U mbajt sot në Akademinë e Shkencave të Shqipërisë, në bashkëpunim me Shoqatën e Shkrimtarëve dhe Artistëve Shqiptarë në Suedi takimi përurues i kolanës "Thesar kombëtar" në 11 vëllime, botim i Shoqatës së Shkrimtarëve dhe Artistëve Shqiptarë në Suedi.
Kryetari i Akademisë së Shkencave akad. Skënder Gjinushi iu drejtua të pranishmëve me një fjalë përshëndetëse.
Akad. Gjinushi përgëzoi shoqatën për veprimtarinë e saj të suksesshme atdhetare e kulturore dhe vlerësoi faktin që tashmë shqiptarët në Suedi kanë intelektualë, njerëz të ditur, shkrimtarë e studiues, që shkruajnë e botojnë vepra me cilësi. Kjo krijimtari është pjesë e trashëgimit dituror shqiptar.
"Thesari" juaj është dhe yni, prandaj e kemi mirëpritur këtë veprimtari dhe ky është vetëm fillimi. Ne synojmë organizimin e një veprimtarie të përbashkët me të gjitha shoqatat e krijuesve shqiptarë në mërgim.
Ju jetoni atje ku e keni ndërtuar jetën larg atdheut, por me atdheun me vete: me gjuhën, traditat, kulturën e paraardhësve. Shumë mirë që keni dëshmuar dinjitet dhe jeni pranuar e respektuar në vendin mikpritës. Jam i sigurt se ju u përcillni brezave të rinj, bashkë me kodin gjenetik, edhe ADN-në e trashëgimit kombëtar.
Kjo është arsyeja që ne e çmojmë si një qëndrim shumë pozitiv mospërfshirjen në politika kalimtare të njëanshme. Çështja kombëtare që ju e keni orientim themelor është e mjaftueshme si drejtim politik., - tha akad. Skënder Gjinushi. Mbajti fjalën e tij përshëndetëse edhe Ambasadori i Republikës së Kosovës në Tiranë, z. Skënder Durmishi.
Ambasadori Durmishi përveç vlerave letrare dhe estetike të kolanës "Thesar kombëtar", çmoi edhe përpjekjet për ruajtjen e gjuhës shqipe në mërgim. Ai tha se këto punë po memorizohen në një institucion në adresën e duhur që është Akademia e Shkencave në Tiranë.
Ambasadori i falënderoi autorët e veprës dhe tha se ju emigrantët keni qenë të vlefshëm dhe të dobishëm për atdheun, se keni afirmuar vlerat dhe atdheut dhe të kombit.
Përshëndeti veprimtarinë dr. Mimoza Hysi, drejtore e Drejtorisë së Botimeve për Diasporën dhe falenderoj për ftesën dhe organizimin, mikëpritësit e këtij aktiviteti, Akademinë e Shkencave të Shqipërisë, "e cila përmes tubimeve promovuese shkencore të këtij lloji, po bën të mundur vendosjen e urave të komunikimit, njohjes dhe bashkëpunimit mes qendrave kërkimore shkencore, shoqatave kulturore - atdhetare dhe studiuesve të fushave të ndryshme brenda vendit me ato simotra në diasporë.
Ky komunikim është një domosdoshmëri për të kuptuar më mirë një realitet tashmë gjithnjë e më të konsoliduar të shqiptarisë së krijuar dhe zhvilluar në të katër anët e botës, që përbën jo vetëm një bërthamë të rëndësishme për ruajtjen e gjuhës dhe kulturës sonë jashtë vendin, por dhe një urë lidhëse me kulturat dhe qytetërimet e vendeve pritëse.", tha dr. Mimoza Hysi
Z. Hysen Ibrahimi, kryetar i Shoqatës së Shkrimtarëve dhe Artistëve Shqiptarë në Suedi (SHSHASHS) falënderoi, gjithashtu, Kryesinë e Akademisë së Shkencave për organizimin e veprimtarisë prommovuese. Bedri Islami e vlerësoi veprën “Thesar shqiptar” si një kronikë të jetës së shqiptarëve mërgimtarë në Suedi e në vendet nordike, më vlerë njohëse dhe historike.
