Ngjarje historike e ka konsideruar Kryeministri Rama faktin se më 6 dhjetor do të mbahet në Tiranë samiti Bashkimi Evropian-Ballkani Perëndimor ku do të jenë të pranishëm liderët e Evropës. Në një postim në Facebook Rama është shprehur se një ngjarje të tillë askush nuk do ta imagjinonte pak vite më parë.
“Presidenti i Këshillit Europian, Charles Michel, ka bërë publik vendimin e mirëseardhur për organizimin më 6 dhjetor, në Tiranë, të Samitit BE-Ballkani Perëndimor. Nuk besoj se mund ta imagjinonte kush deri disa vite më parë, që tërë liderat e BE-së do të zbrisnin në Tiranë, për një punë që gjithnjë është bërë në Bruksel. Por sot Tirana nuk është më ajo e deri disa viteve më parë, po është kryeqyteti i një vendi të respektuar në politikën ndërkombëtare, si edhe një qytet i ri europian tërheqës për zhvillimin e tij mbresëlënës”, ka shkruar Rama teksa ka nënvizuar se për historinë e marrëdhënieve ndërkombëtare të Shqipërisë kjo është një ngjarje absolutisht historike.
“Për Tiranën kjo është ngjarja më e madhe ndërkombëtare e historisë së saj”, përfundon Kryeministri.
Presidenti i Këshillit Europian, Charles Michel përmes një postimi në Twitter, bëri të ditur dje se më 6 dhjetor, liderët e Bashkimit Europian do të vijnë në Tiranë pasi do të mbahet samiti i radhës BE-Ballkani Perëndimor. Mes liderëve që pritet të vijnë në kryeqytet janë presidenti i Francës, Emmanuel Macron, kryeministrja e Italisë Giorgia Meloni dhe kancelari gjerman Olaf Scholz.
Samiti vjen në një moment kur Shqipëria dhe Maqedonia e Veriut kanë nisur negociatat, ndërsa Kosova pret liberalizimin e vizave dhe Bosnje-Hercegovina pret statusin e vendit kandidat. Nga ana tjetër, Serbisë po i kërkohet më shumë progres në dialogun me Kosovën për të avancuar në procesin e integrimit në BE. Ballkani Perëndimor ka kërkuar të mos lihet vetëm nga Brukseli përballë krizës energjetike me të cilat po përballet e gjithë bota. Ndërkohë BE ka premtuar se do të përfshijë 6 vendet e BE në projekt e saj për t’iu gjendur pranë në këtë periudhë krize.
Kujtojmë se më 19 korrik Shqipëria shënoi një hap historik drejt integrimit të vendit në BE, atë të çeljes së negociatave, pas pritjes disa vjeçare. Kryeministri Rama tha se tashmë bëhet fjalë për një rrugëtim për jetë a vdekje në në vrapin e fundit drejt anëtarësimit të plotë. Eurokomisioneri Varhelyi dhe Borell vlerësuan përpjekjet e qeverisë dhe thanë se tashmë duhet konsensus politik për të ecur më tej.
Sali Berisha ka përshëndetur mbajtjen e Samitit të BE në Tiranë. Ai e ka cilësuar këtë samit si një afirmim i ri i Bashkimit Europian ndaj perspektivës europiane të Shqipërisë.
“Partia Demokratike e Shqipërisë përshëndet vendimin e Presidentit të Bashkimit Europian për mbajtjen në Tiranë të Samitit të përbashkët të vendeve anëtare të BE-së me 6 vendet e Ballkanit Perëndimor në fillim të dhjetorit që vjen.
Ky vendim është një afirmim i ri i Bashkimit Europian ndaj perspektivës europiane të Shqipërisë dhe të gjitha vendeve të tjera të rajonit. Vendimi gjithashtu provon rëndësinë e madhe të Procesit të Berlinit për Shqipërinë e rajonin, dhe shënon fundin e aleancës përçarëse trilaterale Beograd-Tiranë- Shkup, në kuadrin e projektit serbo-rus të Ballkanit të Hapur.
Samiti do të jetë një mundësi reale për shtetarët e BE-së, për të njohur nga afer situatën dramatike të korrupsionit galopant, lidhjeve të tmerrshme të qeveritarëve me krimin e organizuar dhe drogën, gjendjen tejet të rëndë të mediave në Shqipëri”, thuhet në njoftim.
Presidentja e Komisionit Evropian, Ursula von der Leyen do të vizitojë këtë javë Ballkanin Perëndimor.
Të mërkurën, 26 tetor, Ursula von der Leyen do të zbresë në Shkup në Maqedoninë e Veriut, të enjtes e 27 tetorit në Tiranë dhe Prishtinë, të premten vizion Bosnje Hercegovinën dhe Serbinë. Vizita e presidentes së Komisionit Evropian do të përmbyllet të shtunën, ku do të vizitojë Malin e Zi.
