POP 5

Lajmet më të lexuara të 5 minutave të fundit

Sport

Renditja/ 'Shterpësi' në Superligë, AF Elbasani 1-1 Dinamo! Partizani 'ngec' në shtëpi, Laçi bën për spital trajnerin

"Shterpësi" në raundin e 30-të, aty ku në pesë përballje u shënuan vetëm shtatë gola dhe pati vetëm një fitues, Skënderbeu që la vendin e fundit.

Renditja/ 'Shterpësi' në Superligë, AF Elbasani 1-1 Dinamo! Partizani 'ngec' në shtëpi, Laçi bën për spital trajnerin

Pamje nga ndeshjet, AF Elbasani 1-1 Dinamo dhe Partizani 0-0 Teuta

Superliga shqiptare e futbollit mbylli raundin e 30-të. Të dielën e 16 marsit në fushë zbritën gjashtë skuadra, teksa u prodhuan tre barazime. AF Elbasani barazoi 1-1 kundër Dinamos, ndërsa në sfidat e tjera nuk pati gola.

"Shterpësi" në raundin e 30-të, aty ku në pesë përballje u shënuan vetëm shtatë gola dhe pati vetëm një fitues, Skënderbeu që la vendin e fundit.

Në orën 15:00 në "Adush Muça" të Ballshit, Bylis dhe Laçi barazuan 0-0. Në pushimin mes pjesëve trajneri i miqve, Francesco Moriero u transportua në spital pasi u ndje keq dhe mori ndihmë të specializuar. Pas ndeshjes ndihmësi i tij, Endri Bacaj tha se trajneri është në gjendje të stabilizuar dhe gjithçka e ka pasur nga akumulimi i stresit. "Trajneri ka një problem të vogël shëndetësor, gjendja është stabile. Thjesht stresi. Tani është mirë, në kujdesin e mjekëve", tha Bacaj.

Në "Elbasan Arena" vendasit e AF Elbasanit barazuan 1-1 kundër Dinamos. Miqtë e Ilir Dajës kaluan të parët në avantazh me Gassama Karamba në pjesën e parë, teksa u barazuan nga Emiljano Musta.

Në "Arenën e Demave" Partizani dhe Teuta barazuan 0-0. Pas fitores në Korçë, Partizani iu rikthehet sërish barazimeve dhe e sheh veten në vendin e katërt.

Pas 30 ndeshjeve të luajtura (gjashtë javë nga fundi i sezonit) Egnatia kryeson renditjen me 54 pikë, ndjekur nga Dinamo, Vllaznia dhe Partizani. Në fund Tirana, Skënderbeu dhe Teuta.

Superliga, raundi 30-të:

E shtunë, 15 mars 2025

18:00 Vllaznia 1-2 Skënderbeu

18:00 Egnatia 1-1 Tirana

E diel, 16 mars 2025

15:00 Bylis 0-0 Laçi

18:00 Partizani 0-0 Teuta

18:00 AF Elbasani 1-1 Dinamo

Renditja:

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 17 Mars, 09:11

    Mendoni se Parlamenti i dalë nga zgjedhjet e 11 majit do të jetë më cilësor?

Lajme të tjera



×

Lajmi i fundit

Rama inspekton rrugët e Divjakës dhe ironizon kundërshtarët: Kjo është për kënetën mediatike dhe ata që thonë se s'keni bërë gjë për fshatin!

Rama inspekton rrugët e Divjakës dhe ironizon kundërshtarët: Kjo është për kënetën mediatike dhe ata që thonë se s'keni bërë gjë për fshatin!

17 Mars, 14:04