Shqiptari më i urryer në SHBA merr
një tjetër medikament, i rrit çmimin!

Martin Shkreli shqiptari 32-vjeçar i cili është shefi ekzekutiv i kompanisë farmaceutike “Turing Pharmaceuticals” mendohet se është duke zhvilluar bisedime mbi blerjen e të drejtave për prodhimin e një tjetër medikamenti i cili kuron sëmundjen e “Chagas”.
 
Sipas New York Time "shqiptari më i urryer në SHBA" mendohet se do ta rrisë çmimin e medikamentit duke e çuar atë në vlerën e 274 dollarëve.
 
Rreth 10 milionë njerëz në mbarë botën janë të infektuar me këtë sëmundje, në Bolivi, Meksikë, Kolumbi dhe Amerikën Qendrore, si dhe afërsisht 30,000 njerëz në SHBA, raportoi New York Times.

Sëmundja Chagas është pak e njohur por tepër e rrezikshme e shkaktuar nga insektet të cilat pickojnë trupin e njeriut dhe që e infektojnë atë me sëmundje nga më të ndryshmet përfshirë dhe ato vdekjeprurëset.
 
“Chagas” ka ngjashmëri me përhapjen e hershme të HIV në organizmin e njeriut, sipas një studim të ri. E ngjashme me SIDA, Chagas është e vështirë për të zbuluar dhe mund të duhen vite që simptomat të shfaqen, thonë ekspertët në revistën PLOS Neglizhenca e Sëmundjeve Tropikale.

Kjo është hera e dytë që shqiptari Martin Shkreli rrit në mënyrë të ndjeshme cmimin e një medikamenti. Një muaj më parë ai rriti në mënyrë stratosferike çmimin e medikamentit "Diaprim" nga 13.5 nw 750 $, ilaç për kurimin e HIV-AIDS.
 
Shkreli u mbrojt me argumentin se përfitimet e nxjerra do të ndihmonin kërkimet shkencore për trajtime të reja, ndërsa kritikët i fshikulloi duke thënë se nuk marrin vesh fare nga industria e farmaceutikës.

Redaksia Online
(Gre.M/Shqiptarja.com)