POP 5

Lajmet më të lexuara të 5 minutave të fundit

Kronikë

Shtohen denoncimet për mashtruesen e biznesmenëve në Tiranë! UNICEF: Nuk ishte punonjësja jonë

Denoncimet për gruan 64 vjeçare të arrestuar para dy ditësh nga policia e të akuzuar se ka mashtruar një numër të lartë biznesmenësh, pasi duke përdorur emrin e një organizate të huaj, i mashtronte ata se do të bënte projekte të mëdha, sa vijnë e rriten. Vetëm ditën e djeshme në polici janë regjistruar edhe dy denoncime të reja për Violeta Petron, ndërsa një nga personat që ajo kishte mashtruar ishte edhe vëllai i drejtorit të Policisë Tiranë, Rebani Jaupit.

TIRANE - Shtohen denoncimet në polici për 64-vjeçaren Violeta Petro, e cila dy ditë më parë u prangos nga Policia e Tiranës, pasi akuzohet se ka mashtruar biznesmenë duke u premtuar projekte të mëdha ndërtimi të financuara nga një organizatë e huaj, UNICEF.

Burime pranë policisë konfirmojnë për Report Tv se vetëm ditën e djeshme, në drejtorinë e policisë janë paraqiture edhe dy persona të tjerë, duke e kallëzuar atë për mashtrim. Mësohet se deri më tani, numri i denoncimeve për Petron ka shkuar në 9, e ndërsa dëmi i shkaktuar arrin në vlerën e rreth 1 milionë eurove.

Gruaja 64 vjeçare hiqej si pjesë e fondacionit të huaj, duke mashtruar biznesmenë se për t'u bërë pjesë e projekteve të tyre, kryesisht me çerdhe për fëmijë e azile të moshuarish, fillimisht duhet të paguanin nga 1% të vlerës që do të shkonte ndërtesa.

Më herët, burime thanë për Report Tv, se mes personave të mashtruar nga ana e 64 vjeçares, ishte edhe vëllai i Rebani Jaupit, drejtorit të Policisë së Tiranës.

Pas zbulimit të kësaj skeme mashtrimi nga ana e 64-vjeçares, policia i kërkoi informacion edhe organizatës UNICEF, sipas së cilës në asnjë moment nuk ka pasur të regjistruar punonjëse të identifikuar me emrin Violeta Petro.

Ndërkohë në dëshminë e saj, Petro ka mohuar të ketë mashtruar njeri, por duke mos i dhënë policisë asnjë argument bindës.

64-vjeçarja akuzohet për veprat penale “Mashtrimi”, “Fshehja e të ardhurave” dhe “Mospagimi i taksave dhe tatimeve”.

G.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56