Përkujtimi i kryengritjes së Ilindentit në Krushevë është shoqëruar me thirrjet “Shqiptari i mirë, shqiptar i vdekur” ashtu siç edhe ka ndodhur në vitet e shkuara, thirrje këto që kanë nxitur edhe reagime nga Ministria e Punëve të Jashtme e Shqipërisë.
Me anë të një reagimi publik, ministria ka kërkuar që institucionet të vendosin përpara drejtësisë personat përgjegjës.
MEPJ shpreh keqardhjen dhe dënon gjuhën e urrejtjes dhe thirrjet raciste antishqiptare të hedhura dje gjatë ceremonisë së festimit të kryengritjes së Ilindenit në Meçkin Kamen në Krushevë. Besojmë se këto janë veprime të një grupi të vogël njerëzish të nxitur nga ndjenjat nacionaliste ekstreme dhe shpresojmë që incidente të tilla që ndjellin urrejtje ndëretnike të mbeten të izoluara. MEPJ i bën thirrje institucioneve përgjegjëse që të hetojnë nxitësit e dhunës dhe vendosjen e tyre para drejtësisë. Shqipëria dhe shqiptarët kanë qenë dhe do të jenë miq të përhershëm të Maqedonisë. Ne besojmë në vlerat e bashkëjetesës, në harmoninë dhe bashkëpunimin midis vendeve e qytetarëve tanë.
Reagimi i MEPJ
Thirrjet raciste u bënë në momentin që përfaqësues qeveritarë, ndër to edhe presidenti Gjorgje Ivanov, vendosën kurora me lule pranë përmendore së kryengritësve të Ilindenit.
Pas incientit Ivanov doli para qytetarëve dhe iu bëri thirrje qytetarëve që të distancohen nga marrëveshja me Greqinë për çështjen e emrit.
Të nderuar bashkëqytetarë, treguesi më i madh për vlerat e një populli është konsensusi rreth asaj që nuk është në shitje. Emrin e kemi të madh. Do të duan të na e marrin, parashikoi Bllazhe Koneski. Çështja e emrit dhe identitetit është më e vjetër se secila Kushtetutë, se secila Qeveri, se secili President. Madje është më e vjetër se shteti. Asnjë individ, nga asnjë gjeneratë nuk ka të drejtë të bëjë tregti me këtë emër dhe me këtë identitet.
Gjorge Ivanov
Duke qënë se nga presidenca nuk u distancua nga qëndrimet raciste, kryeministri Zaev nga ana e tij i dënoi thirrjet, duke u shprehur se janë në kundërshtim me interesat e qytetarëve maqedonas.
Qeveria e Republikës së Maqedonisë i dënon thirrjet për urrejtje dhe dhunë, që janë në kundërshtim me interesat e qytetarëve të Republikës së Maqedonisë dhe u bën thirrje institucioneve kompetente t’i hetojnë këto dukuri dhe të marrin masa adekuate. Ilindeni është ditë për bashkim dhe jo ndarje.
Zoran Zaev
Lajme të tjera
-
E renduar situata epidemiologjike në vend, hynë në fuqi masat e reja anti-COVID në Maqedoni
18 Dhjetor 2020, 10:19 -
Bilanc negativ në Maqedoninë e Veriut/ 386 raste të reja dhe 6 viktima nga Covid-19
9 Tetor 2020, 16:06 -
Trafik droge dhe mashtrim kundër qeverisë, arrestohen dy maqedonas të shpallur në kërkim ndërkombëtar
5 Gusht 2020, 09:33 -
Covid/ Vazhdon rritja e fortë e infeksionit nga koronavirusi në Ballkan! Austria planifikon të nxjerrë ushtrinë në kufi
20 Korrik 2020, 12:25 -
Tërmet me madhësi 5.8 në zonën qendrore të Detit Mesdhe
21 Maj 2020, 08:41 -
Ishte infektuar me COVID-19, punëtori nga Shqipëria gjendet i vdekur në Maqedoni
8 Prill 2020, 22:34 -
Maqedoni e Veriut/ 16 raste të reja brenda 24 orëve, shkon në 257 numri total i personave me COVID-19
29 Mars 2020, 15:03 -
Në Kosovë e Maqedoni shënohen viktimat e para nga koronavirusi! Thaçi: Të shpallim gjendjen e jashtëzakonshme
22 Mars 2020, 15:56 -
Shënohet viktima e parë nga koronavirusi edhe në Maqedoni, rezultoi pozitive vetëm pasi humbi jetën
22 Mars 2020, 15:51 -
Lajm i mirë nga Maqedonia e Veriut, shërohet nga COVID-19 pacientja zero
16 Mars 2020, 11:05 -
Maqedoni/ Dy raste të reja me koronavirus, çift i bashkëshortëve ishin kthyer nga Italia
6 Mars 2020, 19:56 -
Shpërndahet parlamenti, Maqedonia në zgjedhje të parakohshme me qeveri teknike në 12 prill
16 Shkurt 2020, 17:46
