TIRANË- Në raportimin që iu bë situatës së kultivimit të kanabisit në vitin 2020, në krahasimin me 7 vitet e kaluara vihet re një rritje e kultivimit të kanabisit në dy vitet e fundit, 2019-n dhe 2020-n. Pas viteve 2017 dhe 2018 të cilat pothuajse kishte një zhdukje të kanabisit në territor, vitin e kaluar pati një rritje të ndjeshme me mbi 25 mijë bimë narkotike të shkatërruara, ndërsa këtë vit ka një rritje më shumë se dyfish.
Por edhe pse ka një rritje 2 vitet e fundit, ajo që vihet re është diferenca e jashtëzakonshme që ka me vitet 2013-2016. Në vitin 2013, kur kishim thuajse vetëm Lazaratin janë regjistruar gati 85 mijë bimë narkotike, pra sot kemi në të gjithë territorin vetëm 70% të asaj që ishte vetëm në Lazarat në 2013. Ndërkohë që rënia krahasuar me vitet 2015 dhe 2016 është shumë e madhe. Në vitin 2020 kemi vetëm 25% të vitit 2015 dhe vetëm 8% të vitit 2016.
Shifrat u dhanë nga përfaqësuesit italian, Drejtori i Shërbimit për Bashkëpunim Ndërkombetar të Policisë nga Ministria e Brendshme e Italiane, Gjeneral Brigade, Giuseppse Spina dhe Gjeneral Brigade Giuseppe Arbore gjatë konferencës së përbashkët online të zhvilluar me Policinë e Shtetit.
Në fjalën e tij, Drejtori i Përgjithshëm i Policisë së Shtetit, Ardi Veli ka bërë bilancin për gjatë viti 2020 ku ka bërë me dije se janë kryer 143. 844 kontrolle në terren, nga ku janë asgjësuar 137.216 bimë narkotike, 15.828 prej të cilëve kubikë. Sipas Veliut, drejt Italisë është trafikuar 37% më pak lëndë narkotike drejt Italisë, më konkretisht në 2019 janë kapur 1447 kg 982 gr, ndërkohë që në 2020 janë kapur 911 kg e 500 gr. Ndërkohë, Veliu ka bërë me dije se janë proceduar 17 punonjës policie, 3 janë përjashtuar dhe 11 punonjës në nivel drejtues janë transferuar.
Pas raportimit të situatës së kultivimit të kanabisit në Shqipëri gjatë 2020, ka reaguar Presidenti Ilir Meta. Përmes një postimi në Facebook, Meta shkruan se kjo nuk ishte diçka e papritur pasi shtimi i kultivimit të kanabisit në prag të zgjedhjeve është kthyer në traditë.
Sipas tij, kultivimi i kanabisit është "koncesion" për grupet kriminale që në këmbim të përfitimeve kolosale nga kanabisi u kërkohet nga qeveria kontrolli elektorale i qarqeve.
"Asnjë surprizë! Shtimi i kultivimit të kanabisit, me afrimin e zgjedhjeve, është kthyer tashmë në traditë. Është një “koncension” për grupet kriminale, që në këmbim të përfitimeve kolosale nga kanabisi, u kërkohet nga ortakët në pushtet “kontrolli elektoral” i Qarqeve. Që prej publikimit të raportit të fundit vjetor të Qendrës Europiane të Drogave, i kam bërë thirrje Policisë së Shtetit, Shërbimit Informativ Shtetëror, Prokurorisë dhe agjencive ligjzbatuese të përqëndrohen seriozisht në luftën kundër këtij fenomeni kanceroz, që aq shumë e ka dëmtuar shoqërinë tonë dhe imazhin ndërkombëtar të Shqipërisë.
Lufta kundër drogës është kusht për integrimin europian. Askush të mos mendojë, lëre më të guxojë, që me paratë e kanabisit, të deformojë vullnetin e shqiptarëve në 25 prill 2021 dhe të pengojë të ardhmen europiane të shqiptarëve. Grupet kriminale dhe ortakët e tyre në pushtet janë të identifikuar!" - shkruan Meta.
.jpg)
Duke filluar nga viti 2013 bashkëpunimi i Policisë shqiptare dhe Guardia di Financa për kontrollin mbi territorin për kanabisin është disafishuar.
Vihet re që nga 60 orë fluturim në vitin 2013, në 2020-n janë bërë 185 orë fluturim. Rekordi është shënuar vitin e kaluar me 225 orë fluturim.
Ndërkohë që lidhur me hapësirat e skanuara në territorin shqiptar në 2013-n janë kontrolluar 361 hektarë, ndërkohë rekordi është i vitit 2020 me 954 hektarë, pra gati trefish.
