Shumë të huaj që po vijnë këto ditë në Shqipëri, nuk e fshehin habinë se si është transformuar vendi. Disa prej tyre, që kanë frekuentuar vendin tonë në fillim të viteve ’90, janë gati të përlotur për ngjyrat, rregullin mes kaosit, përmirësimin në përgjithësi, që duket kudo lëvizin, në Veri deri në Jug.
Shqipëria është përmirësuar, sepse shqiptarët kanë kuptuar një sekret. Sepse shumica, në gjithë këto vite, ka dëshirën e madhe të përmirësohet. Shumë prej nesh e panë zhvillimin e tyre duke u larguar nga vendi, duke mësuar e duke u ballafaquar me kultura e vende të huaja. Të tjerë, që qëndruan, e panë ndryshimin në sytë e të larguarve dhe me mallin dhe nostalgjinë e tyre ruajtën e përmirësuan atë që mundën përreth.
Shqipëria është më e bukur sot sepse ëndrrat e shqiptarëve kanë qenë përherë të bukura. Edhe në diktaturë, kur kishim duar e këmbë të bllokuara, mendjet tona fluturonin për një shtëpi më të bukur, një qytet më të bukur, një vend më të bukur e tw lirw.
Janë ëndrrat tona, e shumicës prej nesh, për një vend të qetë e të zhvilluar, që po bëjnë të mundur këtë që të huajt shohin të shpalosur para syve të tyre.
Shqipëria ka ndryshuar, sepse shqiptarët në dhjetëra vite kanë ushqyer papushim ëndrrën për t’u zbukuruar, për ta shndërruar një kullë të ngurtë, të ftohtë e me dritare sa një tytë pushke, në një agriturizëm me vatër të ngrohtë, ushqim të shijshëm e natyrën përreth që këndon.
Dhe duket, se gjëja më e rëndësishme që të gjithë kemi kuptuar është se e gjitha kjo varet vetëm nga ne. Jemi ne, shqiptarët, ata që vendosim nëse vendi ku jetojmë duam të duket më i bukur apo më i shëmtuar, më i mirë apo më i keq. Historia na ka përplasur në momente të vështira ndoshta për të mësuar dhe për të krahasuar. Duket se leksioni i jetës dhe i historisë është kuptuar nga shumë prej nesh. Ndaj Shqipëria sot shpaloset e bukur, e hijshme, mikëpritëse dhe zemërgjerë për të huajt që e vizitojnë apo për bijtë e tyre të larguar.
Kemi shumë për të bërë, por gjithnjë e më bukuri do të kemi rreth nesh, nëse ne, shqiptarët, do të vazhdojmë ta dëshirojmë. Si përherë.
Komente
Lajme të tjera
-
Wall Street Journal: Pse Shqipëria duhet të jetë destinacioni i radhës për udhëtarët e zgjuar
24 Nëntor, 20:33 -
Mirela Kumbaro për 'Radio Evropa e Lirë': Shqipëria synon turizëm elitar me gjithë sfidat
24 Nëntor, 18:13 -
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
' Pagat në turizëm, konkurruese me Athinën!' Rama platformë me ofertat e tregut për emigrantët: Çmenduri të rrish në ndërtim në Greqi, kur rrogat këtu janë super
16 Nëntor, 09:50 -
SHIFRAT/ Fitimi bruto i bizneseve vjet mbi 3.4 mld euro! ‘Trofeun’ e merr turizmi, por bizneset prodhuese më fitimprurëse
9 Nëntor, 18:27
-
Rregullat e reja për sezonin veror 2025/ Kumbaro: Prioritet plazhet publike, bashkitë riorganizojnë dhe menaxhojnë hapësirat! Më 15 nëntor hapet aplikimi
6 Nëntor, 13:01 -
Vjeshta në Lepushë dhe Vermosh, pamje mahnitëse nga fshatrat turistikë mes Alpeve! Pronarët e bujtinave: Kemi turistë, por s’ka kush u shërben
4 Nëntor, 15:16
-
Shkëlqimi dhe fundi pa lavdi i ‘Turizmit të Ri’ të Kukësit
4 Nëntor, 11:26 -
Turizmi, Rama: Jemi rritur me 3.2 milion udhëtarë përmes TIA! Tetori arriti në 942 mijë pasagjerë, 47% më shumë se vjet
2 Nëntor, 21:24 -
Barometri Botëror i Turizmit e rendit Shqipërinë në vend të parë në Europë, Rama: Kryesojmë për rritjen e numrit të vizitorëve
30 Tetor, 12:30 -
Vera ka mbaruar, por turistët e huaj s’i ndahen Shqipërisë! Britanikët lundrojnë në Vjosë me kanoe, Rama poston pamjet pikante (VIDEO)
29 Tetor, 08:39 -
Strategjia ‘Turizmi 2030’/ Punonjësit sezonal në turizëm, pagë edhe jashtë sezonit! Qëllimi, të mbahen të kualifikuarit
27 Tetor, 17:15
Pershendetje! Shqiperia ka ndryshuar, te gjithe e thone kete. Shqiperia eshte nga vendet e bukura dhe te pasura. Rralle vende vende ne bote e kane teritorin te pershkuar nga lumenje si ne Shqiperi por... Ka detin, malin dhe ambiente karakteristike natyrore e ndertimore, pika turistike me vlera historine kombetare e me gjeten ( por kujdesi per to....) Vendburime nafte, kromi, bakri, etj qe zhfytezohen nga... Shqiperia ecen me cap, po te mblidhen investment boteroe dhe te emigrantve kjo Shqiperi duhet te ish bere nga e para, por duhet te kish qene nje kast te perkushuarish, vertet patriot. Gjithesesi prap themi se Shqiperia ka ndryshuar, edhe ai qe thot Jo e ndjen ndryshimin, koha ecen me shpejte, ndryshimet ngadale, tek ne me ngadal, kjo eshte per ne per neser!?! E kam kaluar gjithe vendin, kam pare dhe mund te flas. Faleminderit, kerkoj mirkuptimin e gjithsecilit qe e lexon.
PërgjigjuSe sa eshte zbukuruar Tirana e dime ne qe banojne ketu dhe jo ju idiotet qe u duhet servilizmi per interesat tuaja! Se Tirana nuk eshte sheshi Skenderbej,as aldi Rinas-liqeni artificial,por lagjet periferike ku jetojne ne GETO mbi 70 % e banoreve te Tiranes!
PërgjigjuFjalë të mira me nuk that në traditë thonë andej......
Përgjigju