Bizneset në vend i kanë blerë produktet nga jashtë 3.35 më shtrenjtë se në vitin e kaluar. Në tremujorin e tretë të këtij viti, kur ishte edhe shtrenjtimi më i dukshëm i produkteve jo vetëm në Shqipëri por edhe nëpër botë, sipas INSTAT indeksi i çmimeve të importit arriti në 103.2%, duke u rritur me 3.3% në raport me tremujorin e tretë të vitit të kaluar, dhe janë shtrenjtuar çmimet me 1.8% në raport me tremujorin e dytë të këtij viti.
Shtrenjtimi më i madh ashtu siç edhe pritej ka ndodhur tek energjia elektrike. Shqipëria e ka importuar energjinë 35.1% më shtrenjtë se me të njëjtin tremujor të vitit të kaluar. Ndërkohë sipas INSTAT shtrenjtimi i grupit të mallrave energji elektrike, gaz, avull apo ajër i kondicionuar, ka qenë në nivelin e 27,4% në raport me tremujorin e dytë të vitit.
Shtrenjtimi i energjisë pritet të ketë ndikimin më të madh në ndryshimin e indeksit në tremujorin e katër të vitit që është periudha tetor-nëntor-dhjetor, ku rritja e çmimeve ishte më evidente në Shqipëri. Vetëm për muajin tetor dhe nëntor vendi ka blerë 146 milionë euro energji elektrike, duke arritur në shifra rekord, pasi çmimet në bursë për megavat kapërcyen mbi 300 euro. Ndërkohë e gjithë bota është përballë një krize energjetike, e cila ka dhënë shenjat e saj tek çmimi për megavat.
Pas energjisë elektrike vjen seksioni i industrisë përpunuese, ku çmimet e produkteve të kësaj kategorie janë rritur me 2.1%.
“Brenda këtij seksioni rritja më e madhe e çmimeve vërehet në produktet e aktivitetit “Përpunimi i koksit dhe rafineria e nënprodukteve të naftës” me 5,1 %, pasuar nga aktivitetet “Prodhimi i pijeve” me 4,9 %, “Metalurgjia” me 3,4 %, “Prodhimi i produkteve të duhanit” me 3,3 %, etj. Nga ana tjetër çmimet në aktivitetin “Prodhimi i letrës dhe produkteve prej letre” kanë shënuar ulje me 2,1 %, pasuar nga “Shtypshkrime dhe rigrupim i mediave të regjistruara” me 1,7 %, “Industri të tjera ” me 0,5 %, etj”, thuhet në raportin e INSTAT.
Duke qenë se industria përpunuese ka peshën më të madhe në nivelin e indeksit, kjo kategori ka pasur edhe kontributin më të madh në ndryshimin mujor duke u rritur çmimet me 0,8 %.
“Ndryshimi Tremujor: Indeksi i Çmimeve të Importit në tremujorin e tretë 2021 shënoi rritje me 1,8 %, krahasuar me tremujorin e dytë 2021. Indeksi në seksionin “Industria përpunuese”, me ndikimin më të madh në ndryshimin mujor ka shënuar rritje me 0,8 %”, vijon më tej raporti.
(Kliko këtu për indeksin e çmimeve të importit)
Lajme të tjera
-
Thellohet rënia/ Eksportet e mallrave tkurren me 530 mln euro nga janari në tetor!
18 Nëntor, 14:09
-
Inflacioni ‘ngec’ në 1.9% aq sa ishte dhe në shtator, por shtrenjtimi i ushqimeve nuk ndalon! Çmimet e zarzavateve edhe më të kripura sesa vjet
8 Nëntor, 16:53
-
Vrojtimi i Bankës së Shqipërisë: Turizmi mban në ‘këmbë’ besimin në ekonomi! Ngec sektori i ndërtimit, më pak porosi për apartamente
1 Nëntor, 15:43
-
Censi 2023/ 60 mijë familje në Tiranë pa shtëpi por 85 mijë banesa janë bosh
1 Nëntor, 15:15
-
Censi 2023/ Tirana ka 598,176 banorë, rritet ndjeshëm popullsia në bashkitë me minoritet grek
1 Nëntor, 10:18 -
Çmimet e qumështit dhe kosit në Kosovë 2 herë më të ulta sesa në Shqipëri
28 Tetor, 09:40
-
ANALIZA e shifrave mbi nëndeklarimin/ Informaliteti në paga, një pjesë në dorë e tjetrën në bankë ‘krim ekonomik’ në kurriz të punonjësve
24 Tetor, 16:47
-
Sa të vjetra janë ndërtesat ku jetojnë shqiptarët? Dominojnë banesat e 1981-2000
20 Tetor, 07:45 -
Zhvlerësimi i valutave godet prodhimin vendas, në 9 muaj eksportet u ulën 47 mld lekë! ‘Made in Albania’ vlejnë më pak se vjet
18 Tetor, 21:06
-
Tregu i apartamenteve/ Të etur për prona, bum shitjesh të pasurive të paluajtshme! INSTAT: Në 6 muaj u shitën prona me vlerë 58 mld lekë
13 Tetor, 17:34
-
Shqiptarët shpenzojnë 40% të të ardhurave për ushqime, produktet e mishit ‘zbrazin’ portofolin! Kukësi e Dibra qarqet më të varfër
4 Tetor, 12:08
-
Ekonomia u rrit me 4.06% në tremujorin e dytë! Ndërtimi ‘mundi’ turizmin, ngecin shitjet e pasurive të paluajtshme
1 Tetor, 13:00