Në raportimin që është bërë sot nga Policia e Shtetit dhe Guarda di Financia italiane vihet re një rritje e hapësirave të mbjella me kanabis në 2020-n në krahasim me 3 vitet e kaluara, por mbetet e pakrahasueshme me atë që ndodhte në 2013-n ne Lazarat.
Jane 7.2 hektarë qe rezultojne si të mbjella në vitin 2020 ne krahasimi me 3.2 hektare te viti 2019, 0.8 hektare te viti 2018 dhe 2.1 hektare te viti 2017, që po lëmë pas, ndërkohë 323.5 qe hektarë ishin mbjellë në 2013-n, 319 vetëm në Lazarat. Pra kanabi e tanishme mbetet vëtëm 2% e ajo te mbjelle ne Lazarat shtate vitet perpara.
Ne vitin 2014 kane qene 44.7 hektar dhe ne vitin 2016 kane qene 213.4 hektare.
Ambasadori italian në Shqipëri, Fabrizio Bucci ka vënë theksin se bashkëpunimi mes Shqipërisë dhe Italisë në luftën kundër krimit të organizuar dhe kanabisit ka qenë i mirë dhe këtë e tregojnë edhe shifrat, teksa përmendi edhe 3 operacionet e mëdha të kryera mes dy vendeve.
"Ne punojmë prej vitesh në këtë drejtim, në luftën kundër kanabis. Shifrat tregojnë sa e rëndësishme është që të punojmë së bashku. Sepse lufta kundër krimit të organizuar, na ka bërë që të përdorim aq shumë burime e instrumente saqë duhet të përfaqësojmë një model për të tjerë. 10 ekipe hetimore të përbashkëta, që po arrijnë rezultate të rëndësishme, 3 operacione të rëndësimi, "Kulmi", "Magma" dhe "Los Blancos". E kemi kujtuar 19 protokolle operacionale dhe duke u zgjeruar pak kemi 5 magjistratë italian që punojnë në Shqipëri, kemi SPAK, institucion i ri i krijuar pak kohë më parë në Shqipëri, ne duam të lancojmë një tryezë bashkëpunimi me polici,ë do jetë një hapësirë ku do të luftojmë së bashku trafikun e dogës. Lufta e krimit të organizuar janë objektiva parësore për qeverinë dhe të gjitha palët politike, kjo luftë duhet të bashkojë të gjitha forcat politike dhe autoritet se është prioritet kombëtar. Këto rezultate të rëndësishme duhet të na stimulojmë për të bërë më mirë, por tregojnë se si janë promovuar përpjekjet e rëndësishme në rrugën drejt BE-së. Italia tradicionalisht është partneri i parë referencë, ku flitet për këtë luftë, por do të doja që këtë marrëdhënie dhe gamë të gjerë instrumentesh të mund të japin edhe spunto për shtete të tjera në këtë luftë dhe instrumentet që ata përdorin për të forcuar bashkëpunimin, Dhe bashkëpunimi ynë duhet të jetë sa më i gjerë dhe i hapur dhe të bashkojë të gjitha vendet", tha ambasadori italian në Shqipëri.
Gjeneral Brigade Giuseppe Arbore ka bërë me dije se në vitin 2020 është kontrolluar 33.2% e territorit shqiptar për kanabis. Ai ka bërë me dije se ka ndryshuar periudha e monitorimin nga ana e Guardia di Finanza. Ai bëri me dije se këto fluturime bëhen në mënyrë të pavarur nga GdF.
"Fillimisht periudha ka qenë nga qershori në shtator, por me kalimin e kohës kemi filluar që të fillojmë në prill që të fillojmë qenë kohë fushat që përdoren për kultivimin e kanabisit dhe e kemi shtyrë deri në tetor, për të identifikuar bimë të mëtejshme për bimë dhe fara të vonshme, që mund të kultivohen gjatë vjeshtës. Të gjitha misionet e fluturimit, planifikohen dhe zhvillohen në mënyrë autonome nga GdF, sa i takon kohës dhe zonave që duhen kontrolluar, por kemi parasysh mbi informacione që vijnë nga Policia e Shtetit. Ky aktivitet merr parasysh dhe eksperiencën që kemi maturuar ndër vite. Nuk kthehemi në zonat ku është kultivuar në zonat e mëparshme, por zgjerojmë hartën.
33.2% ka qenë subjekte monitorimi dhe është një % që është llogaritur mbi territorin në interes, nuk kemi konsideruar zonat urbane, qarkullimi rrugor apo zona që kurrsesi nuk kultivohet kanabis. Kemi zhvendosur laboratorit, që në fillim. Kemi filluar 25 misione në 2013, deri në 67 misione këtë vit. 1604 fusha të kultivuara në 2020", tha Arbore.