Komente
Lajme të tjera
-
Berisha: Drejtësia nën ndikim politik, kush flet kundër Ramës shkon në burg si Salianji e Meta! Paraburgimet janë plotë
18 Dhjetor, 12:30 -
Shqipëri-BE marrëveshje bashkëpunimi për sigurinë e mbrojtjen, jep 13 milionë euro për ushtrinë! Rama: Lidhje e pandashme! Hasani: Luftojmë kërcënimet kibernetike
18 Dhjetor, 11:31 -
Çelja e negociatave për Grupkapitullin 6, Rama: Një tjetër ditë krenarie, drejt objektivit të anëtarësimit të Shqipërisë në BE brenda 2030 (FOTOT)
18 Dhjetor, 08:42 -
'Jeni zgjedhur pa asnjë kushëri dhe parti', Rama me stafin civil e ushtarak shqiptar në NATO: Kushedi sa italianë e gjermanë keni lënë pa punë
17 Dhjetor, 19:50 -
SHBA mesazh të prerë për Berishën/ Basha në 'Studio Live' tregon 2 grupet që i shkojnë pas kryetarit PD! Përpiqet të mashtrojë militantët, ndërkohë ka aleancë me Ramën
17 Dhjetor, 18:37 -
Ben Andoni: Politika nuk i njeh më shqiptarët
17 Dhjetor, 17:42
-
Kryeministri Rama takim me kreun e NATO-s Mark Rutte: Mbështetës i paepur i Shqipërisë
17 Dhjetor, 17:40 -
Ylli Pata: Revolucioni hungarez i BE që 'shpëtoi' Shqipërinë, por jo vetëm
17 Dhjetor, 08:29
-
Infrastrukturë, kujdes ndaj pacientëve dhe teknologji e avancuar, pamjet nga shërbimi i Sëmundjeve të Brendshme te Spitali i Traumës (VIDEO)
17 Dhjetor, 08:15 -
Takimi me ish-punonjës të Policisë, Rama: Po përgatitemi për rritjen e fondit të pensioneve! Ministri Hoxha: Mbështetje për familjet e dëshmorëve
16 Dhjetor, 17:52 -
Teatri i Kukullave, rikthim për fëmijët pas 3 vitesh mungesë. Rama: Shumë shpejt, gati edhe teatri i ri te Parku i Liqenit
16 Dhjetor, 15:06
-
Presidenti i Këshillit Evropian: E ardhmja e Ballkanit Perëndimor është në BE
16 Dhjetor, 14:49
Po Saliun kush e ftoi per te bere koment? Kete e kane shpallur non-grata edhe neper Europe.
PërgjigjuPra Europa jep OK PER PUSHTETIN E KORRUPTUAR 32 VJEÇAR SHQIPTAR??? PER VARFERIMIN MASIV TE SHQIPTAREVE??? PËR BOSHATISJEN E SHQIPERISE NGA SHQIPTARET??? PER VJEDHJET,GRABITJET DHE VRASJET QE KA BERE KLASA POLITIKE 32 VJECARE??? QE NE KETE VEND TE PAKTEN PREJ 32 VITESH BEHEN PADREJTESI,DISKRIMINIM DHE KRIME MONSTRUOZE NGA ESTABLISHMENTI POLITIK NE STATUSET DERI PRESIDENTE E KRYEMINISTRA DHE EUROPA JEP OK??? JOOO! KURRË! E PABESUESHME! E TMERRSHME! NUK MUND TË NDODHË!DHE SKA PËR TE NDIDHUR.
PërgjigjuIshalla po futemi sa me shpejt ne be me kte rrug
PërgjigjuCa te pershendesi berisha europa se do ate
PërgjigjuKy takim mbahet kundër Rusis, kurse Edvin shkjau shqipfolës prap do mundohet ta prompt serborusin me balkanin e hapur serborus …
PërgjigjuKjo eshte nje ngjarje e ralle, te gjith kundra Sali non grates jane vetem shpellaret nuk e kuptojne, ehhh malokeri rop te pa gdhendur.
PërgjigjuKuo po qe eshte arritje. Nuk eshte pare qe BE te mbaje nje samit ne nje vend jo antar te unionit dhe kjo realisht eshte edhe merite e politikes se mire te jashtme dhe promovimit qe Rama i ka ber vendit sa here
PërgjigjuShpresoj te jete nje ogur i mire per integrimin sa me shpejt te shqiperise ne BE
PërgjigjuMezi do ta presim kete dite kaq te bukur dhe kaq te rendesishme per vendin tone
Përgjigjupritja po merr kuptim...Cdo dite e mendonim dhe cdo dite punonim dhe sot realizohet
PërgjigjuNgjarje unike.Kush e mendonte se do te vinte ky lajm kaq i shumepritur
Përgjigju