vështira
2 Dhjetor, 15:29 -
Ministria e Drejtësisë certifikon 97 studentë të Klinikave të Ligjit, Manja: Qëllim rritja e aksesit në drejtësi dhe përgatitja e një brezi profesionistësh
25 Nëntor, 16:44 -
Manja: Buxheti i Ministrisë së Drejtësisë është 14.3 mld lekë, rritje fondesh e pagash! Paraburgim i ri në Kukës dhe uniforma për stafin e Burgjeve
18 Nëntor, 16:42 -
Pr.buxheti 2025, Manja: Do të mbyllen burgjet e trashëguara nga komunizmi, paraburgim i ri në Kukës! Edhe sisteme antidron
8 Nëntor, 12:11 -
Drejtësia refuzoi ‘Antikorrupsionin’, Manja: Një prokuror s’mund të atashohet në komision, do japin ekspertizë! Mikrokreditë? Ndryshime ligjore për shërbimin përmbarimor privat
14 Tetor, 15:01 -
U hiqet licenca 11 noterëve, Manja njofton aksionin
7 Shtator, 16:28 -
Kërkoi të lirohej nga izolimi në 41 bis, GJKKO rrëzon kërkesën e të burgosurit Erion Veizaj
31 Korrik, 19:46 -
Manja pret gjyqtarët dhe prokurorët amerikanë: Jetësim i plotë i reformës në drejtësi
10 Korrik, 18:55 -
Ministria e Drejtësisë kërkon shërbim konsulence për luftën kundër kriminalitetit! Rama autorizon Manjën të nisë negociatat me 'G37 Chambers' në Londër
20 Qershor, 09:42