Komente
Lajme të tjera
-
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Itali/ Njëri i dënuar dhe tjetri i skeduar për 8 krime, dy shqiptarët 31-vjeçarë kapen duke shitur drogë! Burgosje dhe dëbim nga vendi
21 Nëntor, 17:35 -
Nga Ylli Pata: Cilat janë pasojat politike të çështjeve penale ndaj Berishës dhe Metës?!
20 Nëntor, 20:53
-
Itali/ Ktheu vilën trekatëshe në fermë marijuane, arrestohet 28-vjeçari shqiptar! E përshtati si laborator me pajisje të sofistikuara, sekuestrohen 90 kg drogë
20 Nëntor, 18:45 -
Sekuestrimi i vilave të Kryemadhit/ Juristi Romeo Kara: Të shkulet me rrënjë kjo e keqe! Pa lënë pas dore partitë e tjera! Janë miliarda euro, t'i kthehen popullit
20 Nëntor, 18:08 -
Spahiu: Meta dhe Monika duhet ishin larguar vetë nga politika në 21 Janar pas videos me Dritan Priftin
20 Nëntor, 17:56 -
Apeli i GJKKO-së s'e nxorri nga burgu, i sekuestruan vilat, Meta udhëzon nga qelia Partinë e Lirisë: Nisni protesta periodike kundër SPAK
20 Nëntor, 17:44 -
GJKKO sekuestron 2 vilat e Monika Kryemadhit dhe të ëmës tek rezidenca VIP e 'Kodrës së Diellit' në Tiranë! Pjesë e hetimit për lobimin në SHBA e dosjen CEZ-DIA
20 Nëntor, 15:10 -
Afera CEZ- DIA e lobimi në SHBA, Apeli i GJKKO-së lë në burg Ilir Metën, s'ndryshon masën as për Kryemadhin! Monika: SPAK, 34 fashikuj me falsifikime, heq dorë nga politika! Me Ilirin s'ka më kthim pas
19 Nëntor, 16:34 -
Tiranë/ Ishte dënuar me 8 vite burgim për drogë në Shkodër, vdes te Onkologjiku i QSUT-së italiani 64-vjeçar! Pësoi arrest kardiak
19 Nëntor, 15:04 -
Zbardhet mbrojtja e Ilir Metës përpara Gjykatës së Posaçme të Apelit: Kërkoj lirinë, shumica e pronave dhe e llogarive bankare të Monikës! S’mbaj përgjegjësi për shpenzimet e ish-gruas e ish-vjehrrës
19 Nëntor, 12:42 -
I gjetën 56 kg kanabis në kamion, policia arreston babë e bir në Kapshticë! Po e transportonin drejt Turqisë (EMRAT)
19 Nëntor, 09:41
Ne fact,duhen ashpersuar masat kunder policeve te korruptuar,jo me transferime,apo detyrim paraqitje kur kapen.Gjithashtu,duhet pare ne se kanabisin po e zevendesojne drogat e forta.Ne se nje trafikant kanabisi e shikon qe kontrollet shtohen dhe parcelat mund te eliminohen,mund te ndroje mall.pra mund te kaloje te drogat e forta,ku fitimi eshte me I madh,por mund ose jo te kapen.
PërgjigjuPirdh o Veli pirdh.., se nuk shohim ne se c po behet? Leri ato pallavra por ndrysho policine mblidh drejtuesit , policia eshte per te ruajtur qytetaret nga kriminelet, ndersa ju beni te kunderten kriminelet bejne qef populli rrihet e torturohet nga dhunuesit polic. Gjoba, fyerje aarestime, kontrolle , shoqerime terror mbi te pa mbrojturit, liri , para e droge per kriminelet. Ju dhe policia qe keni po e merni ne qaf ket popull, por edhe qeverin Rama qe ka bere disa gjera te mira..
PërgjigjuShqiperin e duam ME kanabis!
PërgjigjuPra 63% e droges se 2019 qenka transportuar nga Shqiperia..... Interesant kjo shifer,shume interesant....Po te besh llogarine e 20% te 63% qe perfitojne neto politikanet tane hallemedhenj ne pushtet e opozite i bie qe nga 2030 te filloj pune e fameshmja byro hetimi alias SPAK.... MBAHU NENE/MOS KI FRIKE/ SE KE DJEMTE N'AMERIKE....UAAU HARROVA AMBASADORESHEN DHE AMBADADORIN.......
PërgjigjuO te gjitha rrena i ka marr lorenc meta me nardin 30 perqind gjith terrenit qe mbulon komisaria ti shkoders e nuk kan ku e qojn se jan mbyll rrugat e njerzit po u prishet gjithashtu e ketyre keto jan filmat ke ketyre njerzve qe po e felliqin gjith shiperin nuk jan shum po nje pakiq qe duhen fut ne burg sa me shpejt se jan fundrrina e gjith policis