POP 5

Lajmet më të lexuara të 5 minutave të fundit

Ekonomi

Shtrenjtohen me rreth 15% frutat dhe perimet! INSTAT: Ndikuan në rritjen e inflacionit, në tetor arriti në 2%

Çmimet e ushqimeve dhe pijeve joalkoolike në muajin tetor janë shtrenjtuar dhe kjo ka rritur edhe inflacionin që sipas Bankës është pozitive. Shtrenjtimi më i madh në çmime është konstatuar tek zarzavatet dhe frutat në një kohë që kostot e shëndetit dhe të transportit janë ulur.

Çmimet e zarzavateve dhe të frutave kanë pësuar një shtrenjtim të ndjeshëm në muajin tetor. Sipas raportit të INSTAT qytetarët në muajin e kaluar i kanë blerë zarzavatet përfshirë edhe patatet 18,5 %, më shtrenjtë se një vit më parë, dhe frutat 11.5% më shtrenjtë. Rritje kanë shënuar edhe çmimet e produkteve të tjera si vajra dhe yndyra” me 4,7 %, “sheqer, reçel, mjaltë, çokollata, ëmbëlsira” me 2,6 %, dhe produktet e peshkut me 2,3 %.

Referuar të dhënave në total grupi i ushqimeve dhe pijeve joalkoolike ka pësuar një rritje prej 4.9%. Ky shtrenjtim ka dhënë edhe impaktin më të madh në rritjen e inflacionit në tetor, i cili arriti në 2%, duke u përmirësuar për herë të parë pas karantinës në muajin maj, ku inflacioni u luhat në nivelin e 2.1%.

Në muajin shtator inflacioni ishte 1.5%, pra çmimet janë shtrenjtuar më shumë muajin që lamë pas. Inflacioni në vitin e kaluar në të njëjtin muaj ishte 1.3%, kohë kur vendi nuk po përjetonte një krizë të tillë, dhe as nuk kishte ndodhur goditja e tërmetit të nëntorit.

Nga ana tjetër çmimet e grupit “Transporti” u ulën me 4,3 %, pasuar nga grupet “Veshje dhe këpucë” me 0,8 %, “Shëndeti” me 0,4 % dhe “Argëtim dhe kulturë” me 0,3 %.  Por përsëri kjo rritje e inflacionit është larg objektivit të Bankës së Shqipërisë, e cila pret që në vitin 2022 inflacioni të arrij në 3%.

er.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Austri/ Orteku vret 2 skiatorë në alpet e Tirolit, kërkime dhe për një të tretë

Austri/ Orteku vret 2 skiatorë në alpet e Tirolit, kërkime dhe për një të tretë

26 Dhjetor, 20:11