Jolanda Lila e vlerësoi librin “Thesar shqiptar” si tribunë të mendimit atdhetar dje e sot. Fetah Bahtiri e vlerësoi veprën si një urë midis dy kulturave dhe foli për kontributin e albanologut, përkthyesit dhe mikut suedez të shqiptarëve Ullmar Qvick. Viron Kona e vlerësoi kolanën “Thesar shqiptar” si tribunë krijimtarie letrare. Akad. Shaban Sinani, sekretar shkencor në Akademinë e Shkencave, me kumtesën “Kërkim dhe dije në periodikun “Thesar kombëtar” çmoi prurjet e këtij botimi, që do t’ju shërbejnë studiuesve si një informacion i rëndësishëm.
Një pasuri dhe një shërbim tjetër që i bëhet shoqërisë përmes këtij botimi është edhe mënyra sesi pasqyrohet historia shqiptare nga emigrantët. Është një zëdhënëse polifonike që nuk vë kufij, që s’ka përjashtime, që boton krijimtari, kritikë e debate që në një farë mënyre shpërfill ideologjitë dhe sheh çfarë është me dobi për shqiptarët, tha akad. Shaban Sinani. Osman Ahmetgjekaj u ndal në pasqyrimin e arsimit kombëtar në Suedi në faqet e tribunës “Thesar shqiptar” dhe foli për kontributin e çmuar të Lidhjes së Arsimtarëve Shqiptarë ne Suedi.
Lajme të tjera
-
Konferenca/ Si luftuan bektashinjtë për çlirimin e vendit? Baba Mondi: Teqetë bektashiane, vatër e çlirimit të adheut! Historiani: Rreth 6 mijë bektashianë morën pjesë në LANÇ
19 Nëntor, 14:47
-
Studiuesi Paul Heggarty: Gjuhët nuk kanë data lindjeje! Shqipja midis gjuhëve indoeuropiane, origjina dhe lashtësia
4 Nëntor, 16:11
-
Kërkimi shkencor/ Zhupa: Bie ndesh me Kushtetutën, Shqipëria shkon drejt regresit në fushën e shkencës
18 Tetor, 19:36 -
Fatos Çoçoli: Koha e duhur për ministri për shkencën
7 Tetor, 08:33
-
Marrëveshje mes Akademisë së Shkencave dhe Shërbimit Gjeologjik Shqiptar, për projekte të përbashkëta
18 Korrik, 16:17 -
Kushtetuesja pranon padinë për ligjin e Akademisë së Shkencave, Zhupa: Seanca plenare publike brenda 14 korrikut
22 Qershor, 15:05 -
100-vjetori i lindjes së Jakov Xoxës/ Shkrimtari kujtohet dhe nderohet në Akademinë e Shkencave
10 Maj, 18:35
-
Ligji për Akademinë e Shkencave përfundon në Kushtetuese, Zhupa dorëzon padiën: Nga ‘Basha’ firmos Nebiaj, Açka jo!
10 Maj, 15:27 -
'Padi në Gjykatë Kushtetuese', Ina Zhupa: Ndryshimet ligjore për Akademinë e Shkencave antikushtetuese
24 Prill, 15:46 -
Libri akademik e shkencor, Shqipëria e Kosova në Panair! Shaban Sinani: Ja ku shkojnë botimet tona! Krizat politike?! Mehmet Kraja: Ne vazhdojmë punën!
23 Prill, 15:50
-
Shefja e ChatGPT, Ermira Murati, pjesë e Akademisë së Shkencave të Shqipërisë! Miratohen akademikët e rinj, mes tyre dhe Lea Ypi e Angjelin Prelocaj
22 Prill, 16:12 -
Tri përballjet e Berishës me drejtësinë - Si i shpëtoi arrestimit në ’98-n dhe tri orët e izolimit në policinë e Tiranës në vitin 2000
6 Prill, 19:26
