Zyra e Brendshme në Angli ka thënë se "nuk i njeh" pretendimet se stafi në anijen 'Bibby Stockholm' bëri shaka se "kishte një gojë më pak mysliman për të ushqyer", pasi një azilkërkues në bord vdiq, shkruan Dailymail.
Ngjarja thuhet se ka ndodhur pak pasi, Leonard Farruku, një azilkërkues shqiptar, vdiq teksa jetonte në bordin e "anijes hotel" në dhjetor.
27-vjeçari mendohet u vetëvra, ndërsa shumë ish-banorë thanë se kushtet në anijen hotel ishin si të ishe 'në burg'.
Njëri tha se kjo i bënte të ndiheshin si 'kafshë kopshti zoologjik', ndërsa një tjetër pretendoi se stafi i sigurisë u kishte thënë që 'të mbanin gojën mbyllur'.
Një pastruese në maune foli në një takim në Parlament dhe tha se dëgjoi stafin që flisnin për Leonardin dhe qeshnin dhe bënin shaka, 'oh kjo është një gojë më pak myslimane për të ushqyer'.
Ajo tha se ishte 'e vështirë' të ngrinte shqetësimet dhe shtoi se një herë iu dha një 'paralajmërim verbal miqësor' pasi i qëndroi pranë dy prej azilantëve.
Ish-punonjësja gjithashtu pretendoi se stafi i lartë kishte bërë komente që ishin 'shpesh armiqësore dhe ndoshta raciste'.
"Bibby Stockholm", i ankoruar në brigjet e Portland në Dorset, është e vetmja anije akomoduese për migrantët e cila është përballur me një sërë pengesash.
Zbulimi i baktereve të rrezikshme çoi në evakuimin e saj verën e kaluar vetëm disa ditë pas mbërritjes së azilkërkuesve të parë dhe mbeti bosh për dy muaj.
Raporti, i prodhuar nga Care4Calais, Stand Up To Racism dhe Portland Global Friendship Group, bëri thirrje për mbylljen e menjëhershme të anijes dhe mos rinovimin e kontratës së saj, si dhe investime në vendimmarrësit e kërkesave për azil.
Një zëdhënës i Home Office tha: “Ne nuk i njohim pretendimet e bëra në këtë raport".
Një tjetër ish-banor, S, i tha hetimit: 'Kur dalim dhe hyjmë duhet të skanohemi, si siguria e aeroportit. Shumë njerëz nuk dalin jashtë për shkak të kësaj'.
“Një ditë isha duke qëndruar në restorant dhe thashë se ushqimi nuk ishte i mirë. Stafi i sigurisë tha 'Mbaje gojën mbyllur dhe ulu'".
Zyra e Brendshme hodhi poshtë planet për të blerë më shumë anije për të mbajtur azilkërkuesit në janar./ Marrë nga Dailymail
Lajme të tjera
-
Angli/ Shqiptari u vetëvra në azil, Home Office nuk jep sqarime për familjarët
10 Mars, 20:00 -
Angli/ Vdekja e azilkërkuesit shqiptar Leonard Farruku mund të ishte parandaluar! Punonjësi i shërbimit social: U injoruan problemet e tij
18 Shkurt, 17:27 -
Ilir Yzeiri: Vetëvrasja e Leonardit u porosit nga ne të gjithë*
12 Shkurt, 17:42
-
FOTO/ The Guardian i kushton artikull Leonardit: Tragjedia e muzikantit shqiptar, ëndrra e të cilit u pre në anijen e azil-kërkuesve në Angli
5 Shkurt, 18:28 -
Britani e Madhe/ I dha fund jetës në anijen hotel, rrëfehet shoku i dhomës së Leonard Farrukut: U la 12 orë pa asnjë lloj ndihme
10 Janar, 12:50 -
Ndërroi jetë në anijen hotel në Angli, shqiptarit Leonard Farruku do i jepet lamtumira në atdhe, përcillet në banesën e fundit të mërkurën
8 Janar, 21:18 -
Vdekja e shqiptarit në anijen hotel në Angli, e motra kërkoi ndihmë për të sjellë trupin në atdhe! Mblidhen më shumë se 10 mijë paund
2 Janar, 19:44 -
Vdekja e 27-vjeçarit nga Durrësi në anijen 'Bibby Stockholm', Britania nis hetimet
20 Dhjetor 2023, 15:25 -
27-vjeçari shqiptar i dha fund jetës në anijen 'Bibby Stockholm’, Avokati Hasani për Report Tv: Vetëvrasja po hetohet nga autoritetet britanike! Qeveria jep 7 mln në ditë për trajtimin e emigrantëve
19 Dhjetor 2023, 13:57 -
EMRI/ Kush është shqiptari që i dha fund jetës në 'anijen hotel' në Angli! Motra: Rojet e trajtonin si kafshë
18 Dhjetor 2023, 08:28
