POP 5

Lajmet më të lexuara të 5 minutave të fundit

Kultura

Shtëpitë e Mitrush Kutelit dhe Lasgush Poradecit drejt muzealizimit

Premtimi për rehabilitimin e lagjes historike në Pogradec brenda vitit 2021, duket një ogur i mirë edhe për muzealizimin e shtëpive të poetit Lasgush Poradeci edhe prozatorit Mitrush Kuteli. Drejtori i Trashëgimisë rrëfen projektin

Në këtë lagje historike të Pogradecit ndodhen banesat e dy kolosëve të mëdhenj të letrave shqipe Mitrush Kuteli dhe Lasgush Poradeci. Për fat të keq në banesën e të madhit Kuteli ka mbetur vetëm ky postaf, ndërsa shtëpia e Lasgushit Poradecit ka një tjetër pronar. Por pavarësisht kësaj është  premtuar rehabilitimi i këtyre dy banesave, duke synuar kështu kthimin e tyre në destinacion e trashëgimisë kulturore të shqiptarëve

-Rikonstruksioni dhe rehabilitimi i lagjes historike në qytetit e Pogradecit, duket sikur premton dhe kthimin në muze të dy banesave, të prozatorit të “Tregime të Moçme”, Mitrush Kutelit dhe të poetit të “Vallja e Yjeve”, Lasgush Poradecit. 

Por, edhe pse ky premtim është bërë gjatë një vizite të kryeministrit Edi Rama në Pogradec, situata nuk është dhe aq premtuese për shtëpinë e poetit Poradeci. Ndërtesa ku ka jetuar poeti pogradecar sot nuk ekziston më, sepse është shitur nga familja pas viteve ’85, e në të njëjtin vend pronari që e përvetësoi pronën ndërtoi një shtëpi të re.

Nënkryetari i Bashkisë rrëfen negociatat me pronarin aktual të shtëpisë së Poradecit, 

“Shtëpia e Lasgush Poradecit është shitur nga familjarët e poetit edhe bashkia është në negociata me pronarin e ri, që të bëjë të mundur rehabilitimin e saj.

Ndërsa, shtëpia e Mitrush Kutelin nuk ekziston edhe bashkia do të bëjë të mundur rindërtimin e saj” shprehet Paskalino Ziko nënkryetar i bashkisë Pogradec.  

Ndërsa, drejtor i Drejtorisë Rajonale të Trashëgimisë Kulturore, Gjergji Koki tregon se projekti për muzealizimin e shtëpive do të jetë gati brenda 2021-të

 “Besoj brenda vitit do të jetë projekti gati, gjë që u jep mundësinë thithjes së donacioneve, që në një të ardhme të afërt i gjithë rehabilitimi i i zonës të përfundojë”, thotë Gjergji Koki.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Shkodër/ Rijetëzimi i zonës së Zdrales, nis restaurimi i fasadave të banesave

Shkodër/ Rijetëzimi i zonës së Zdrales, nis restaurimi i fasadave të banesave

18 Dhjetor, 15:03