Kur na ndan vetëm një ditë nga inagurimi i stadiumit të ri kombëtar, 'Air Albania Stadium', ku Shqipëria do të presë Francën për eliminatoret 'Euro 2020', puna në stadium vijon intensivisht.
Ndeshja Shqipëri-Francë do të luhet në orën 20:45 minuta të së dielës ndërkohë që në orën 16:00 trajneri Reja do të ketë edhe një konferencë për mediat. Ndërsa kombëtarja e Francës pritet të mbërrijë në Shqipëri në orën 17:00, ku më pas do të kryejnë edhe stërvitjen e parë në 'Air Albania Stadium'.
Gazetari i Report Tv, Ernest Koçi bën me dije se të paktën 300 punëtorë po punojnë për t'i dhënë dorën e fundit përgatitjeve për ditën e nesërme, të stadiumit 22 mijë vendësh. Edhe në fushën e blertë kamera e Report Tv ka kapur punëtorë që punojnë. Kujtojmë se në ndeshjen e parë testuese që u luajt mes vajzave të Vllaznisë dhe të Teutës një javë më parë, pati disa ngritje të tapetit të barit për shkak të rrëshqitjeve, por kjo situatë është normale, pasi tapeti i blertë nuk ka rënë ende në vend për të krijuar lidhjen me shtresën poshtë. Kjo pritet të bëhet me kalimin e kohës në mënyrë natyrale.
Po kështu Inspektorët e UEFA-s kishin vënë re problematika kryesisht me hyrjen kryesore të stadiumi, me tribunën VIP dhe me tribuna e gazetarëve, por tashmë këto problematike janë rregulluar dhe stadiumi duket se do të jetë gati megjithëse në limitet e Kohës. Stadiumi po ashtu po përgatitet edhe për një ceremoni inagurues që do të jetë pak minuta para fillimit të ndeshjes. Në këtë ceremoni do të jetë i pranishëm edhe kreu i UEFA-s, Aleksander Čeferin.
Pritet që stadiumi të mbushet plotë në këtë ndeshje, pasi përveç përballjes Shqipëri-Francë, tifozët do të kenë mundësi të shijojnë edhe stadiumin e ri me parametra bashkëkohorë.
Por si do të bëhet ndarja e tifozëve në stadium?
Stadiumi i ri dihet që ka disa hyrje. Edhe pse tifozët mund të ndodhë që të ngatërrohen, është menduar gjithçka që procesi i futjes në stadium të bëhet normalisht. Gazetari i Report Tv, Ernest Koçi bën me dije se në ndihmë të tifozëve do të vijnë, Policia e Shtetit, Kompanitë Security si dhe 150 studentë nga Universiteti i Sporteve.
Këta tre grupe do të bëjnë të mundur orientimin e të gjithë tifozëve për të hyrë në zonat ku edhe kanë blerë biletet. Po kështu në stadium janë vendosur të gjitha sinjalistikat e nevojshme.
Ndërkaq, Këshilli i Administrimit dhe Asambleja e Përgjithshme e Aksionerëve të Qendrës Sportive Kuq e zi ka vendosur që Tribunat e stadiumit të marrin emrat e personaliteteve të historisë dhe të futbollit Shqiptar
– Tribuna qendrore do të emërtohet – Tribuna Qemal Stafa,
– Tribuna Lindore(Ballore) do të emërtohet – Tribuna Panajot Pano.
– Tribuna Veriore do të emërtohet Tribuna Fatmir Frashëri.
– Tribuna Jugore do të emërtohet Tribuna Vasillaq Zëri.
Në këtë mënyrë, edhe ndarja e tifozëve do të bëhet sipas emërtimeve të zonave ku kanë paguar biletën.
Lajme të tjera
-
Kreshnik Spahiu: Për çfarë këngësh arrestoheshin dikur tifozët në stadiume dhe a duhet lejuar sot Adem Jashari?
2 Dhjetor, 19:28
-
Anulimi i fluturimit nga Milano, reagon “Air Albania”
12 Tetor, 16:43 -
Derbi Partizani-Tirana mbrëmjen e sotme, Policia blindon ‘Air Albania’! Masa të larta sigurie, rrugët që bllokohen: Hyrje vetëm me dokument identifikimi
21 Shtator, 09:04 -
Maroku do të ndërtojë stadiumin më të madh në botë, Spanja me ‘dhimbje koke’! Rrezikon finalen e Botërorit (VIDEO)
17 Shtator, 13:13 -
Hodhën flakadanë në fushë gjatë ndeshjes me Vllazninë, Komisioni i Disiplinës së FSHF ndalon futjen në stadiume të 5 tifozëve të Tiranës (EMRAT)
13 Shtator, 20:03 -
Projekti i stadiumit të ri ‘Selman Stërmasi’, pritet votimi në Këshill Bashkiak! PD: Po grabiten pronat publike për kullat e betonit
11 Shtator, 16:06 -
Liga e Kombeve/ Sot ndeshja e rëndësishme me Gjeorgjinë, Policia publikon planin e masave! Rrugët që bllokohen, kontrollet ndaj tifozëve dhe penalitetet
10 Shtator, 08:57 -
Liga e Kombeve/ Sfida kundër Gjeorgjisë në 'Air Albania', shiten të gjitha biletat
8 Shtator, 15:14 -
Dëmtohet fusha e 'Air Albania', koncertet bëjnë me 'dhimbje koke' Tiranën e Partizanin! Ndeshjet e Evropës jashtë Tirane
5 Korrik, 14:18 -
Homazhet për Bejkush Birçen, nderohet nga ish-futbollistë, trajnerë e drejtues klubesh! Marko: Ikja e tij la zbrazëti në futbollin shqiptar
1 Korrik, 14:09 -
Firmos Mirel Josa, Besa pretendime për rikthimin në Superligë! Premtime për rikonstruksionin e stadiumit
5 Qershor, 13:05 -
Motiv! Koncerti i Alban Skënderaj shënjon 20 vite karrierë! Më 6 qershor në ‘Air Albania’, bashkë me Miriamin
4 Qershor, 17:07
